പ്രണയത്തിന് ജാതിയും മതവുമൊന്നുമില്ല; ക്രിസ്ത്യന് വിവാഹ നിശ്ചയവും ഹിന്ദു കല്യാണവുമായി... പറഞ്ഞിട്ടെന്താ ഒരു വര്ഷം മാറിതാമസിച്ചു
തെന്നിന്ത്യ മുഴുവന് കൊട്ടിഘോഷിച്ച താര പ്രണയ വിവാഹമായിരുന്നു പ്രിയ നടി അമല പോളും പ്രശസ്ത തമിഴ് സംവിധായകന് എ.എല്. വിജയും തമ്മില് നടന്നത്. അന്ന് അമല പറഞ്ഞ വാക്കുകള് ഇപ്പോള് ഒന്നും കൂടി വായിക്കണം. 'പ്രണയത്തിന് ജാതിയും മതവുമൊന്നുമില്ല. സത്യം സ്നേഹം മാത്രമാണ്. അതിന്റെ സാക്ഷാത്കാരം എല്ലാവരുടെയും അനുഗ്രഹത്തോടെയുമാണ്'
അമല പോള് കൊച്ചിയിലെ ക്രിസ്ത്യന് കുടുംബാംഗമാണ്. വിജയ് ചെന്നൈയിലെ ഹിന്ദു ചെട്ടിയാര് സമുദായ അംഗവും. വിവാഹത്തിനായി മതം മാറേണ്ടതില്ലെന്ന് ഞങ്ങള് തീരുമാനിച്ചു. അതേസമയം ആചാരങ്ങളും വിശ്വാസങ്ങളും അതിന്റെ മുറയ്ക്കു നടക്കട്ടെ. അങ്ങനെയാണ് ക്രിസ്ത്യന് വിവാഹ നിശ്ചയം, ഹിന്ദു കല്യാണം എന്ന ആശയത്തില് എത്തിയത്. കൊച്ചിയിലെ സെന്റ് ജൂഡ് പള്ളിയിലാണ് മോതിരം കൈമാറിയത്. ചെന്നൈ എം.ജി.ആര് നഗറില് മേയര് രാമനാഥന് ചെട്ടിയാര് ഹാളിലാണ് വിവാഹം നടന്നത്.
ഈ കൊട്ടിഘോഷിച്ച വിവാഹമാണ് വിവാഹ മോചനത്തിലെത്തിയത്. ഇരുവരും ഒരു വര്ഷമായി പിരിഞ്ഞാണു താമസിച്ചിരുന്നതെന്ന് ഇരുവരുടെയും ഹര്ജിയില് പറയുന്നു. കഴിഞ്ഞ വര്ഷം മാര്ച്ച് മൂന്നാം തീയതി മുതലാണ് രണ്ടു സ്ഥലങ്ങളിലായി ഇരുവരും താമസിച്ചത്. സുഹൃത്തുക്കളും ബന്ധുക്കളും വിവാഹ ജീവിതം വീണ്ടും ഒരുമിപ്പിക്കാനുള്ള ശ്രമങ്ങള് നടത്തിയെങ്കിലും ഒന്നും വിജയം കണ്ടില്ല. പിരിയാനുള്ള തീരുമാനം ഒരുമിച്ചെടുക്കുകയായിരുന്നുവെന്നും ഇരുവര്ക്കും നഷ്ട പരിഹാരം വേണ്ടെന്നും ഹര്ജിയില് സൂചിപ്പിച്ചിട്ടുണ്ട്.
അമലാപോള്വിജയ് ദാമ്പത്യത്തില് വിള്ളല് വരാന് കാരണം വിജയ്യുടെ വീട്ടുകാരാണെന്നാണ് കുടുംബ സുഹൃത്തുക്കള് പറയുന്നത്. വിവാഹശേഷം അമല സിനിമയില് അഭിനയിക്കുന്നതിനോട് വിജയ്യുടെ വീട്ടുകാര്ക്ക് താത്പര്യമുണ്ടായിരുന്നില്ല. അതുകൊണ്ട് തന്നെ അമലയും വിജയും ഒരുമിച്ച് ചേര്ന്ന് കൊമേഷ്യല് സിനിമയില് നിന്നും ഒരു ബ്രേക്ക് എടുക്കാം എന്ന് തീരുമാനിച്ചിരിക്കുകയായിരുന്നു. എന്നാല് വിവാഹത്തിന് മുന്പ് കമ്മിറ്റ് ചെയ്ത 3 സിനിമകള് അമലയ്ക്ക് തീര്ക്കാന് ഉണ്ടായിരുന്നു. വിജയ്യുടെ പൂര്ണ്ണ സമ്മതത്തോടും പിന്തുണയോടും കൂടിയാണ് ഈ സിനിമകള് അമല പൂര്ത്തിയാക്കിയതെന്ന് സുഹൃത്തുക്കള് പറയുന്നു.
എന്നാല്, വേര്പിരിയുന്നു എന്നത് സത്യമാണെന്നും മറ്റുള്ളതെല്ലാം കെട്ടുക്കഥകളാണെന്നുമാണ് വിജയ് പറഞ്ഞത്. തന്റെ വീട്ടുകാര് കാരണമല്ല അമലയുമായുള്ള ദാമ്പത്യ ജീവിതം അവസാനിപ്പിക്കുന്നതെന്നും വിജയ് പറഞ്ഞിരുന്നു. വിവാഹ മോചന വിഷയവുമായി ബന്ധപ്പെട്ട് അമല പോള് ഇതുവരെ പ്രതികരിച്ചിട്ടില്ല.
https://www.facebook.com/Malayalivartha