ഇറാഖില്‍ തൊഴിലില്ലായ്മയ്ക്കും,അഴിമതിക്കുമെതിരെയുള്ള ഭരണ വിരുദ്ധ പ്രക്ഷോഭം രൂക്ഷമാകുന്നു. പ്രതിഷേധത്തിനിടെ 60പേര്‍ മരിച്ചെന്നാണ് റിപ്പോര്‍ട്ട്. പോലീസ് പ്രതിഷേധക്കാര്‍ക്കു നേരെ നടത്തിയ വെടിവയ്പിലും ഏറ്റുമുട്ടലിലുമാണ് ആളുകള്‍ മരിച്ചത്. നിരവധി ആളുകള്‍ക്ക് പരിക്കേറ്റു. നിരവധി സ്ഥലങ്ങളില്‍ പ്രതിഷേധക്കാരും പോലീസും തമ്മില്‍ ഏറ്റുമുട്ടല്‍ ഉണ്ടായി. ആയിരക്കണക്കിനു ആളുകളാണ് ബാഗ്ദാദ് അടക്കമുള്ള സ്ഥലങ്ങളില്‍ ചൊവ്വാഴ്ച മുതല്‍ പ്രകടനം നടത്തുന്നത്.

പ്രക്ഷോഭം നിര്‍ത്തിയില്ലെങ്കില്‍ രാജ്യത്തിന്റെ സമ്പൂര്‍ണ നാശമായിരിക്കും ഫലമെന്ന് പ്രധാനമന്ത്രി മെഹ്ദി പറഞ്ഞിരുന്നു. അതോടൊപ്പം പ്രതിഷേധക്കാര്‍ക്ക് പിന്തുണയുമായി നിരവധി രാഷ്ട്രീയ നേതാക്കളും രംഗത്തെത്തിയിട്ടുണ്ട്. സമാധാനപരമായി പ്രതിഷേധിക്കാനുള്ള ജനങ്ങളുടെ അവകാശത്തെ മാനിക്കാന്‍ സുരക്ഷാസേന തയാറാകണമെന്ന് പ്രസിഡന്റ് ബഹ്‌റാം സലേ നിര്‍ദേശിച്ചു.