മെക്സിക്കൻ മതിലിൽ ഫ​ണ്ടു ല​ഭ്യ​മാ​യി​ല്ലെ​ങ്കി​ൽ ദേ​ശീ​യ അ​ടി​യ​ന്ത​രാ​വ​സ്ഥ പ്ര​ഖ്യാ​പ​ന​ത്തി​ന് ത​നി​ക്ക് പൂ​ർ​ണ അ​വ​കാ​ശ​മു​ണ്ടെ​ന്ന് യൂ എസ് പ്രസിഡന്റ് ഡോണൾഡ് ട്രം​പ്.അ​മേ​രി​ക്ക​യി​ൽ മെ​ക്സി​ക്ക​ൻ മ​തി​ലി​നെ ചൊ​ല്ലി​യു​ള്ള ഭ​ര​ണ​പ്ര​തി​സ​ന്ധി തു​ട​രു​ന്നതിനിടെയാണ് ട്രംപിന്റെ ഈ പ്രഖ്യാപനം. കഴിഞ്ഞ ദിവസം ട്രം​പ് അ​തി​ർ​ത്തി പ്ര​ദേ​ശ​ങ്ങ​ൾ സ​ന്ദ​ർ​ശി​ച്ചു.

അതേസമയം, ഭരണപ്രതിസന്ധി മൂന്നാഴ്ചയായി തുടരുന്നതിനിടെ ട്രം​പി​നെ​തി​രേ സ​മ​ര​ക്കാ​ർ വാ​ഷിം​ഗ്ട​ണി​ൽ തെ​രു​വി​ലി​റ​ങ്ങി. ഭ​ര​ണ​പ്ര​തി​സ​ന്ധി മൂ​ലം എ​ട്ട് ല​ക്ഷം പേ​ർ​ക്കാ​ണ് ശമ്പളം മു​ട​ങ്ങി​യി​രി​ക്കു​ന്ന​ത്.

നേരത്തെ , മെക്സിക്കോയിൽ നിന്നുള്ള കുടിയേറ്റക്കാർ നടത്തുന്ന കൊലപാതകങ്ങളുമെല്ലാം യുഎസിന്റെ സുരക്ഷിതത്വത്തിനു ഭീഷിണിയിലാണെന്ന് ചൂണ്ടിക്കാട്ടിയിരുന്നു. കോൺഗ്രസിന്റെ അനുമതിയില്ലാതെ തന്നെ മതിലിനു പണം ലഭ്യമാക്കാൻ പ്രസിഡന്റിന്റെ അധികാരമുപയോഗിക്കുമെന്ന് ഏതാനും ദിവസം മുമ്പ് ട്രംപ് സൂചിപ്പിച്ചിരുന്നു. എന്നാൽ, കോൺഗ്രസുമായി ചേർന്ന് പ്രതിസന്ധി പരിഹരിക്കാൻ ശ്രമം തുടരുമെന്നും പറഞ്ഞിരുന്നു.

മെ​ക്സി​ക്ക​ൻ അ​തി​ർ​ത്തി​യി​ൽ മ​തി​ലോ സ്റ്റീ​ൽ വേ​ലി​യോ കെ​ട്ടു​ന്ന​തി​നു ഡെമോക്രാറ്റുകളുടെ എതിർപ്പിനെ തുടർന്നുള്ള പണപ്രതിസന്ധിയുടെ പശ്ചാത്തലത്തിൽ 18 ദിവസമായി ഫെഡറൽ സർക്കാരിന്റെ പ്രവർത്തനം ഭാഗികമായി സ്തംഭിച്ചിരിക്കയാണ്. ഇത് ട്രംപിനെതിരെ ജനരോഷം ഉയർത്തുന്നു.