മായം സെയ്‍തായ് പൂവെ എന്ന സംഗീത വീഡിയോയിൽ അഭിനയിച്ചുകൊണ്ടാണ് മാളവിക ജയറാംതന്റെ അരങ്ങേറ്റം കുറിച്ചിരിക്കുന്നത്. അശോക് ശെൽവന്റെ നായികയായിട്ടാണ് വീഡിയോയിൽ മാളവിക അഭിനയിച്ചിരിക്കുന്നത്. പ്രണവ് ഗിരിധരനാണ് മായം സെയ്‍തായ് പൂവെ പാട്ടിന്റെ സംഗീത സംവിധായകൻ. മായം സെയ്‍തായ് പൂവെ എന്ന ഗാനം ആലപിച്ചിരിക്കുന്നതും പ്രണവ് ഗിരിധരനാണ്. മനോജ് പ്രഭാകർ ആണ് ഗാനത്തിന്റെ വരികൾ എഴുതിയിരിക്കുന്നത്. അമിത് കൃഷ്‍ണനാണ് സംഗീത വീഡിയോ സംവിധാനം ചെയ്‍തിരിക്കുന്നത്. ഗോപിനാഥ് ദുരൈയാണ് വീഡിയോയുടെ ഛായാഗ്രാഹണം നിർവഹിച്ചിരിക്കുന്നത്. സോഷ്യൽ മീഡിയയിൽ വളരെ സജീവമായ മാളവികയുടെ ചിത്രങ്ങൾ പലപ്പോഴും ശ്രദ്ധനേടാറുണ്ട്. കാളിദാസിന്റെ പുതിയ ചിത്രം വിക്രം ഇപ്പോൾ തിയറ്ററുകൾ കീഴടക്കി തകർത്ത് ഓടുകയാണ്. എന്നാൽ ജയറാമും പാർവ്വതിയും ഇപ്പോഴും പ്രേക്ഷകരുടെ ഇഷ്‌ട താരദമ്പതികളാണ്. പാർവതി ഇപ്പോൾ സിനിമയിലില്ലെങ്കിലും സോഷ്യൽ മീഡിയയിൽ സജീവമാണ്. ഇരുവരുടെയും മക്കളും ആരാധകർക്ക് ഏറെ പ്രിയപ്പെട്ടവരാണ്. ഏറെ നാളുകൾക്ക് ശേഷം പാർവതി അടുത്തിടെ പൊതുവേദിയിൽ കണ്ട സന്തോഷത്തിലാണ് ആരാധകർ. ഒളിംപിക് അസോസിയേഷൻ നടത്തിയ കേരള ഗെയിംസിന്റെ പ്രചരണാർത്ഥം തിരുവനന്തപുരത്തെ വീവേഴ്സ് വില്ലേജ് ഒരുക്കിയ ഫാഷൻ ഷോയിലാണ് പാർവതി മകൾ മാളവികയ്ക്കൊപ്പം റാമ്പിൽ‌ തിളങ്ങിയത്. റാംപിൽ അതിസുന്ദരിയയായി എത്തിയ പാർവതിക്ക് നിറഞ്ഞ കൈയ്യടിയാണ് പ്രേക്ഷകർ നൽകിയത്. പാർവതി അഭിനയത്തിലേക്ക് തിരിച്ച് വരണമെന്നത് സിനിമാ പ്രേമികളുടെയെല്ലാം ആ​ഗ്രഹമാണ്. അത്രത്തോളം നല്ല കഥാപാത്രങ്ങൾ വന്നാൽ വീണ്ടും സിനിമയിലേക്ക് വരുന്നതിന് കുറിച്ച് പാർവതി ചിന്തിക്കുന്നുണ്ട്.1986 ൽ പുറത്തിറങ്ങിയ വിവാഹിതരേ ഇതിലെ എന്ന ചിത്രത്തിൽ കൂടി ആയിരുന്നു പാർവതി അഭിനയ ലോകത്തിലേക്ക് എത്തുന്നത്.

ആറ് വർഷങ്ങൾ ആയിരുന്നു താരം അഭിനയ ലോകത്തിൽ ശ്രദ്ധ കേന്ദ്രീകരിച്ച് നിന്നത്. ചെന്നൈയിൽ കുടുംബത്തോടൊപ്പമാണ് പാർവതി താമസിക്കുന്നത്. പാർവതിയുടെ വിശേഷങ്ങൾ കാളിദാസും മാളവികയും ഇടയ്ക്കിടെ സോഷ്യൽമീഡിയ വഴി പങ്കുവെക്കാറുണ്ട്. മക്കൾക്ക് പ്രണയിക്കാനുള്ള സ്വാതന്ത്ര്യം നൽകിയിട്ടുള്ള മാതാപിക്കളാണ് തങ്ങളെന്നാണ് പാർവതി പറയുന്നത്. 'ഞാനും ജയറാമും പ്രണയിച്ച് വിവാഹിതരായവരാണ്. അതിനാൽ തന്നെ മക്കളോട് പ്രണയിക്കരുതെന്ന് പറയാൻ പറ്റില്ല. നല്ല സ്വഭാവമുള്ളവരെ തെരഞ്ഞെടുക്കണം എന്ന് മാത്രമെ നിബന്ധനയുള്ളൂ. ചക്കിയും കണ്ണനും തങ്ങൾക്ക് പ്രണയങ്ങളുണ്ടായിട്ടുണ്ടെങ്കിൽ എന്നോട് പറയാറുണ്ട്.' 'ഒരിക്കൽ ചക്കി ഡേറ്റിന് പോയപ്പോൾ ഞാനാണ് ചക്കിയെ ഒരുക്കി വിട്ടത്. കാളിദാസിനെ പെൺകുട്ടികളെ ബഹുമാനത്തോടെ കാണാനും എങ്ങനെ പെരുമാറണമെന്നതും ഞാൻ പഠിപ്പിച്ചിട്ടുണ്ട്. പ്രണയിച്ചാലും ആ പെൺകുട്ടി ഒരു ചീത്തപ്പേര് വരാൻ നീ കാരണമാകരുത് എന്നാണ് പറഞ്ഞിരിക്കുന്നത്. എന്ത് ഉണ്ടെങ്കിലും തുറന്ന് പറയും രണ്ടുപേരുമെന്നും പാർവതി പറയുന്നു.