കു​ല്‍​ഭൂ​ഷ​ണ്‍ ജാദവ് കേ​സി​ല്‍ രാ​ജ്യാ​ന്ത​ര കോ​ട​തി​യി​ല്‍ പാ​ക്കി​സ്ഥാ​ന്‍റെ വി​ചാ​ര​ണ ആരംഭിച്ചു.  മുസ്ലീം പേരിലെടുത്ത പാസ്‍പോര്‍ട്ട് ജാദവിൽ നിന്ന് കണ്ടെത്തിയിട്ടുണ്ടെന്നാണ് പാകിസ്ഥാൻ വാദിക്കുന്നത്. പാ​ക്കി​സ്ഥാ​ന്‍ അ​റ്റോ​ര്‍​ണി ജ​ന​റ​ല്‍ അ​ന്‍​വ​ര്‍ മ​ന്‍​സൂ​ദ് ഖാ​നാ​ണ് വാ​ദി​ക്കു​ന്ന​ത്. കു​ല്‍​ഭൂ​ഷ​ണി​നെ ചാ​ര​പ്ര​വ​ര്‍​ത്ത​ന​ത്തി​നാ​യി പാ​ക്കി​സ്ഥാ​നി​ലേ​ക്ക് അ​യ​ച്ച​തി​ല്‍ ഇ​ന്ത്യ​യു​ടെ പ​ങ്ക് വ്യ​ക്ത​മാ​ണെ​ന്ന് അ​ദ്ദേ​ഹം വാ​ദി​ച്ചു.

ബലൂചിസ്ഥാനിൽ ചാരപ്രവര്‍ത്തനത്തിന് ജാദവ് എത്തിയെന്നതിന് തെളിവുണ്ടെന്ന് മ​ന്‍​സൂ​ദ് ഖാ​ന്‍ പ​റ​ഞ്ഞു. ജന​ങ്ങ​ളു​ടെ സു​ര​ക്ഷ ഉ​റ​പ്പാ​ക്കാ​നു​ള്ള ന​ട​പ​ടി​ക​ളി​ല്‍ ത​ങ്ങ​ള്‍​ക്കു ബാ​ധ്യ​ത​യു​ണ്ട്. പാ​ക്കി​സ്ഥാ​ന്‍ ഭ​ര​ണ​ഘ​ട​ന​പ്ര​കാ​രം നി​യ​മ​പ​ര​മാ​യ ന​ട​പ​ടി​ക​ളാ​ണ് കു​ല്‍​ഭൂ​ഷ​ണി​ന്‍റെ കാ​ര്യ​ത്തി​ല്‍ സ്വീ​ക​രി​ച്ച​തെ​ന്നും അ​ദ്ദേ​ഹം കൂ​ട്ടി​ച്ചേ​ര്‍​ത്തു.

നാല് ദിവസം നീളുന്ന വാദങ്ങളിൽ ഇന്നലെ ഇന്ത്യയാണ് വാദിച്ചത്. പ്രമുഖ അഭിഭാഷകനായ ഹരീഷ് സാൽവെയാണ് ഇന്ത്യക്ക് വേണ്ടി ഇന്നലെ ഹാജരായത്. അതേസമയം യാതൊരു തെളിവും ഇല്ലാതായാണെന്ന് ജാദവിന് പാക് പട്ടാള കോടതി വധശിക്ഷ വിധിച്ചതെന്നാണ് കഴിഞ്ഞ ദിവസം ഇന്ത്യ വാദിച്ചത്.

കുൽഭൂഷൺ ജാദവിനെ പാകിസ്ഥാൻ അനധികൃതമായി തടവിൽ വച്ചിരിക്കുകയാണെന്നും കോൺസുലേറ്റിന്‍റെ സഹായം പോലും നൽകാൻ അനുവദിക്കാതെ പാക് കോടതിയിൽ വിചാരണ നടത്തിയത് നിയമവിരുദ്ധമായി പ്രഖ്യാപിക്കണമെന്നും ഇന്ത്യ രാജ്യാന്തര നീതിന്യായ കോടതിയിൽ ആവശ്യപ്പെട്ടു. ജാദവിനെ തട്ടിക്കൊണ്ടു പോയതാണെന്നും ഇന്ത്യ വാദിച്ചു.

48-കാരനായ കുൽഭൂഷൺ ജാദവിനെ ചാരവൃത്തി ആരോപിച്ചാണ് പാക് പൊലീസ് അറസ്റ്റ് ചെയ്തത്. തുടർന്ന് ഇന്ത്യൻ കോൺസുലേറ്റുമായി ബന്ധപ്പെടാൻ പോലും അനുവദിക്കാതെ ജാദവിനെ ഒരു രഹസ്യസങ്കേതത്തിലേക്ക് മാറ്റുകയായിരുന്നു. ഇന്ത്യക്ക് വാദിക്കാൻ അനുവാദം നൽകാതെ പാകിസ്ഥാനിലെ പട്ടാള കോടതിയിൽ നടന്ന വിചാരണയ്ക്കൊടുവിൽ ജാദവിനെ ചാരവൃത്തി ആരോപിച്ച് തൂക്കിക്കൊല്ലാൻ വിധിച്ചു.