ഖത്തര് പോലീസിനോട് ഫിഫ; ലൈംഗികാതിക്രമത്തിന് ഇരയാകുന്ന സ്ത്രീകളെ ക്രിമിനലുകളായി കാണരുത്
ഖത്തര് പോലീസിനോട് ഫിഫ ഒരു ആവശ്യം ഉന്നയിച്ചിരിക്കുകയാണ്. ലൈംഗികാതിക്രമത്തിന് ഇരയായ സ്ത്രീകളെ ക്രിമിനലുകളായി കണക്കാക്കരുതെന്ന് ഖത്തര് പോലീസിനോട് ഫിഫ . ലോകകപ്പിനിടെ ബലാത്സംഗമോ ലൈംഗികാതിക്രമമോ റിപ്പോര്ട്ട് ചെയ്താല് സ്ത്രീകളെ കുറ്റവാളികളായി കണക്കാക്കരുതെന്നാണ് ആവശ്യം.
ഗര്ഭിണികളായ സ്ത്രീകളും 'ആരോപണങ്ങളൊന്നും നേരിടരുത്', ആവശ്യമെങ്കില് അവര്ക്ക് വൈദ്യസഹായം നല്കണം, ഫുട്ബോള് ബോഡിയുടെ സെക്യൂരിറ്റി ആന്ഡ് സേഫ്റ്റി ടീം പുറപ്പെടുവിച്ച മാര്ഗനിര്ദേശത്തില് പറയുന്നു. മാത്രമല്ല റെയിന്ബോ ടീ-ഷര്ട്ട് ധരിക്കുന്നവരെ അറസ്റ്റ് ചെയ്യരുതെന്നും , 'സ്നേഹത്തിന്റെ അടയാളങ്ങള് പ്രദര്ശിപ്പിക്കുന്ന' ആളുകളെ തടങ്കലില് വയ്ക്കുകയോ പ്രോസിക്യൂട്ട് ചെയ്യുകയോ ചെയ്യരുതെന്നും നിര്ദ്ദേശം നല്കിയിട്ടുണ്ട്.
എന്നാല് തങ്ങളോ ആതിഥേയ രാജ്യത്തിലെ ഏതെങ്കിലും സര്ക്കാര് സ്ഥാപനമോ ഈ രേഖ അംഗീകരിച്ചിട്ടില്ലെന്നാണ് ഖത്തര് പ്രസ്താവിച്ചത് .സ്ത്രീകളുടെ സ്വാതന്ത്ര്യത്തെ പരിമിതപ്പെടുത്തുകയും ലൈംഗികമായി ആക്രമിക്കപ്പെടുന്നവരെ ശിക്ഷിക്കുകയും ചെയ്യുന്ന ഖത്തറിന്റെ നിയമങ്ങളെ മറികടക്കാനുള്ള ശ്രമമാണ് ഈ നിര്ദേശങ്ങളെന്നാണ് സൂചന .
ഖത്തറില് വിവാഹേതര ലൈംഗികത കുറ്റകൃത്യമാണ്, ബലാത്സംഗത്തിനോ ലൈംഗികാതിക്രമത്തിനോ ഇരയായവരും ശിക്ഷിക്കപ്പെടുന്ന സാഹചര്യങ്ങള് ഉണ്ടാകുന്നുണ്ട്.ലോകകപ്പ് സംഘാടക സമിതിയില് ജോലി ചെയ്തിരുന്ന 28 കാരിയായ പാവോള സ്കിറ്റെക്കാട്ട് കഴിഞ്ഞ വര്ഷം ലൈംഗികമായി ആക്രമിക്കപ്പെട്ടതായി റിപ്പോര്ട്ട് ചെയ്തപ്പോള് അവിഹിത ബന്ധമുണ്ടെന്ന് ആരോപിച്ച് അവരെ ശിക്ഷിച്ചിരുന്നു.
ഒരു സഹപ്രവര്ത്തകന് തന്റെ ഫ്ലാറ്റില് അതിക്രമിച്ച് കയറി ആക്രമിച്ചതായി ഉദ്യോഗസ്ഥരോട് പറഞ്ഞിട്ടും അവര്ക്കെതിരെ 'വിവാഹേതര ലൈംഗികത കുറ്റം ചുമത്തി. കേസില് പുരുഷനെ കുറ്റവിമുക്തനാക്കി, എന്നാല് പാവോള സ്കിറ്റെക്കാട്ടിനു ഏഴ് വര്ഷവും 100 ചാട്ടവാറടിയും നേരിടേണ്ടി വന്നു . തുടര്ന്ന് അവര് രാജ്യം വിട്ടു. റെയിന്ബോ ടീ-ഷര്ട്ട് ധരിച്ചതിന്റെ പേരില് അമേരിക്കന് മാദ്ധ്യമപ്രവര്ത്തകനെ ലോകകപ്പ് സ്റ്റേഡിയത്തിലേക്ക് പ്രവേശിക്കുന്നത് തടഞ്ഞിരുന്നു . അതും ഫിഫയുടെ പ്രസ്താവനകള്ക്ക് കാരണമായിട്ടുണ്ട്.
https://www.facebook.com/Malayalivartha