വിക്രം മുന്നൂറുകോടി ക്ലബ്ബിൽ പ്രവേശിച്ച് വിജയ യാത്ര തുടരുമ്പോൾ തമിഴ്നാട് മുഖ്യമന്ത്രി എം കെ സ്റ്റാലിനെ കണ്ട് സ്നേഹമറിയിച്ച് കമൽ ഹാസൻ! കൂടിക്കാഴ്ചയ്ക്ക് പിന്നിൽ മറ്റെന്തെങ്കിലും രാഷ്ട്രീയ അജണ്ട ഉണ്ടോ എന്നും അഭ്യൂഹങ്ങൾ
വിക്രം മുന്നൂറുകോടി ക്ലബ്ബിൽ പ്രവേശിച്ച് വിജയ യാത്ര തുടരുമ്പോൾ തമിഴ്നാട് മുഖ്യമന്ത്രി എം കെ സ്റ്റാലിനെ കണ്ട് സ്നേഹമറിയിച്ച് കമൽ ഹാസൻ. മുഖ്യമന്ത്രിയുമായി കൂടിക്കാഴ്ച നടത്തിയ ശേഷം ഇൻസ്റ്റഗ്രാമിൽ ചിത്രം പങ്കുവയ്ക്കുകയും ചെയ്തിട്ടുണ്ട് താരം. തമിഴ്നാട്ടില് മാത്രമായി പത്ത് ദിവസം കൊണ്ട് നൂറ്റി മുപ്പത് കോടിയിലധികം രൂപയാണ് വിക്രം നേടിയത്. ‘ബാഹുബലി: ദി കണ്ക്ലൂഷന്’ തമിഴ്നാട്ടില് സൃഷ്ടിച്ച റെക്കോര്ഡ് വിക്രം ഉടന് മറികടക്കുമെന്നാണ് സൂചന. ബാഹുബലിയുടെ രണ്ടാം ഭാഗം നൂറ്റി അന്പത്തി അഞ്ച് കോടി രൂപയാണ് റിപ്പോര്ട്ടുകള് പ്രകാരം തമിഴ്നാട്ടില് നേടിയത്. ചിത്രത്തില് കമല് ഹാസന് പുറമെ വിജയ് സേതുപതി, ഫഹദ് ഫാസില്, സൂര്യ തുടങ്ങിയ വമ്പന് താരനിരയുമുണ്ടായിരുന്നു. രാജ്കമല് ഫിലിംസ് ഇന്റര്നാഷണലിന്റെ ബാനറില് കമല്ഹാസനും ആര് മഹേന്ദ്രനും ചേര്ന്നാണ് വിക്രം ത്തിന്റെ നിര്മ്മാണം നിര്വഹിച്ചത്. ലോകേഷിനൊപ്പം രത്നകുമാറും ചേര്ന്ന് ചിത്രത്തിന്റെ സംഭാഷണങ്ങള് രചിച്ചിരിക്കുന്നു. ഗിരീഷ് ഗംഗാധരന് ആണ് ഛായാഗ്രാഹകന്. സംഗീതം അനിരുദ്ധ് രവിചന്ദര്, എഡിറ്റിംഗ് ഫിലോമിന് രാജ്, സംഘട്ടന സംവിധാനം അന്പറിവ് തുടങ്ങിയവരാണ് സിനിമയുടെ മറ്റു അണിയറപ്രവര്ത്തകര്.അതേസമയം, തമിഴ്നാട് നിയമസഭാ തെരഞ്ഞെടുപ്പിൽ സജീവമായി പങ്കെടുക്കുമെന്ന് കമൽഹാസൻ ദിവസങ്ങൾക്ക് മുൻപ് പ്രഖ്യാപിച്ച സാഹചര്യത്തിൽ കൂടിക്കാഴ്ചയ്ക്ക് പിന്നിൽ മറ്റെന്തെങ്കിലും രാഷ്ട്രീയ അജണ്ട ഉണ്ടോ എന്നും അഭ്യൂഹങ്ങളുണ്ട്.
https://www.facebook.com/Malayalivartha
