കട്ടിലിന്റെ കാലൊടിച്ച മകളെ പൂട്ടാന്‍ അമ്മയും കാമുകനും. മകളില്‍ നിന്ന് നഷ്ടപരിഹാരം ഈടാക്കണമെന്ന വാശിയിലാണ് അമ്മ. ആസ്‌ത്രേലിയയിലാണ് ഈ വിചിത്രമായ സംഭവം നടന്നത്
കട്ടിലിന്റെ കാലൊടിച്ച മകളെ പൂട്ടാന്‍ അമ്മയും കാമുകനും. മകളില്‍ നിന്ന് നഷ്ടപരിഹാരം ഈടാക്കണമെന്ന വാശിയിലാണ് അമ്മ. ആസ്‌ത്രേലിയയിലാണ് ഈ വിചിത്രമായ സംഭവം നടന്നത്. കാമുകനുമൊത്ത് അമ്മ നിക്കോള്‍ കിടക്കുമ്പോഴാണ് മകള്‍ റിയാണ കട്ടിലിന്റെ കാലൊടിച്ചത്. മകള്‍ 1600 പൗണ്ട് , ഒന്നേമുക്കാല്‍ ലക്ഷം രൂപ നഷ്ടപരിഹാരം നല്‍കണമെന്നാണ് അമ്മയുടെ ആവശ്യം. സിഡ്‌നിയിലാണ് സംഭവം നടന്നത്.
'ട്രയല്‍ ബൈ കൈല്‍' എന്ന പേരില്‍ കൈല്‍ സാന്‍ഡിലാന്‍ഡ്‌സ് എന്ന റേഡിയോ ജോക്കി നടത്തുന്ന റിയാലിറ്റി ഷോയെയാണ് അമ്മ സമീപിച്ചിരിക്കുന്നത്. മകള്‍ കട്ടില്‍ തകര്‍ത്തപ്പോള്‍ താന്‍ വീട്ടിലില്ലായിരുന്നെന്ന് അമ്മ പറയുന്നു. കാമുകനുമൊത്ത് യാത്രയിലായിരുന്നു.
വീട് നോക്കണമെന്ന് മകളോട് ആവശ്യപ്പെട്ടിരുന്നു. അതിനിടെ ഇങ്ങിനെയൊരു ചതി പ്രതീക്ഷിച്ചില്ലെന്നും നിക്കോള്‍ പറയുന്നു.
അമ്മ ഇല്ലാതിരുന്നപ്പോള്‍ താന്‍ കാമുകനെ വീട്ടില്‍ വിളിച്ചുവരുത്തിയാണ് ഈ പരിപാടി കാണിച്ചതെന്ന് റിയാണ പറയുന്നു. അമ്മയെ പോലെ നൂറ് കിലോയിലധികം ഭാരമുള്ള റിയാണ കാമുകനുമൊത്ത് കട്ടിലില്‍ കിടക്കുന്നതിനിടെ കാല്‍ ഒടിയുകയായിരുന്നു. ഇക്കാര്യം അമ്മയോട് പറഞ്ഞതുമില്ല. യാത്ര കഴിഞ്ഞ് വന്ന അമ്മയും കാമുകനും ക്ഷീണിതരായി കട്ടിലില്‍ കിടക്കാന്‍ ചെന്നപ്പോഴാണ് പണി കിട്ടിയതെന്നും മകള്‍ പറയുന്നു.
അമ്മയുടെയും മകളുടെയും തര്‍ക്കം കേട്ട 'ജഡ്ജി' കൈല്‍, കാമുകനുമായി ശയിക്കാന്‍ സ്വന്തം മുറിയിലെ കട്ടില്‍ ഉപയോഗിക്കാമായിരുന്നില്ലേ എന്ന് ചോദിച്ചപ്പോള്‍ അവിടെ തന്റെ സുഹൃത്തും കാമുകനും ഇരിക്കുകയായിരുന്നെന്ന രസകരമായ മറുപടിയാണ് നല്‍കിയത്. ഏതായാലും അമ്മയുടെ കട്ടില്‍ തകര്‍ത്ത മകള്‍ക്ക് പിഴയിട്ടിരിക്കുകയാണ് കോടതി!
താനില്ലാത്ത സമയം നോക്കി കാമുകനെ വിളിച്ചുവരുത്തിയ മകളുടെ നടപടി ശരിയായില്ലെന്നും അമ്മ ആരോപിച്ചു. എന്നാല്‍ അമ്മയ്ക്ക് കാമുകനൊപ്പം ഉല്ലാസയാത്ര പോകാമെങ്കില്‍ പ്രയാപൂര്‍ത്തിയായ തനിക്ക് കാമുകനുമൊത്ത് കഴിയാമെന്ന് റിയാണ വാദിച്ചു. നഷ്ടപരിഹാരം നല്‍കില്ലെന്നും വീട്ടിലെ ഉപകരണങ്ങള്‍ കേടായാല്‍ നന്നാക്കുകയാണ് വേണ്ടതെന്നും അതിന് താന്‍ സഹായിക്കാമെന്നും റിയാണ പറഞ്ഞെങ്കിലും നഷ്ടപരിഹാരം വേണമെന്ന ഉറച്ചനിലപാടിലാണ് അമ്മ. അമൃതാ ടി.വിയിലെ കഥ ഇതുവരെ പോലെയുള്ള റിയാലിറ്റി ഷോയാണ് ട്രയല്‍ ബൈ കൈല്‍. ആസ്‌ത്രേലിയയിലെ വളരെ പോപ്പുലറായ റിയാലിറ്റിഷോയാണ്. ഷോയുടെ പബഌസിറ്റിക്ക് വേണ്ടി കാട്ടിക്കൂട്ടിയ സംഭവമാണിതെന്നും ആക്ഷേപമുണ്ട്.
റിയാണയും അമ്മയും വീട്ടില്‍ നല്ല കൂട്ടാണ്. എന്തെങ്കിലും പ്രശ്‌നമുണ്ടെങ്കില്‍ ഇരുവര്‍ക്കും പരിഹരിക്കാമായിരുന്നു. അല്ലെങ്കില്‍ സുഹൃത്തുക്കള്‍ ഇടപെടുമായിരുന്നു. അതിന് പകരം റിയാലിറ്റിഷോകളിലും മറ്റും പോയി പരസ്പ്പരം ചെളിവാരിയെറിഞ്ഞത് ശരിയായില്ലെന്നാണ് നിക്കോളിന്റെ അടുത്തബന്ധുക്കള്‍ പറയുന്നത്. അമ്മയ്ക്കും മകള്‍ക്കും സാധാരണ മനുഷ്യരേക്കാള്‍ തടി കൂടുതലാണ്. അത് പാരമ്പര്യമായി കിട്ടിയതാണ്. ഒരാള്‍ക്ക് മറ്റൊരാളോട് ക്ഷമിച്ചാല്‍ തീരാവുന്ന പ്രശ്‌നമേ ഉണ്ടായിരുന്നുള്ളൂ. അതിന് പകരം ടി.വി ഷോയിലും മറ്റും പോയി ചീപ്പ് പബഌസിറ്റിക്ക് ശ്രമിച്ചത് ശരിയായില്ലെന്ന് രണ്ട് പേരുടെയും ഫാമിലി സുഹൃത്ത് പറയുന്നു. എന്തായാലും ആസ്‌ത്രേലിയയിലെ ഓണ്‍ലൈന്‍ മീഡിയകളിലെല്ലാം ഇപ്പോഴത്തെ ട്രെന്‍ഡിംഗ് വാര്‍ത്തയാണ് റിയാണയും നിക്കോളും പിന്നെ കട്ടിലും.
https://www.facebook.com/Malayalivartha
