കൊറോണ വ്യാപനത്തിന് പിന്നാലെ ഗൾഫ് രാഷ്ട്രങ്ങൾ വീണ്ടും ഉണരുമ്പോൾ സ്വദേശിവത്കരണം കടുപ്പിക്കുകയാണ് പലരും. പ്രത്യേകിച്ച് സൗദി അറേബ്യ, കുവൈറ്റ്, ഒമാൻ എന്നീ രാഷ്ട്രങ്ങൾ. അത്തരത്തിൽ കഴിഞ്ഞ കുറച്ച് ദിവസങ്ങളായി സൗദി അറേബ്യയിൽ പ്രവാസികൾക്ക് കനത്ത ആഘാതം നൽകുണ്ണ വാർത്തകളാണ് പുറത്ത് വരുന്നത്.

ഒട്ടുമിക്ക മേഖലകളിലും സ്വദേശിവത്കരണം കടുപ്പിച്ച സൗ​ദി അ​റേ​ബ്യ​യി​ൽ ഇപ്പോഴിതാ 30 തൊ​ഴി​ൽ മേ​ഖ​ല​ക​ളി​ൽ​കൂ​ടി സ്വ​ദേ​ശി​വ​ത്​​ക​ര​ണം ന​ട​പ്പാ​ക്കാ​ൻ മാ​ന​വ​വി​ഭ​വ​ശേ​ഷി-​സാ​മൂ​ഹി​ക വി​ക​സ​ന മ​ന്ത്രാ​ല​യം തയ്യാറായിരിക്കുകയാണ്.

ഈ ​വ​ർ​ഷം ന​ട​പ്പാ​കു​മെ​ന്ന്​​ മാ​ന​വ​വി​ഭ​വ​ശേ​ഷി-​സാ​മൂ​ഹി​ക വി​ക​സ​ന മ​ന്ത്രി എ​ൻ​ജി. അ​ഹ്​​മ​ദ്​ അ​ൽ​റാ​ജി​ഹി വ്യക്തമാക്കുകയുണ്ടായി. റി​യാ​ദി​ൽ സ​ർ​ക്കാ​റു​മാ​യി ബ​ന്ധ​പ്പെ​ട്ട വി​വ​ര​ങ്ങ​ൾ അ​റി​യി​ക്കാ​ൻ വി​ളി​ച്ചു​ചേ​ർ​ത്ത പ​തി​വ്​ വാ​ർ​ത്ത​സ​മ്മേ​ള​ന​ത്തി​ലാ​ണ്​ മ​ന്ത്രി ഇ​ക്കാ​ര്യം അ​റി​യി​ച്ച​ത്. ഭൂ​രി​ഭാ​ഗം തൊ​ഴി​ൽ​മേ​ഖ​ല​ക​ളും ജോ​ലി​ക​ളും സ്വ​ദേ​ശി​വ​ത്​​ക​രി​ക്ക​ലാ​ണ്​ മ​ന്ത്രാ​ല​യ​ത്തി​ന്റെ ല​ക്ഷ്യ​മെ​ന്ന്​ അ​ദ്ദേ​ഹം വ്യ​ക്ത​മാ​ക്കുകയുണ്ടായി.

അതോടൊപ്പം തന്നെ 2021ൽ 32 ​മേ​ഖ​ല​ക​ളി​ലാ​ണ്​ സ്വ​ദേ​ശി​വ​ത്​​ക​ര​ണം ന​ട​പ്പാ​ക്കി​യ​ത്. സ്വ​ദേ​ശി യു​വാ​ക്ക​ളും യു​വ​തി​ക​ളു​മാ​യ 17,000 എ​ൻ​ജി​നീ​യ​ർ​മാ​ർ​ക്കും 3000 ദ​ന്ത​ഡോ​ക്​​ട​ർ​മാ​ർ​ക്കും 6000 ഫാ​ർ​മ​സി​സ്​​റ്റു​ക​ൾ​ക്കും തൊ​ഴി​ല​വ​സ​രം ഒ​രു​ക്കിയിട്ടുണ്ട്. അ​ക്കൗ​ണ്ടി​ങ്​ മേ​ഖ​ല​യി​ൽ 16,000 പേ​ർ​ക്കും ജോ​ലി ല​ഭ്യ​മാ​ക്കിയിരിക്കുകയാണ്. തൊ​ഴി​ൽ വി​പ​ണി​യി​ലെ സ്വ​ദേ​ശി​ക​ളു​ടെ എ​ണ്ണം 19 ല​ക്ഷം ക​വി​ഞ്ഞു. ഇതോടെ തൊ​ഴി​ൽ​വി​പ​ണി കാ​ര്യ​ക്ഷ​മ​ത​യു​ടെ കാ​ര്യ​ത്തി​ൽ ലോ​ക​ത്തെ മി​ക​ച്ച 20 രാ​ജ്യ​ങ്ങ​ളി​ൽ ഒ​ന്നാ​വാ​നാ​ണ്​ സൗ​ദി​യു​ടെ ല​ക്ഷ്യ​മെ​ന്നും മ​ന്ത്രി പ​റ​ഞ്ഞു.

അങ്ങനെ ബൃ​ഹ​ദ്​ പ​ദ്ധ​തി​ക​ളി​ലൂ​ടെ 18 ല​ക്ഷം തൊ​ഴി​ല​വ​സ​ര​ങ്ങ​ൾ സൃ​ഷ്ടി​ക്കാ​നാ​ണ്​ ല​ക്ഷ്യ​മി​ടു​ന്ന​ത്. സ്വ​കാ​ര്യ മേ​ഖ​ല​യി​ൽ 1,32,000ത്തി​ല​ധി​കം യു​വ​തി-​യു​വാ​ക്ക​ളെ മാ​ന​വ​വി​ഭ​വ​ശേ​ഷി നി​ധി​യാ​യ 'ഹ​ദ​ഫ്' പി​ന്തു​ണ​ക്കുകയാണ്. 2021ൽ ​നാ​ലു​ ല​ക്ഷം യു​വ​തി-​യു​വാ​ക്ക​ൾ തൊ​ഴി​ൽ വി​പ​ണി​യി​ൽ പ്ര​വേ​ശി​ക്കുകയും ചെയ്തിട്ടുണ്ട്. എന്നാൽ ഇത് ആ​ദ്യ​മാ​യാ​ണ്​ ഒ​രു വ​ർ​ഷ​ത്തി​ൽ ഇ​ത്ര​യും​ പേ​ർ തൊ​ഴി​ൽ വി​പ​ണി​യി​ലെ​ത്തു​ന്ന​ത്. സ്​​ത്രീ​ക​ളു​ടെ പ​ങ്കാ​ളി​ത്തം തൊ​ഴി​ൽ മേ​ഖ​ല​യ​ൽ 32 ശ​ത​മാ​ന​മാ​യി ഉ​യ​ർ​ന്നിട്ടുമുണ്ട്. വേ​ത​ന സം​ര​ക്ഷ​ണ സം​വി​ധാ​ന​ത്തി​ന്റെ വ്യാ​പ്തി 80 ശ​ത​മാ​ന​മാ​യി വി​പു​ലീ​ക​രി​ക്ക​പ്പെ​ട്ടു. ഓ​രോ മാ​സാ​വ​സാ​ന​വും തൊ​ഴി​ലാ​ളി​ക്ക് വേ​ത​നം ല​ഭി​ക്കു​ന്നു​ണ്ടെ​ന്ന് വേ​ത​ന സം​ര​ക്ഷ​ണ സം​വി​ധാ​നം ഉ​റ​പ്പാ​ക്കു​ന്നു.

അതോടൊപ്പം അ​വ​കാ​ശ​ങ്ങ​ൾ സം​ര​ക്ഷി​ക്കു​ന്ന​തി​നാ​യി ഏ​ഴു ദ​ശ​ല​ക്ഷം തൊ​ഴി​ൽ ക​രാ​റു​ക​ൾ ഇ​ല​ക്ട്രോ​ണി​ക് സം​വി​ധാ​ന​ത്തി​ലൂ​ടെ രേ​ഖ​പ്പെ​ടു​ത്തിയിരിക്കുകയാണ്. മ​ന്ത്രാ​ല​യ​ത്തി​ന്റെ എ​ല്ലാ സേ​വ​ന​ങ്ങ​ളും ഡി​ജി​റ്റ​ൽ ആ​യെ​ന്നും മ​ന്ത്രി പ​റ​ഞ്ഞു. തൊ​ഴി​ൽ വി​പ​ണി​ത​ന്ത്ര​ത്തി​ൽ 25 പ​രി​ഷ്‌​ക​ര​ണ സം​രം​ഭ​ങ്ങ​ൾ ആ​രം​ഭി​ച്ചു. നി​ക്ഷേ​പ​ക​രെ ആ​ക​ർ​ഷി​ക്കു​ക ല​ക്ഷ്യ​മി​ട്ട്​ നി​ല​വി​ലെ തൊ​ഴി​ൽ​വ്യ​വ​സ്ഥ പ​ഠ​ന​വി​ധേ​യ​മാ​ക്കുന്നതായിരിക്കും. സ്വ​ദേ​ശി​ക​ൾ​ക്ക്​ ജോ​ലി​ക​ൾ സൃ​ഷ്​​ടി​ക്കു​ന്ന​തി​നും ന​​ല്ലൊ​രു തൊ​ഴി​ൽ അ​ന്ത​രീ​ക്ഷ​മു​ണ്ടാ​ക്കാ​നു​മാ​ണ്​​ മ​ന്ത്രാ​ല​യം ശ്ര​മി​ച്ചു​കൊ​ണ്ടി​രി​ക്കു​ന്ന​തെ​ന്നും മ​ന്ത്രിവ്യക്തമാക്കി. ഇതോടുകൂടി നിരവധി പ്രവാസികൾക്ക് തൊഴിൽ നഷ്ടപ്പെടുമെന്ന ആശങ്ക നിലനിൽക്കുകയാണ്.