സിക്കിം തുരങ്ക ദുരന്തത്തില് മരിച്ച അനീഷ് മോഹന്റെ മൃതദേഹം വീട്ടിലെത്തിച്ചു
സിക്കിമിലുണ്ടായ തുരങ്ക ദുരന്തത്തില് മരിച്ച എന്എച്ച്പിസി സീനിയര് മാനേജരും ജിയോളജിസ്റ്റുമായ അനീഷ് മോഹന്റെ മൃതദേഹം വീട്ടിലെത്തിച്ചു. ശനി രാവിലെ വിമാനമാര്ഗമാണ് മൃതദേഹം കൊച്ചിയിലെത്തിച്ചത്. വെള്ളി രാത്രി കൊല്ക്കത്തയില് നിന്ന് പുറപ്പെട്ട എയര്ഇന്ത്യ വിമാനത്തിലാണ് മൃതദേഹം നെടുമ്പാശേരിയില് എത്തിച്ചത്. രാവിലെ പത്തോടെ പ്രത്യേക ആംബുലന്സില് മൃതദേഹം പാമ്പാടിക്ക് സമീപം പത്താഴക്കുഴി കൊച്ചുമറ്റത്തെ കൂരോത്തുപറമ്പില് വീട്ടിലേക്ക് കൊണ്ടുന്നു. പകല് രണ്ടോടെ സംസ്കാര ചടങ്ങുകള് ആരംഭിക്കും.
നിരവധി പേരാണ് അനീഷിന് അന്ത്യോപചാരം അര്പ്പിക്കാനായി വീട്ടിലേക്കെത്തുന്നത്. സിക്കിമിലെ നാംചി ജില്ലയിലെ എന്എച്ച്പിസിയുടെ നേതൃത്വത്തിലുള്ള നിര്മാണത്തിനിടെ ഭൂമിക്കടിയിലുണ്ടായ മീഥൈന് വാതക സ്ഫോടനത്തിലാണ് അനീഷ് മോഹന് മരിച്ചത്. ദേശീയ ജലവൈദ്യുത കോര്പറേഷന്റെ ടീസ്ത ഫൈവ് ഹൈട്രോ ഇലക്ട്രിക് പ്രോജക്ടിന്റെ ഭാഗമായി റിസര്വോയറില് നിന്ന് പവര്ഹ!ൗസിലേക്ക് വെള്ളം എത്തിക്കുന്നതിനായാണ് ടണല് നിര്മിച്ചത്. 20 പേരാണ് അപകടത്തില് മരിച്ചത്.
എന്എച്ച്പിസിയില് സീനിയര് മാനേജരായ അനീഷ് മോഹന് മികച്ച ശാസ്ത്രലേഖകനും വ്ലോഗറുമാണ്. 2001–04 കാലയളവില് കോട്ടയം ഗവ. കോളേജില് നിന്നാണ് ബിഎസ്സി ജിയോളജി പൂര്ത്തിയാക്കിയത്. ഏഴു മാസം മുന്പാണ് ഹരിയാനയില്നിന്ന് സിക്കിമിലേക്ക് സ്ഥലംമാറ്റം ലഭിച്ചത്.
https://www.facebook.com/Malayalivartha
