ബ്രെക്സിറ്റ്: ബ്രിട്ടനും യൂറോപ്യന് യൂണിയനും തമ്മില് ധാരണ
ബ്രസല്സില് യൂറോപ്യന് യൂണിയന് നേതാക്കന്മാരുടെ കൂടിക്കാഴ്ചയ്ക്കു മുന്പ് ബ്രെക്സിറ്റില് ബ്രിട്ടനും യൂറോപ്യന് യൂണിയനും സ്വീകാര്യമായ പരിഹാര ഫോര്മുല ഉരുത്തിരിഞ്ഞതായി റിപ്പോര്ട്ട്.
ഏകദേശം ഒരേ സമയം ട്വിറ്ററിലൂടെയാണ് ബ്രിട്ടിഷ് പ്രധാനമന്ത്രി ബോറിസ് ജോണ്സണും യൂറോപ്യന് യൂണിയന് പ്രസിഡന്റ് ജീന് ക്ലോഡ് ജങ്കറും ഇക്കാര്യം വെളിപ്പെടുത്തിയത്. കരാറിന്റെ നിയമവശങ്ങള് സംബന്ധിച്ച ചര്ച്ച തുടരുകയാണ്. ബ്രിട്ടിഷ് പാര്ലമെന്റിന്റേയും യൂറോപ്യന് യൂണിയന്റെയും അംഗീകാരം കരാറിനു വേണ്ടിവരും. ഇതിനു മുന്നോടിയായുള്ള ദ്വിദിന ചര്ച്ചയ്ക്കായി ബോറിസ് ജോണ്സണ് ബ്രസല്സിലേക്ക് തിരിക്കും.
ബ്രെക്സിറ്റില് ധാരണയായെന്ന വാര്ത്തകള് പരന്നതോടെ ബ്രിട്ടിഷ് പൗണ്ടിന്റെ വിനിമയ നിരക്കും ഉയര്ന്നു. ഒരു ശതമാനത്തോളം ഉയര്ന്ന് ഡോളറിന് 1.29 എന്ന നിലയിലാണ് പൗണ്ട് സ്റ്റെര്ലിങിന്റെ വിനിമയ നിരക്ക് എത്തിയത്.
ബ്രിട്ടിഷ് പ്രധാനമന്ത്രി ബോറിസ് ജോണ്സന് യൂറോപ്യന് യൂണിയനില് (ഇയു) നിന്നു പിരിയാനുള്ള പുതിയ കരാര് നിര്ദേശങ്ങളുമായി നേരത്തെ തന്നെ രംഗത്തെത്തിയിരുന്നു. കണ്സര്വേറ്റിവ് പാര്ട്ടിയുടെ വാര്ഷിക സമ്മേളനത്തില് അവതരിപ്പിച്ച കരാര് യൂറോപ്യന് യൂണിയന് അംഗീകരിച്ചില്ലെങ്കില് കരാറില്ലാതെ ബ്രെക്സിറ്റ് നടപ്പാക്കുമെന്നും ജോണ്സന് നേരത്തെതന്നെ മുന്നറിയിപ്പു നല്കിയിരുന്നു.
കഴിഞ്ഞ ജൂലൈയില് അധികാരമേറ്റ ജോണ്സന് കരാറോടെയോ അല്ലാതെയോ അന്തിമ സമയപരിധിയായ 31-നകം ബ്രെക്സിറ്റ് നടപ്പാക്കുമെന്നു പറഞ്ഞിരുന്നു. ജോണ്സന്റെ മുന്ഗാമി തെരേസ മേയുടെ കരാര് നിര്ദേശങ്ങള് ബ്രിട്ടിഷ് പാര്ലമെന്റ് മൂന്നു വട്ടമാണ് തള്ളിയത്. ജോണ്സന്റെ പുതിയ കരാറിനും ബ്രിട്ടിഷ് പാര്ലമെന്റിന്റെ അംഗീകാരം നേടുക എളുപ്പമല്ലെന്നാണ് വിലയിരുത്തല്. പുതിയ ധാരണയ്ക്കെതിരെ പ്രതിപക്ഷ കക്ഷികളും രംഗത്തെത്തി. തെരേസ മേയെക്കാള് മോശം കരാറിനാണ് ബോറിസ് ജോണ്സണ് ഏര്പ്പെടുന്നതെന്ന് ലേബര് പാര്ട്ടി നേതാവ് ജെറമി കോര്ബിന് അഭിപ്രായപ്പെട്ടു. ലിബറല് ഡെമോക്രാറ്റ് നേതൃത്വവും പുതിയ ധാരണയ്ക്കെതിരെ പ്രതികരിച്ചു.
ബ്രിട്ടന് സ്വന്തമായ വ്യാപാരനയവും നിയന്ത്രണ സംവിധാനവുമുള്ള സ്വതന്ത്ര വ്യാപാര കരാര് അടിസ്ഥാനമാക്കി യൂറോപ്യന് യൂണിയനുമായി ബന്ധത്തിനു താല്പര്യപ്പെടുന്നതായി പുതിയ നിര്ദേശത്തില് പറയുന്നു. വടക്കന് അയര്ലന്ഡിനെ പൊതുവായ കസ്റ്റംസ് യൂണിയന് വിട്ട് ഇയു പൊതു വിപണിയില് നിലനിര്ത്താനുള്ള നിര്ദേശവുമുണ്ട്.
https://www.facebook.com/Malayalivartha