വിവാഹമോചനത്തിനായുള്ള തീരുമാനം വ്യക്തിപരമാണെന്നും ആ തീരുമാനത്തിന്‌ പിന്നില്‍ സുഹൃത്തുക്കളാണെന്ന പ്രചരണം വേദനിപ്പിക്കുന്നതായും മഞ്‌ജു വാര്യര്‍ പറഞ്ഞു. ഫേസ്‌ബുക്കിലൂടെയാണ്‌ മഞ്‌ജു തന്റെ മനസ്‌ തുറന്നത്‌.
നമ്മുടെ സ്വകാര്യ ജീവിതത്തിലെ കാര്യങ്ങള്‍ മറ്റുള്ളവരെ ബാധിക്കുമ്പോള്‍ ചില വെളിപ്പെടുത്തലുകള്‍ നടത്തേണ്ടി വരുന്നു. എന്നാല്‍ അതവരുടെ നന്മയ്‌ക്കുവേണ്ടിയാണ്‌. വിവാഹമോചനമെന്നത്‌ എന്റെ സ്വന്തം തീരുമാനമാണെന്നും ഇതിന്‌ പിന്നില്‍ ആരുടേയും പ്രേരണയില്ലെന്നും മഞ്‌ജു വ്യക്തമാക്കുന്നു.
ഞാനും ദിലിപേട്ടനും പതിനാറു വര്‍ഷത്തെ കുടുംബ ജീവിതം അവസാനിപ്പിക്കാന്‍ തീരുമാനിച്ചത്‌ വ്യക്തിപരമായ തീരുമാനം മാത്രമാണ്‌. അതിന്റെ കാരണങ്ങള്‍ പുറത്തു പറയാന്‍ ആഗ്രഹിക്കുന്നില്ല. എന്റെ സങ്കടങ്ങളിലും സന്തോഷങ്ങളിലും കൂടെ നിന്നവരാണ്‌ ഗീതു, പൂര്‍ണിമ, ശ്വേത മേനോന്‍ തുടങ്ങിയവര്‍.   ഇവരാണ്‌ എന്‌റെ വ്യക്തി ജീവിതത്തില്‍ നടന്ന കാര്യങ്ങള്‍ക്ക്‌ ഉത്തരവാദികള്‍ എന്ന്‌ ചില പ്രചാരണങ്ങള്‍ ഉണ്ടാകുന്നു. അതില്‍ വേദനയുണ്ടെന്നും മഞ്‌ജു പറയുന്നു.

ജീവിതവും സമ്പാദ്യവുമെല്ലാം ഒന്നില്‍ നിന്നും തുടങ്ങുകയാണ്‌. ദിലീപേട്ടന്റെ സംരക്ഷണത്തില്‍ മകള്‍ എന്നും സന്തുഷ്‌ടയായിരിക്കുമെന്നും അവളുടെ പേരില്‍ അവകാശം ഉന്നയിയിച്ച്‌ ചെല്ലുകയില്ല. ദിലീപേട്ടന്‍ ജീവിതത്തിലെടുക്കുന്ന തീരുമാനങ്ങളെല്ലാം നല്ലതാകട്ടെ. ദിലീപേട്ടന്‌ കലാ ജീവിതത്തില്‍ ഇനിയും ഉയരങ്ങള്‍ കീഴടക്കുവാന്‍ സാധിക്കട്ടെയെന്നും മഞ്‌ജു ആശംസിക്കുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha