ഷീയുടെ രക്തകടത്ത് പുറത്തായി; ചൈന കൊന്നുതള്ളിയത് 12 ലക്ഷം കുരുന്ന് ജീവന്; ലോകത്തില് ഏറ്റവുമധികം ജനസംഖ്യയുള്ള ചൈന രക്തക്കടത്തിന്റെ വലിയ വിപണിയായി മാറുന്നു
ക്രൂരതേ നിന്റെ പേരോ ചൈന. കുട്ടികളുടെ അവകാശങ്ങള്ക്ക് വേണ്ടി ലോകം മുഴുവന് പോരാടുമ്പോള് ചൈന എന്താണ് കാണിക്കുന്നത്. ഷീയുടെ രക്തകടത്ത് പുറത്തായിരിക്കുന്നു. ചൈന കൊന്നുതള്ളിയത് 12 ലക്ഷം കുരുന്ന് ജീവന്. ദൈവമേ. എന്തൊരു ക്രൂരതയാണിത്. ചൈനയുടെ കിരാത നടപടി പുറത്തായിരിക്കുന്നു. ലോകത്തില് ഏറ്റവുമധികം ജനസംഖ്യയുള്ള ചൈന രക്തക്കടത്തിന്റെ വലിയ വിപണിയായി മാറുന്നു. ചൈനയില്നിന്നു ഹോങ്കോങ്ങിലേക്കാണു വ്യാപക രക്തക്കടത്ത്.
പണത്തിനു വേണ്ടിയല്ല, അടുത്ത തലമുറ വളരണോ എന്നു തീരുമാനിക്കുന്ന നിര്ണായക തീരുമാനം എടുക്കുന്നതിനാണു ചൈനക്കാര് രഹസ്യമായി രക്തം ഹോങ്കോങ്ങിലേക്കു കടത്തുന്നത്. രാജ്യാന്തര രക്തമാഫിയാ സംഘങ്ങളെ കുറിച്ചുള്ള ഞെട്ടിപ്പിക്കുന്ന വിവരങ്ങളാണു മാധ്യമങ്ങള് വെളിപ്പെടുത്തിയത്. ചൈനയിലെ ഷെന്സ്ഹെന് പ്രവിശ്യയെയും ഹോങ്കോങ്ങിനെയും വേര്തിരിക്കുന്ന ലുവാഹു ജില്ലയില് 2019 ഫെബ്രുവരിയില് 12 വയസ്സുകാരിയെ കസ്റ്റംസ് ഉദ്യോഗസ്ഥര് പിടികൂടി. അതിര്ത്തി കടന്നെത്തുന്ന കുട്ടികളുടെ ബാഗില് ആഹാരമോ നോട്ടുബുക്കുകളോ ആണ് സാധാരണ ഉണ്ടാകുകയെന്നതിനാല് കാര്യമായി പരിശോധിക്കാന് ഉദ്യോഗസ്ഥര് ആദ്യം തയാറായില്ല. തിങ്ങിനിറഞ്ഞു വീര്ത്തിരിക്കുന്ന ബാഗ് കണ്ട് സംശയം തോന്നിയതോടെ തുറന്നു പരിശോധിക്കാന് തീരുമാനിച്ചു. 142 രക്തസാംപിളുകളാണ് ബാഗില്നിന്ന് കണ്ടെടുത്തത്. ഗര്ഭിണികളായ സ്ത്രീകളുടെ രക്തമാണെന്നു ചോദ്യം ചെയ്യലില് കുട്ടി പറഞ്ഞു. 2017 ജൂലൈയിലാണ് ഇത്തരത്തിലുള്ള അറസ്റ്റ് മുന്പു രേഖപ്പെടുത്തിയത്. അതിര്ത്തിയില് മുടന്തി നീങ്ങികൊണ്ടിരുന്ന മധ്യവയസ്കയെ ഉദ്യോഗസ്ഥര് പരിശോധിച്ചു. ചെറിയ കുപ്പികളിലാക്കി അടിവസ്ത്രത്തില് ഒളിപ്പിച്ച നിരവധി രക്തസാംപിളുകളാണു കണ്ടെടുത്തത്. നാലു ദിവസങ്ങള്ക്കുശേഷം മറ്റൊരു സ്ത്രീ കൂടി പിടിയിലായി. വലിയ ബാഗ് നിറയെ സ്ത്രീകളുടെ രക്തസാംപിളുകളായി ഹോങ്കോങ്ങിലേക്കു പോകുകയായിരുന്നു. 203 സാംപിളുകളാണു പിടിച്ചെടുത്തത്. എന്തിനാണു സ്ത്രീകള് ഉള്പ്പെടെയുള്ളവര് രക്തസാംപിളുകള് ഒളിച്ചുകടത്തുന്നത്. 14 മുതല് 42 ഡോളറാണ് ഒരു സാംപിളിന് ഏജന്സി ഇവര്ക്കു നല്കിയിരുന്നത്. ചൈനീസ് അതിര്ത്തി കടത്തി രക്തസാംപിളുകള് ഇടനിലക്കാരനു കൈമാറുകയെന്നതായിരുന്നു ഇവരുടെ ദൗത്യം. അടുത്തകാലത്തായി സംശയാസ്പദ സാഹചര്യത്തില് നിരവധി സ്ത്രീകളെ കസ്റ്റംസ് ഉദ്യോഗസ്ഥര് കസ്റ്റഡിയില് എടുത്തുവെങ്കിലും വേണ്ടത്ര തെളിവില്ലാത്തതിനാല് വിട്ടയച്ചു. ഗര്ഭം ആറോ ഏഴോ ആഴ്ചകള് പിന്നിടുന്ന സ്ത്രീകളാണു ഹോങ്കോങ്ങിലെ ക്ലിനിക്കുകളിലേക്കു രക്തസാംപിളുകള് പരിശോധനയ്ക്ക് അയക്കുന്നത്.
https://www.facebook.com/Malayalivartha