കമൽഹാസന്‍, വിജയ് സേതുപതി, ഫഹദ് ഫാസിൽ എന്നിവരെ പ്രധാന കഥാപാത്രങ്ങളാക്കി ലോകേഷ് കനകരാജ് സംവിധാനം ചെയ്ത വിക്രം റീലിസ് ചെയ്ത അന്ന് മുതൽ തിയറ്ററുകളിൽ റെക്കോർഡ് നേട്ടം കൊയ്യുകയാണ്. എസ്.എസ് രാജമൗലിയുടെ ബാഹുബലി തമിഴ്നാട്ടിൽ തീർത്ത കളക്ഷന്‍ റെക്കോർഡ് വരെ വിക്രം ഏതാനും ദിവസങ്ങൾക്കുള്ളിൽ മറികടക്കുമെന്നാണ് പുതിയ റിപ്പോർട്ട്. ട്രേഡ് റിപ്പോർട്ടുകൾ പ്രകാരം തമിഴ്‌നാട്ടിൽ 10 ദിവസം കൊണ്ട് 130 കോടിയിലധികം രൂപയാണ് വിക്രം വാരിയത്. അതേസമയം, അഞ്ച് വർഷമായി 155 കോടി കളക്ഷന്‍ റെക്കോർഡാണ് ബാഹുബലിയുടെ പേരിലുള്ളത്.

തിങ്കളാഴ്ച ചെന്നൈയിൽ രക്തദാന ക്യാമ്പയിൻ ആരംഭിച്ചതിന് ശേഷം ഒരു പത്രസമ്മേളനത്തിൽ സംസാരിക്കവെ കമൽ ഹാസനും വിക്രം വിജയത്തെക്കുറിച്ച് പറഞ്ഞു. “എല്ലാവരും പുരോഗമിക്കണമെങ്കിൽ, പണത്തെക്കുറിച്ച് വിഷമിക്കേണ്ടതില്ലാത്ത ഒരു നേതാവ് നിങ്ങൾക്ക് ആവശ്യമാണ്. ഒറ്റയടിക്ക് 300 കോടി സമ്പാദിക്കാം എന്ന് പറഞ്ഞപ്പോൾ ആർക്കും മനസ്സിലായില്ല. ഞാൻ നെഞ്ചിടിക്കുകയാണെന്ന് അവർ കരുതി. ഇപ്പോൾ അത് വരുന്നുവെന്ന് നിങ്ങൾക്ക് കാണാം (വിക്രം ബോക്സ് ഓഫീസ് കളക്ഷൻ). എന്റെ എല്ലാ കടങ്ങളും ഞാൻ തിരിച്ചടയ്ക്കും, ഞാൻ എന്റെ തൃപ്‌തിക്ക് ഭക്ഷണം കഴിക്കും, എന്റെ കുടുംബത്തിനും സുഹൃത്തുക്കൾക്കും എനിക്ക് കഴിയുന്നതെല്ലാം ഞാൻ നൽകും. അതിനു ശേഷം ഒന്നും ബാക്കിയില്ലെങ്കിൽ ഇനി കൊടുക്കാൻ എന്റെ പക്കൽ ഇല്ല എന്ന് പറയും. മറ്റൊരാളുടെ പണം വാങ്ങി മറ്റുള്ളവരെ സഹായിക്കുന്നതായി അഭിനയിക്കേണ്ടതില്ല. എനിക്ക് വലിയ പദവികളൊന്നും വേണ്ട. ഒരു നല്ല മനുഷ്യനാകാൻ ഞാൻ ആഗ്രഹിക്കുന്നു,” കമൽ വാർത്താ സമ്മേളനത്തിൽ പറഞ്ഞു.