നയൻതാരയുടെയും വിഘ്‌നേഷിന്റെയും വിവാഹം കഴിഞ്ഞതോടെ ആരാധകർ അവർക്ക് പിന്നാലെയാണ്. ഇപ്പോഴിതാ ഇരുവരും തമ്മിലുള്ള പ്രായവ്യത്യാസം എത്രയെന്ന് കണ്ടെത്തിയിരിക്കുകയാണ് സോഷ്യല്‍ മീഡിയ. വിഘ്‌നേഷ് ശിവന് നയന്‍താരയേക്കാള്‍ പ്രായക്കുറവാണെന്ന കാര്യമാണ് ഇപ്പോൾ ചര്‍ച്ചയായിരിക്കുന്നത്. 29-ാം വയസിലാണ് വിഘ്‌നേഷ് ശിവന്‍ നയന്‍താരയുമായി പ്രണയത്തിലാകുന്നത്. ഏഴ് വര്‍ഷം നീണ്ട പ്രണയത്തിനൊടുവില്‍ തന്റെ 36-ാം വയസിലാണ് വിഘ്‌നേഷ് നയന്‍സിനെ വിവാഹം കഴിച്ചത്. അപ്പോള്‍ നയന്‍താരയുടെ പ്രായം 37. അതായത് ഇരുവരും തമ്മില്‍ കേവലം ഒരു വയസിന്റെ വ്യത്യാസം മാത്രമാണ് ഉണ്ടായിരുന്നത്. ഇരുവരും തമ്മില്‍ പ്രണയം ആരംഭിച്ച കാലത്ത് പ്രായ വ്യത്യാസം കാരണം വിഘ്‌നേഷിന് ഇക്കാര്യം തുറന്നുപറയാന്‍ മടിയുണ്ടായിരുന്നു എന്ന രീതിയില്‍ ഗോസിപ്പുണ്ടായിരുന്നു. എന്നാല്‍ നയന്‍താര-വിഘ്‌നേഷ് ജോഡികളേക്കാള്‍ മുമ്പ് വിവാഹിതരായ ധനുഷും ഐശ്വര്യയും തമ്മില്‍ രണ്ട് വയസിന്റെ വ്യത്യാസമുണ്ടായിരുന്നു.

വിഘ്‌നേഷ് ശിവനും നയന്‍താരയും തമ്മിലുള്ള വിവാഹം കഴിഞ്ഞ് ഏതാനും ദിവസങ്ങള്‍ മാത്രമേ ആയിട്ടുള്ളൂ. ആഡംബര വിവാഹത്തിന്റെ ചിത്രങ്ങള്‍ സമൂഹ മാധ്യമങ്ങളില്‍ വൈറലായിരുന്നു.
ചെന്നൈക്കടുത്ത് മഹാബലിപുരത്തെ പാർക്ക് ഷെറാട്ടണിൽ നടന്ന നയൻതാരയുടെയും വിഘ്നേഷ് ശിവന്റെയും വിവാഹം സ്വപ്നതുല്യമായിരുന്നു.