മലയാളികളുടെ ഇഷ്ട താരമാണ് നടി ഹണി റോസ്. സോഷ്യൽ മീഡിയയിൽ സജീവമാണ് താരം. കഴിഞ്ഞ ദിവസം താരം സോഷ്യൽ മീഡിയയിൽ പങ്കുവച്ച ചിത്രങ്ങളാണ് ഇപ്പോൾ വൈറലായിരിക്കുന്നത്. മുടി മുറിച്ച് പുത്തൻ ലുക്കിൽ പിങ്ക് നിറത്തിലുള്ള ഷോട്ട് ഗൗണിൽ അതീവ സുന്ദരിയായിട്ടാണ് താരം എത്തിയിരിക്കുന്നത്. കൂടുതൽ മെലിഞ്ഞ് സുന്ദരിയായിരിക്കുന്നുവെന്നും ഞെട്ടിച്ചുവെന്നുമൊക്കെയാണ് ആരാധകരുടെ കമന്റുകൾ. ഹോളിവുഡ് നായികയെ പോലെ തോന്നുന്നുവെന്നും ചിലർ വിശേഷിപ്പിച്ചിട്ടുണ്ട്. ഇപ്പോഴിതാ ഫോട്ടോഷൂട്ട് ചെയ്യുന്നതിന്റെ വീഡിയോയും താരം പങ്കുവച്ചിരിക്കുകയാണ്.

ബിഗ് ബ്രദറിലാണ് ഹണി റോസ് അവസാനമായി മലയാളത്തിൽ അഭിനയിച്ചത്. മോഹൻലാൽ ചിത്രം മോൺസ്റ്ററിലും താരം ഒരു പ്രധാന വേഷത്തിലെത്തുന്നുണ്ട്. പതിനഞ്ച് വർഷത്തിലേറെയായി അഭിനയ രംഗത്ത് തുടരുന്ന ഹണി മെഗാ സ്റ്റാറുകൾക്ക് ഒപ്പം വരെയും അഭിനയിച്ചിട്ടുണ്ട് . മലയാളത്തിന് പുറമെ അന്യഭാഷാ ചിത്രങ്ങളിലും വേരുറപ്പിച്ച നടി അമ്മയുടെ പ്രവർത്തങ്ങളിലും സജീവമാണ്. പതിനാല് വയസിൽ അഭിനയജീവിതം ആരംഭിച്ച നടി 30ൽ എത്തിയപ്പോഴേക്കും തമിഴ്, തെലുങ്ക്, കന്നഡ തുടങ്ങിയ അന്യഭാഷ ചിത്രങ്ങളിലും തിളങ്ങി കഴിഞ്ഞു. 2005ൽ പുറത്തിറങ്ങിയ ബോയ് ഫ്രണ്ട് എന്ന ചിത്രത്തിലൂടെയാണ് വെളളിത്തിരയിൽ ഹണി അരങ്ങേറ്റം കുറിച്ചത്. പതിനാല് വയസിലാണ് മണിക്കുട്ടന്റെ നായികയായി നടി എത്തിയത്.