ആര്സിഇപി കരാറില് ഒപ്പുവയ്ക്കില്ലെന്ന് ഇന്ത്യ; കരാറുമായി ബന്ധപ്പെട്ട ഇന്ത്യയുടെ മുഖ്യ ആശങ്കകള് പരിഗണിക്കപ്പെടാത്തിനാലാണ് അവസാന നിമിഷം പിന്മാറിയത്
മേഖലാ സമഗ്ര സാമ്ബത്തിക സഹകരണ കരാറില്(ആര്.സി.ഇ.പി) ഇന്ത്യ ഒപ്പിട്ടേക്കില്ല. കരാറുമായി ബന്ധപ്പെട്ട ഇന്ത്യയുടെ മുഖ്യ ആശങ്കകള് പരിഗണിക്കപ്പെടാത്തിനാലാണ് ഈ നിലപാട് സ്വീകരിച്ചതെന്ന് ഉന്നതവൃത്തങ്ങളെ ഉദ്ധരിച്ച് ദേശീയ മാധ്യമങ്ങള് റിപ്പോര്ട്ട് ചെയ്തു.
ഇറക്കുമതി ചെയ്യുന്ന ഉത്പന്നങ്ങള്ക്കു മേല് ആവശ്യത്തിനു സുരക്ഷയില്ല, ചൈനയുമായുള്ള അഭിപ്രായവ്യത്യാസം, ഉത്പന്നങ്ങള് എവിടെനിന്നു വരുന്നുവെന്നു കൃത്യമായി കണ്ടെത്താനാവാത്തത് തുടങ്ങിയ കാര്യങ്ങളാണു പ്രശ്നങ്ങളായി ഇന്ത്യ ഉയര്ത്തിക്കാട്ടിയത്. രാജ്യത്തിന്റെ ആഭ്യന്തര താത്പര്യങ്ങളില് വിട്ടുവീഴ്ച ചെയ്യില്ലെന്നും മോദി പറഞ്ഞതായി വാര്ത്താ ഏജന്സി റിപ്പോര്ട്ട് ചെയ്യുന്നു. കരാര് രൂപീകരണം സംബന്ധിച്ച സംയുക്ത പ്രഖ്യാപനം തിങ്കളാഴ്ച ബാങ്കോക്കില് നടക്കുമെന്നാണു കരുതപ്പെട്ടിരുന്നത്. അടുത്ത ജൂണിലേ കരാര് ഒപ്പിടൂ എന്നു മുന്പേ തീരുമാനിച്ചതാണ്. ഏതെല്ലാം ഉത്പന്നങ്ങള്ക്കു പ്രത്യേക പരിഗണന നല്കണം എന്നതടക്കമുള്ള കാര്യങ്ങളില് ഫെബ്രുവരിയോടെ തീരുമാനമായാല് മതി. പിന്നീട് ഓരോ രാജ്യവും ഏതേത് ഇനങ്ങള്ക്ക് ഏതു തോതില് തീരുവ കുറയ്ക്കണം അല്ലെങ്കില് ഇല്ലാതാക്കണം എന്നതിന്റെ പട്ടികയും അതിന്റെ സമയക്രമവും തയാറാക്കണം. അതിനു ശേഷമാണ് കരാര് ഒപ്പിടീല് ചടങ്ങ്.
ബ്രൂണെ, കംബോഡിയ, ഇന്തോനേഷ്യ, ലാവോസ്, മ്യാന്മര്, മലേഷ്യ, ഫിലിപ്പീന്സ്, സിംഗപ്പൂര്, തായ്ലന്ഡ്, വിയറ്റ്നാം, ഇന്ത്യ, ചൈന, ദക്ഷിണ കൊറിയ, ജപ്പാന്, ന്യൂസിലന്ഡ്, ഓസ്ട്രേലിയ രാജ്യങ്ങളാണ് ആര്സിഇപി അംഗങ്ങള്. 340 കോടി ജനങ്ങളും ലോകത്തിലെ ജിഡിപിയുടെ 39 ശതമാനവും ലോകവ്യാപാരത്തിന്റെ 40 ശതമാനവും ഈ കരാറിന്റെ പരിധിയില് വരും.
അതിവിപുലമായ കാര്യങ്ങളാണ് ഈ കരാറില് അടങ്ങിയിട്ടുള്ളത്. കാര്ഷിക വ്യാവസായികോത്പന്നങ്ങള് ഉള്പ്പെടെയുള്ള ചരക്കുകളുടെ വ്യാപാരത്തില് പരമാവധി ഉത്പന്നങ്ങള്ക്കു തീരുവരഹിത ഇറക്കുമതി ഉറപ്പാക്കുന്നതോടൊപ്പം സേവനമേഖലയും വിദേശനിക്ഷേപ മേഖലയും കൂടുതല് ഉദാരവത്കരിക്കുക എന്നതാണു കരാറിന്റെ ലക്ഷ്യം.
കൃഷി, ക്ഷീരം, വ്യവസായം, വാണിജ്യം, വ്യാപാരം, സേവനം, ഫാര്മസ്യൂട്ടിക്കല് എന്നീ മേഖലകളെ നേരിട്ടു ബാധിക്കുന്നതാണ് കരാറിലെ വ്യവസ്ഥകള്. ആര്സിഇപി കരാര് നിലവില് വന്നാല് ഇറക്കുമതി വര്ധിക്കുന്ന മേഖലകള് റബര്, കുരുമുളക് തുടങ്ങിയ കാര്ഷികോത്പന്നങ്ങളും അവയില്നിന്നുള്ള വസ്തുക്കളും, പാല്, പാല്പ്പൊടി, നെയ്യ്, ഭക്ഷ്യ എണ്ണ, മത്സ്യം, തുണിത്തരങ്ങള്, വസ്ത്രങ്ങള്, പ്ലാസ്റ്റിക്, ഇരുന്പ്, ഉരുക്ക്, ലോഹ ഉത്പന്നങ്ങള്, വാഹനങ്ങള്, വാഹന ഭാഗങ്ങള്, യന്ത്രങ്ങള്, കല്ക്കരി, ഇലക്ട്രോണിക് ഉത്പന്നങ്ങള് തുടങ്ങിയവയുമാണ്.
https://www.facebook.com/Malayalivartha