അമൃത - ഗോപി സുന്ദര്‍ ഇപ്പോഴും സോഷ്യൽ മീഡിയ ചർച്ചയിൽ നിന്നും ഒഴിവാക്കപ്പെട്ടിട്ടില്ല. ഇപ്പോഴിതാ പുതിയ സെല്‍ഫി ചിത്രവുമായി എത്തിയിരിയ്ക്കുകയാണ് ഗോപി സുന്ദര്‍. തന്നോട് ചേര്‍ന്ന് ഇരിയ്ക്കുന്ന അമൃതയ്‌ക്കൊപ്പമുള്ള സെല്‍ഫി ചിത്രം ഇന്‍സ്റ്റഗ്രാമിലൂടെയാണ് ഗോപി സുന്ദര്‍ പങ്കുവച്ചത്. അമൃതയെയും ടാഗ് ചെയ്തിട്ടുണ്ട്. ലവ് എന്ന് മാത്രമാണ് ഫോട്ടോയ്ക്ക് നല്‍കിയിരിയ്ക്കുന്ന ക്യാപ്ഷന്‍. പതിവ് പോലെ ഫോട്ടോയ്ക്ക് താഴെ ഇരുവരുടെയും ബന്ധത്തെ പ്രശംസിയ്ക്കുന്നവരും വിമര്‍ശിക്കുന്നവരും ഉണ്ട്. എന്നും ഇതുപോലെ സന്തോഷത്തോടെ ഇരിയ്ക്കുക, ഇഷ്ടമുള്ളവര്‍ക്കൊപ്പം ജീവിയ്ക്കുക, സമാധാനത്തോടെ ജീവിയ്ക്കുക എന്നതാണ് പ്രധാന്യം തുടങ്ങിയ കമന്റുകളാണ് കൂടുതലും. അമൃതയുടെ കുട്ടിയെ കൂടെ പരിഗണിക്കണേ എന്ന് പറയുന്നവരും ഉണ്ട്. ​ആഴ്ചകള്‍ക്ക് മുന്‍പ് അമൃതയ്‌ക്കൊപ്പം ഇതുപോലൊരു സെല്‍ഫി ചിത്രം പങ്കുവച്ചുകൊണ്ടാണ് പ്രണയത്തിലാണ് എന്ന വാര്‍ത്ത ഗോപി സുന്ദര്‍ ഔദ്യോഗികമായി അറിയിച്ചത്.

ബാലയുമായുള്ള വിവാഹ മോചനത്തിന് ശേഷം പാപ്പു എന്ന മകള്‍ക്കൊപ്പം കഴിഞ്ഞു വരികയായിരുന്നു അമൃത. പ്രിയയുമായുള്ള ദാമ്പത്യം അവസാനിപ്പിയ്ക്കാതെ അഭയ ഹിരണ്‍മയിയുമായി ലിവിങ് ടുഗെതര്‍ റിലേഷനിലായിരുന്ന ഗോപി സുന്ദറും, ആ ബന്ധത്തില്‍ നിന്നും വേര്‍പെട്ടതിന് ശേഷമാണ് അമൃതയ്‌ക്കൊപ്പം പുതിയ ജീവിതം ആരംഭിച്ചത്.