യുഎഫ്സി വനിതാതാരത്തോടാ കളി...താരത്തെ കൊള്ളയടിക്കാന് കൈയ്യില് തോക്കുണ്ട് അനങ്ങരുതെന്ന് മോഷ്ടാവ്...ഒടുവില് എന്നെ പോലീസില് ഏല്പ്പിക്കൂ എന്ന് കേണു!
ബ്രസീലിലെ റിയോ ഡെ ജനറോയില് തോക്ക് ചൂണ്ടി ഭീഷണിപ്പെടുത്തിയ യുവാവിനെ യുവതി പഞ്ഞിക്കിട്ടു.
അപ്പാര്ട്ട്മെന്റിന്റെ മുന്പില് ടാക്സിയ്ക്കായി യുവതി കാത്തു നില്ക്കുമ്പോഴാണ് യുവാവ് തൊട്ടടുത്തെത്തി തന്റെ കൈയ്യില് തോക്കുണ്ട്, ബഹളം വയ്ക്കാതെ മൊബൈല് ഫോണ് നല്കാന് അവശ്യപ്പെട്ടത്.
മാര്ഷല് ആര്ട്ടിസ്റ്റ് ഫൈറ്ററും, അള്ട്ടിമേറ്റ് ഫൈറ്റിങ് ചാമ്പ്യന്ഷിപ്പ് താരവുമായ പോളിയാനാ വിയന എന്ന യുവതി അപ്പോള് തന്നെ ഇയാളെ അടിച്ച് നിലം പരിശാക്കുകയായിരുന്നു.
ഒടുവില് പോലീസിന്റെ ഇടി ഇതിലും ഭേദമാണെന്ന് തോന്നിയതിനാലാകണം ഒന്ന് പോലീസിനെ വിളിച്ചു വരുത്തൂ എന്ന് താരത്തോട് അപേക്ഷിക്കുകയായിരുന്നു അയാള്!
''അപ്പാര്ട്ട്മെന്റിന് മുന്പില് നില്ക്കുമ്പോള് ഞാന് കണ്ടെന്ന് മനസിലാക്കിയതോടെ അയാള് എന്റെ അടുത്തേക്കെത്തി...സമയം ചോദിച്ചു. സമയം ചോദിച്ച് കഴിഞ്ഞും അവിടെ നിന്ന് പോവാന് അയാള് തയാറായില്ല. അപ്പോള് തന്നെ പന്തികേട് എനിക്ക് മനസിലായി.
പിന്നാലെ അയാള് പറഞ്ഞത് ഫോണ് തരാനാണ്. കയ്യില് ആയുധമുണ്ടെന്നും അനങ്ങരുതെന്നും പറഞ്ഞു. എന്റെ അടുത്തേക്ക് ചേര്ന്നു നില്ക്കുകയായിരുന്നു അയാള്. തോക്ക് എടുക്കാനുള്ള സമയം അയാള്ക്ക് ലഭിക്കില്ലെന്ന് ഞാന് കണക്കു കൂട്ടി. എന്റെ ഇടിയേറ്റ് അയാള് താഴെ വീണു. തോക്കിന്റെ രൂപത്തില് കാര്ഡ് ബോര്ഡ് വെട്ടിയുണ്ടാക്കിയ തോക്കായിരുന്നു അത്.'' - പോളിയാനാ വിയന പറയുന്നു.
https://www.facebook.com/Malayalivartha