തുടക്കകാലത്തെ തന്റെ അഭിനയത്തെക്കുറിച്ച് ജയസൂര്യ
തന്റെ തന്നെ പഴയ ചിത്രങ്ങള് കാണുമ്പോള് തനിക്ക് പലതും തോന്നാറുണ്ടെന്ന് ജയസൂര്യ. ഒരു മാഗസിനു നല്കിയ അഭിമുഖത്തിലാണ് ജയസൂര്യ ഇതു പറഞ്ഞത്.
ആദ്യ പടം ഊമപെണ്ണിന് ഉരിയാടാപയ്യനില് തന്നെ അപകടം പറ്റി. അന്ന് ഫനീഫ്ക്കയാണ് കൂടെ. ഫുള് ആവേശമാണ്. ആ സിനിമയില് പരസ്യഹോര്ഡിംഗില് പെയിന്റ് ചെയ്യുന്ന കഥാപാത്രമാണ്. വിനയന് സാര് പറഞ്ഞു, ചാടുന്ന ഷോട്ടാ, ഡ്യൂപ്പിനെ വിളിക്കാം. ഞാന് പറഞ്ഞു, വേണ്ട സര് ഞാന് ചാടിക്കോളാം. ചാടി. കാലൊടിഞ്ഞു ആറ് മാസത്തെ റസ്റ്റ് പറഞ്ഞിരുന്നു എന്റെ ഭാഗ്യത്തിന് 20 ദിവസം കൊണ്ട് ശരിയായി.
പുലിവാല് കല്യാണമൊക്കെ ഇപ്പോള് കാണുമ്പോള് എനിക്ക് തന്നെ അറിയാം, അതിലെ കരച്ചിലൊന്നും പെറ്റ തള്ള സഹിക്കൂല്ല.. അത്രയ്ക്ക് ബോറായിരുന്നല്ലോ. അതില് ഞാനൊരു കത്ത് വായിക്കുന്ന സീനുണ്ട്. സംവിധായകന് ഷാഫിക്ക പറഞ്ഞു ജയാ ടേക്ക് പോകാം. ഞാനിങ്ങനെ കത്തു വായിക്കുന്നു, സങ്കടം വരുന്നു. അതാണ് സീന്.
https://www.facebook.com/Malayalivartha
