താന് ഭാര്യയെ ബലാത്സംഗം ചെയ്തിട്ടുണ്ടെന്ന കവി ജെയിംസ് കെ ബക്സ്റ്ററുടെ കുറ്റസമ്മതം ഞെട്ടല് ഉളവാക്കുന്നു
ജെയിംസ് കെ ബക്സ്റ്റര് ന്യൂസിലാന്ഡ് കണ്ട ഏറ്റവും വലിയ കവിയാണ്. തന്റെ സ്വകാര്യ ജീവിതത്തെ കുറിച്ച് അദ്ദേഹം സുഹൃത്തിന് അയച്ച കത്തില് തുറന്ന് എഴുതിയിരിക്കുന്ന ചില കാര്യങ്ങള് ഇപ്പോള് ചര്ച്ചയാകുകയാണ്. 1972-ന് ഈ ലോകം വിട്ടു പോയെങ്കിലും ന്യൂസിലന്ഡില് ഇപ്പോഴും ഏറ്റവും സ്വാധീനം ചെലുത്തുന്ന എഴുത്തുകാരനായ ഇദ്ദേഹം വിവിധ സുഹൃത്തുക്കള്ക്കയച്ച കത്തുകള് വിക്ടോറിയ യൂണിവേഴ്സിറ്റി പ്രസ് തിരഞ്ഞെടുത്തത് പ്രസിദ്ധീകരിച്ചതോടെയാണ് കവിയുടെ ജീവിതത്തിലെ ഇരുണ്ട ഏടുകള് ആരാധകര്ക്കു മുന്നില് വെളിപ്പെട്ടത്.
'ലൈംഗികബന്ധത്തിലേര്പ്പെടാന് താല്പര്യമില്ലാതിരുന്ന സമയത്ത് ഞാന് ഭാര്യയെ ബലാത്സംഗം ചെയ്തിട്ടുണ്ട്.'' കുറ്റസമ്മതം നടത്തികൊണ്ട് ബസ്റ്റര് അടുത്ത സുഹൃത്തിന് അയച്ച കത്ത് ഈയടുത്ത് പ്രസിദ്ധീകരിക്കപ്പെട്ടതാണ് അദ്ദേഹത്തിനെ ആരാധിക്കുന്നവരുടെ മനസുലച്ച് കളഞ്ഞത്. ന്യൂസിലന്ഡിലെ ഏറ്റവും ആരാധകരുണ്ടായിരുന്ന, എന്നാല് വിവാദ നായകനായിരുന്ന ബാക്സ്റ്ററിന്റെ മരണശേഷം ആണ് ഇപ്പോള് വിവാഹബന്ധത്തിനകത്തെ ബലാത്സംഗം വിചാരണ ചെയ്യപ്പെടുന്നത്.
1950-ല് ഓസ്ഫോര്ഡ് യൂണിവേഴ്സിറ്റി പ്രസ് അദ്ദേഹത്തിന്റെ കവിത സമാഹാരം ഇന് ദി ഫയേഴ്സ് ഓഫ് നോ റിട്ടേണ് പ്രസിദ്ധീകരിച്ചതോടെയാണ് ബാക്സ്റ്ററിലെ പ്രതിഭയെ ലോകമറിയുന്നത്. ന്യൂസീലന്ഡ് സാഹിത്യ ലോകത്ത് തന്റേതായ വ്യക്തിമുദ്ര പതിപ്പിച്ച ജാക്യു സ്റ്റം ആയിരുന്നു അദ്ദേഹത്തിന്റെ ജീവിതപങ്കാളി.
''സാഹിത്യ ലോകത്തെ അദ്ദേഹത്തിന്റെ പ്രശസ്തിയും കഴിവും കൊണ്ട് പങ്കാളിയോട് അദ്ദേഹം നടത്തി വന്നിരുന്ന ലൈംഗിക അതിക്രമങ്ങളെ വെള്ളപൂശാനാവില്ല, അദ്ദേഹത്തിന്റെ പുരുഷാധികാര ഹുങ്കും, ബലാത്സംഗപ്രവണതകളും ഉറപ്പായും ചോദ്യം ചെയ്യപ്പെടുകയും പണ്ട് നടന്നാലും ഇപ്പോള് നടന്നാലും, ആരായാലും ബലാത്സംഗം ബലാത്സംഗം തന്നെയാണ്, ലോകം ചര്ച്ച ചെയ്യുകയും ചെയ്യും. സ്പിനോഫ് വെബ്സൈറ്റില് എഴുതിയ ഒരു ഓര്മക്കുറിപ്പില് സ്റ്റെമിന്റെ ചെറുമകന് ജാക്ക് മക്ഡൊണാള്ഡ് വ്യക്തമാക്കുന്നു.
https://www.facebook.com/Malayalivartha