വീണ്ടും പണി പാളി...! ബാലചന്ദ്രകുമാര് റെക്കോര്ഡ് ചെയ്ത സംഭാഷണത്തിന്റെ തീയതി കണ്ടെത്താനായില്ല, പ്രതി പലരെയും ഉപയോഗിച്ച് സാക്ഷികളെ സ്വാധീനിക്കാന് ശ്രമിച്ചുവെന്ന് ആവര്ത്തിച്ച് പ്രോസിക്യൂഷന്, നടിയെ ആക്രമിച്ച കേസില് ദിലീപിന്റെ ജാമ്യം റദ്ദാക്കണമെന്ന ഹര്ജി ഈ മാസം 18 ലേക്ക് മാറ്റി
നടിയെ ആക്രമിച്ച കേസിൽ നടനും എട്ടാം പ്രതിയുമായ ദിലീപിന്റെ ജാമ്യം റദ്ദാക്കണമെന്ന ഹര്ജി ഈ മാസം 18 ന് പരിഗണിക്കുന്നതിനായി മാറ്റി. സംവിധായകൻ ബാലചന്ദ്രകുമാര് റെക്കോര്ഡ് ചെയ്ത സംഭാഷണത്തിന്റെ യഥാര്ഥ തീയതി കണ്ടെത്താനായില്ലെന്ന് പ്രോസിക്യൂഷന് കോടതിയെ അറിയിച്ചു.
സംവിധായകൻ ഹാജരാക്കിയ പെന്ഡ്രൈവിന്റെ ഫോറന്സിക് പരിശോധന ഫലം പ്രോസിക്യൂഷന് കോടതിയില് ഹാജരാക്കി.പ്രതി പലരെയും ഉപയോഗിച്ച് സാക്ഷികളെ സ്വാധീനിക്കാന് ശ്രമിച്ചുവെന്ന് പ്രോസിക്യൂഷന് കോടതിയിൽ ആവര്ത്തിച്ചു. ഇത് ജാമ്യ വ്യവസ്ഥയുടെ ലംഘനമാണെന്നും പ്രോസിക്യൂഷന് വാദിച്ചു.
കേസുമായി ബന്ധപ്പെട്ട് കോടതിയില് നിന്ന് നടിയുടെ ദൃശ്യങ്ങള് ചോര്ന്ന സംഭവത്തില് അന്വേഷണം ആവശ്യപ്പെട്ട് ക്രൈം ബ്രാഞ്ച് നല്കിയ ഹര്ജി പരിഗണിക്കുന്നതില് നിന്ന് ജസ്റ്റിസ് കൗസര് എടപ്പഗത്ത് പിന്മാറി.ഇന്ന് കേസ് പരിഗണനയ്ക്ക് വന്നതോടെ ജഡ്ജ് പിന്മാറുകയാണെന്ന് അറിയിക്കുകയായിരുന്നു.
https://www.facebook.com/Malayalivartha
