ഹോങ്കോങ് വിമാന കമ്പനി വിവാദത്തില്... പസഫിക് ദ്വീപായ സായ്പാനിലേക്ക് യാത്രക്കെത്തിയ ജാപ്പനീസ് വനിതക്ക് ഹോങ്കോങ് വിമാന കമ്പനി ഗര്ഭ പരിശോധന നടത്തിയതായി പരാതി
പസഫിക് ദ്വീപായ സായ്പാനിലേക്ക് യാത്രക്കെത്തിയ ജാപ്പനീസ് വനിതക്ക് ഹോങ്കോങ് വിമാന കമ്ബനി ഗര്ഭ പരിശോധന നടത്തിയ സംഭവം വിവാദമായി. മിദോരി നിഷിദ എന്ന 25കാരിയെയാണ് വിമാനത്താവളത്തിലെ ശുചിമുറിയില് ഗര്ഭ പരിശോധനക്ക് വിധേയമാക്കിയത്.
കുട്ടികള്ക്ക് അമേരിക്കന് പൗരത്വം ലഭിക്കാന് നിരവധി ഗര്ഭിണികള് ഈ ദ്വീപിലേക്ക് പോകുന്ന സാഹചര്യത്തിലാണ് പരിശോധന നടത്തിയതെന്ന് വിമാന കമ്ബനി അധികൃതര് പറയുന്നു. ചെക് ഇന് സമയത്ത് വിമാന കമ്ബനി ജീവനക്കാര് നല്കിയ ചോദ്യാവലിയില് ഗര്ഭിണിയല്ലെന്ന് വ്യക്തമാക്കിയിട്ടും ഗര്ഭിണിയാണെന്ന സംശയത്താല് പരിശോധനക്ക് വിധേയയാക്കുകയായിരുന്നു.
20 വര്ഷത്തിലധികമായി സയ്പാനില് കഴിയുന്ന കുടുംബത്തെ കാണാനാണ് ജാപ്പനീസ് യുവതി യാത്ര തിരിച്ചത്. യുവതിയോട് ഖേദം പ്രകടിപ്പിച്ചതായും ഇത്തരം നടപടികള് റദ്ദാക്കിയതായും വിമാന കമ്ബനി അധികൃതര് വ്യക്തമാക്കി.
https://www.facebook.com/Malayalivartha