ഖത്തറില്‍ വീണ്ടും എച്ച് 1 എന്‍ 1 രോഗം കണ്ടത്തെിയതായി റിപ്പോര്‍ട്ട്. അഞ്ച് നഴ്‌സറി െ്രെപമറിസ്‌കൂള്‍ വിദ്യാര്‍ത്ഥികളിലാണ് പുതുതായി അണുബാധ കണ്ടെത്തിയത്. ഏതാനും ദിവസങ്ങള്‍ക്ക് മുമ്പ് മൂന്നു കുട്ടികളില്‍ രോഗബാധ സ്ഥിരീകരിച്ചതിനു തൊട്ടു പിന്നാലെയാണ് അഞ്ചു കുട്ടികളില്‍ കൂടി രോഗബാധ കണ്ടെത്തിയത്. 

സുപ്രീം ആരോഗ്യ കൗണ്‍സിലിന്റെ ഉപദേശത്തെ തുടര്‍ന്ന് രോഗം കണ്ടെത്തിയ സ്‌കൂളുകള്‍ തുറന്നു പ്രവര്‍ത്തിക്കുന്നുണ്ടെങ്കിലും ആവശ്യമായ മുന്‍കരുതല്‍ നടപടികളെടുക്കാന്‍ നിര്‍ദേശിച്ചിട്ടുണ്ട്. കൂടുതല്‍ പേരില്‍ രോഗബാധ കണ്ടെത്തിയ സാഹചര്യത്തില്‍ സുപ്രീം ഹെല്‍ത്ത് കൗണ്‍സിലില്‍ നിന്ന് ഇതുസംബന്ധിച്ച ഔദ്യോഗിക പ്രതികരണങ്ങളൊന്നും ഉണ്ടായിട്ടില്ല. എന്നാല്‍ ആശങ്കപ്പെടേണ്ട സാഹചര്യമില്ലെന്നും സ്ഥിതി നിയന്ത്രണവിധേയമാണെന്നും കൗണ്‍സില്‍ കഴിഞ്ഞദിവസം വാര്‍ത്താസമ്മേളനത്തില്‍ അറിയിച്ചിരുന്നു.
നേരത്തെ ഖത്തറിലെ മൂന്ന് െ്രെപമറി ക്ലാസ് വിദ്യാര്‍ഥിനികള്‍ക്ക് ഇന്‍ഫ്‌ളുവന്‍സ് എ വിഭാഗത്തില്‍പെട്ട എച്ച് വണ്‍ എന്‍ വണ്‍ പനി ബാധിച്ചതായി സുപ്രീം ആരോഗ്യ കൗണ്‍സില്‍ സ്ഥിരീകരിച്ചിരുന്നു. ഒരു സ്‌കൂളിലെ വിവിധ ക്ലാസുകളിലായി പഠിക്കുന്ന ഒരേ കുടുംബത്തിലെ കുട്ടികള്‍ക്കാണ് എച്ച് 1 എന്‍1 ബാധിച്ചത്. ഇതേത്തുടര്‍ന്ന് ആവശ്യമായ മുന്നൊരുക്കങ്ങളെടുക്കുകയും എല്ലാവരും വാക്‌സിനെടുക്കണമെന്ന് കൗണ്‍സില്‍ നിര്‍ദേശിക്കുകയും ചെയ്തിട്ടുണ്ട്.
ചില വിദ്യാര്‍ഥികള്‍ക്ക് എച്ച് വണ്‍ എന്‍ വണ്‍ ബാധിച്ചതായി സ്‌കൂള്‍ അധികൃതരും സ്ഥിരീകരിച്ചിട്ടുണ്ട്. വൈറസ് ബാധയുടെ ലക്ഷണമുള്ള വിദ്യാര്‍ഥികളെ സ്‌കൂളുകളിലേക്ക് അയയ്ക്കരുതെന്ന് രക്ഷിതാക്കള്‍ക്ക് നിര്‍ദേശം നല്‍കിയിട്ടുണ്ട്. കാലാവസ്ഥയില്‍ വന്ന മാറ്റമാണ് എച്ച് വണ്‍ എന്‍ വണ്‍ വൈറസിനെ ശക്തമാക്കുന്നതെന്നാണ് സൂചന. എന്നാല്‍ മികച്ച ചികിത്സയും പ്രതിരോധ കുത്തിവെപ്പും എടുത്താല്‍ ഭയപ്പെടേണ്ട സാഹചര്യമില്ലെന്ന് സുപ്രീംകൗണ്‍സില്‍ അറിയിച്ചു. ഇതിനായി രാജ്യത്തിന്റെ വിവിധ ഭാഗങ്ങളിലുള്ള പ്രാഥമികാരോഗ്യ കേന്ദ്രങ്ങളില്‍ സൗകര്യം ഒരുക്കിയിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha