ജനപ്രിയ നടന് ജയറാമിനെക്കുറിച്ച് തമിഴ് താരം കാര്ത്തിക് പറയുന്നത്....

കളക്ഷന് റെക്കോര്ഡുകള് ഭേദിച്ചുകൊണ്ടാണ് തമിഴിന്റെ ഇതിഹാസ നോവല് പൊന്നിയിന് സെല്വന് മുന്നേറുന്നത്. പൊന്നിയിന് സെല്വന് മണിരത്നമാണ് സിനിമയാക്കിയിരിക്കുന്നത്. വല്ലവരായന് വന്തിയതേവന് എന്ന കഥാപാത്രത്തെ അവതരിപ്പിച്ച കാര്ത്തിയാണ് ചിത്രത്തിലെ നായകന്. മലയാളത്തിന്റ പ്രിയതാരം ജയറാം ചിത്രത്തില് വളരെ നല്ലൊരു വേഷമാണ് കൈകാര്യം ചെയ്തത്.
ആഴ്വാര് കടിയന് നമ്പി എന്ന കഥാപാത്രത്തെയാണ് ജയറാം അവതരിപ്പിച്ചത്. ഇപ്പോള് മലയാളികളുടെ പ്രിയതാരമായ ജയറാമിനെക്കുറിച്ച് സംസാരിക്കുകയാണ് തമിഴ് നടന് കാര്ത്തി. അദ്ദേഹത്തിന്റെ പുതിയ ചിത്രം സര്ദാറിന്റെ പ്രൊമോഷനുമായി ബന്ധപ്പെട്ട് കൊച്ചിയില്വെച്ച് നടന്ന പ്രസ് മീറ്റിലാണ് ജയറാമുമൊത്തുള്ള അനുഭവങ്ങള് കാര്ത്തി പങ്കുവെച്ചത്.
'ജയറാമേട്ടന്റെ കൂടെ ഇരുന്നാലെ ഫണ് ആണ്. ഷൂട്ടിങ് ഉള്ള ദിവസങ്ങളെല്ലാം ഞങ്ങള് ഒരുമിച്ചായിരുന്നു. മൂന്ന് കാറുണ്ടെങ്കിലും ഞാനും ജയറാമേട്ടനും ജയന് രവിയും ഒന്നിച്ച് ഒരു കാറിലാണ് പോകുക. അസിസ്റ്റന്സാണ് ഞങ്ങളുടെ കാറില് വരുക. ഇപ്പോള് ഞാന് അദ്ദേഹത്തെ വിളിച്ചതെയുള്ളു ഇവിടെ കൊച്ചിയിലുണ്ടെന്ന് പറയാനായി. സാറുടെ അനുഭവങ്ങളെല്ലാം ഭയങ്കരമാണ്.
എനിക്കും അദ്ദേഹത്തിനുമാണ് അധികവും ഒരുമിച്ചു സീന്സുണ്ടാകുക. ഒരു ഷോട്ടിന് മുമ്പേ ഇരുപത് തവണ അതിനായി അദ്ദേഹം റിഹേഴ്സല് ചെയ്യും. എന്നെ സംബന്ധിച്ച് അത് പുതിയ കാര്യമാണ്. തമിഴ് പറയുന്നതും സിനിമയിലെ നമ്പി എന്ന കഥാപാത്രമായി അദ്ദേഹം ട്രോന്സ്ഫര്മേഷന് നടത്തുന്നതെല്ലാം അതിയശയമാണ്. അത്രയ്ക്കും പെര്ഫക്ടാണ് അദ്ദേഹം.'
'പൊന്നിയിന് സെല്വനിലെ കഥാപാത്രം വളരെ ചെറുതാണ്. സാറിന് എന്റെ ഹൈറ്റുണ്ട്. എപ്പോഴും കാല് മടക്കി നടക്കണമായിരുന്നു. ഞാന് മുന്നില് നടക്കുമ്പോള് പിറകില് സംസാരിച്ചുകൊണ്ട് അദ്ദേഹം വരണമായിരുന്നു. കാര്ത്തി മെല്ലെ പോകു എന്നും പറഞ്ഞ് കൂടെ വരുമായിരുന്നു ചേട്ടന്.ആക്ഷനും കോമഡിയും എല്ലാം ആപ്റ്റ് ആകുന്ന വ്യക്തിയാണ്.
ആര്ട്ടിനോട് അത്രയും ഡെഡിക്കേഷനുണ്ട് ജയറാം ഏട്ടന്. ദൈവത്തെ പോലെയാണ് സിനിമയെ അദ്ദേഹം കാണുന്നത്. ഭയങ്കര നിഷ്കളങ്കനായ മനുഷ്യനാണ്. എപ്പോഴും ചിരിപ്പിച്ചുകൊണ്ടേ ഇരിക്കും. പക്ഷേ സ്റ്റേജിലും അതുകാണിക്കുമെന്ന് ഞാന് വിചാരിച്ചില്ല' കാര്ത്തി പറഞ്ഞു.
https://www.facebook.com/Malayalivartha























