മനസ്സുമരവിക്കുന്ന ക്രൂരത. എട്ടുവയസുകാരി ആദ്യരാത്രിയില്‍ ആന്തരീക രക്തസ്രാവത്തെ തുടര്‍ന്നു മരണത്തിനു കീഴടങ്ങി. തന്നെക്കാള്‍ അഞ്ചിരട്ടി പ്രായമുള്ള യുവാവാണു കുട്ടിയെ വിവാഹം കഴിച്ചത്. യമനിലാണു മനുഷ്യമനസാക്ഷിയെ മരവിപ്പിക്കുന്ന സംഭവം. പെണ്‍കുട്ടിയുടെ ആന്തരീകാവയവങ്ങളില്‍ ക്ഷതമേറ്റ പാടുകളുണ്ട്. ശാരീരിക വളര്‍ച്ച പോലും പൂര്‍ണ്ണമാകാത്ത പെണ്‍കുട്ടി ക്രൂരപീഡനത്തിന് ഇരയായാണു മരിച്ചത്.
വളരെച്ചെറിയ പെണ്‍കുട്ടികളെ വളരെ പ്രായമേറിയ പുരുഷന്മാര്‍ വിവാഹം കഴിക്കുന്നതു യമനില്‍ പതിവാണ്. ഇത്തരത്തില്‍ വിവാഹിതരാകുന്ന പെണ്‍കുട്ടികള്‍ വിവാഹശേഷം ക്രൂരപീഡനങ്ങള്‍ക്കു വിധയമായി കൊല്ലപ്പെടുന്ന കേസുകള്‍ യമനില്‍ റിപ്പോര്‍ട്ട് ചെയ്യപ്പെടുന്നുണ്ട്. 2012ല്‍ പ്രസവത്തോടെ 12 വയസുകാരി മരണപ്പെട്ടതു വളരെ ഏറെ വാര്‍ത്ത പ്രാധാന്യം നേടിരുന്നു.
യമനില്‍ വിവാഹിതരാകുന്ന പെണ്‍കുട്ടികളില്‍ നാലിലൊന്നും 15 വയസില്‍ കുറഞ്ഞവരാണ്. ദാരിദ്രമാണ് ഇതിനു കാരണമായി ചൂണ്ടിക്കാണിക്കുന്നത്. വിവാഹത്തിന്റെ പേരില്‍ പലരും പെണ്‍കുട്ടികളെ പണം വാങ്ങി വില്‍ക്കുകയാണ് പതിവ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha