പാനമയില് ഗര്ഭിണിയേയും അവരുടെ അഞ്ചുമക്കളെയും ഒരു കുഴിയില് അടക്കം ചെയ്ത നിലയില് കണ്ടെത്തി!
പാനമയിലെ കടല്ത്തീരത്തിന് സമീപത്തെ ഒരു ഉള്നാടന് പ്രദേശത്ത് ഒരേ കുഴിയില് ഗര്ഭിണിയുടെയും അഞ്ച് മക്കളുടെയും മൃതദേഹങ്ങളും ഇവര്ക്കൊപ്പം മറ്റ് രണ്ടു പേരുടെ മൃതദേഹങ്ങളും കുഴിച്ചുമൂടപ്പെട്ട നിലയില് കണ്ടെത്തി.
ഗര്ഭിണിയായ യുവതിയ്ക്കൊപ്പം ഒരു വയസ്സു മുതല് 17 വയസ്സ് വരെയുള്ള കുട്ടികളുടെ മൃതദേഹങ്ങളാണ് കണ്ടെത്തിയത്.
'ദൈവത്തിന്റെ പുതിയ പ്രകാശം' എന്നറിയപ്പെടുന്ന പുതിയ സഭയുമായി ബന്ധമുള്ള പത്ത് സുവിശേഷകരെ സംഭവവുമായി ബന്ധപ്പെട്ട് പോലീസ് അറസ്റ്റ് ചെയ്തിട്ടുണ്ട്.
സംഭവത്തില് പാനമയിലെ പുരാതന ഗോത്ര വിഭാഗമായ ഗാബേ ബഗ്ളിയില്പെടുന്നവരും കെട്ടിയിടപ്പെട്ട നിലയില് കാണപ്പെട്ടവരുമായ 14 പേരെ മോചിപ്പിക്കുകയും ചെയ്തിട്ടുണ്ട്.
ഇവരെ വിശ്വാസികള് വലിയ മരക്കമ്പുകള് കൊണ്ടും ബൈബിള് കൊണ്ടും കെട്ടിയിട്ട് മര്ദ്ദിക്കുകയായിരുന്നു. പാനമയിലെ ഏറ്റവും വലിയ ഗോത്ര വിഭാഗമായ ഗാബേ ബഗ്ളി സമൂഹം കടുത്ത പട്ടിണിയില് കഴിയുന്നവരും വിദ്യാഭ്യാസം ഇല്ലാത്തവരുമാണ്.
ഏതു വിഭാഗത്തില് പെട്ട വിശ്വാസികളാണ് ഇവരെന്നോ എന്താചാരം ആയിരുന്നു നടന്നതെന്നോ വ്യക്തമായിട്ടില്ല. എന്നാല് ഇവരില് നിന്നും സാത്താനെ ഒഴിപ്പിച്ച് മതം മാറ്റാനുള്ള ശ്രമമായിരുന്നു എന്ന് സംശയുണ്ട്. 'ദൈവത്തിന്റെ പുതിയ പ്രകാശം' എന്തുതരം വിശ്വാസം ആണെന്നോ ഏതു പള്ളിയുമായി ബന്ധപ്പെട്ട സഭയാണെന്നോ വ്യക്തമല്ല. എന്നാല് പാനമയിലെ അറിയപ്പെടുന്ന ക്രൈസ്തവ സഭയായ ലസ് ഡല് മുണ്ടോ, അറസ്റ്റ് ചെയ്യപ്പെട്ടവര്ക്ക് തങ്ങളുടെ വിശ്വാസികളുമായോ തങ്ങളുടെ സഭയുമായോ ഏതെങ്കിലും തരത്തിലുള്ള ബന്ധമോ ഇല്ലെന്ന് വ്യക്തമാക്കിയിട്ടുണ്ട്.
https://www.facebook.com/Malayalivartha