സൗദി അതിര്ത്തിയിലെ നിരോധിത മേഖലയില് കടന്നാല് രണ്ടര വര്ഷം തടവും കാല്ലക്ഷം റിയാല് പിഴയും
സൗദി അതിര്ത്തിയിലെ നിരോധിത മേഖലയില് പ്രവേശിക്കുന്നവര്ക്ക് രണ്ടര വര്ഷം തടവും 25000 റിയാല് പിഴയും ലഭിക്കുമെന്ന് അതിര്ത്തിരക്ഷാസേനാ വക്താവ് കേണല് സാഹിര് അല് ഹര്ബി മുന്നറിയിപ്പ് നല്കി. അതിര്ത്തിയില് നിന്ന് 20 കിലോമീറ്റര് അകലെ വരെയുള്ളള സ്ഥലത്ത് പ്രവേശിക്കുന്നതിനാണ് വിലക്കേര്പ്പെടുത്തിയിട്ടുളളത് .സൗദിയുടെ കിഴക്കന് പ്രവശ്യയിലെ ഹഫര് അല് ബാത്തിന് , അല് ഖഫ്ജി സെക്ടറകളിലും ഉത്തര അതിര്ത്തി പ്രവശ്യയായ റഫ് വ ,അല് ശു\' അബ ,അല് ഉവൈഖില ,അറാര് ,തു റൈഫ് സെക്ടറുകളിലും അല് ജൗഫില് അല് ഈസാവിയ ,അല് ഹദീഥ സെക്ടറുകളിലും തബൂക്കില്
ഹാല അമ്മാര് ,ഹഖ് ല് സെക്ടറിലും അതിര്ത്തിയില് നിന്ന് 20 കിലോമീറ്റര് വരെയുളള പ്രദേശം നിരോധിത മേഖലയാണ്. നിരോധിത മേഖല എന്ന് വ്യക്തമാക്കുന്ന അടയാളങ്ങളും സ്ഥാപിച്ചിട്ടുണ്ട്. വ്യക്തികളും ,വാഹനങ്ങളും നിരോധിത മേഖലയില് പ്രവേശിക്കുന്നത് കര്ശന വിലക്കാണ് ഏര്പ്പെടുത്തിയിരുന്നത്. എന്ത് ആവശ്യത്തിന്റെ പേരിലായാലും നിരോധിത മേഖലയില് പ്രവേശിക്കുന്നവര്ക്ക് 30 മാസം തടവും കാല് ലക്ഷം റിയാല് പിഴയും ലഭിക്കുമെന്ന് അതിര്ത്തി രക്ഷാ സേനാ വക്താവ് അറിയിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
