ഫാസ്റ്റ് ട്രാക്കില് കാര്യങ്ങള് ഓടുന്നു; അമേരിക്കന് കമ്പനികളടക്കം കൂട്ടത്തോടെ ഇന്ത്യയിലേയ്ക്ക്
ഫാസ്റ്റ് ട്രാക്കില് കാര്യങ്ങള് ഓടുകയാണ്. എണ്ണയിട്ട യന്ത്രത്തെക്കാള് വേഗത്തിലെന്നു വേണമെങ്കിലും പറയാം. ഇതുവരെ കാര്യങ്ങള് വളരെ ശരിയാണ്. പന്ത് കൃത്യമായി ഇന്ത്യയുടെ കോര്ട്ടിലുണ്ട്. അമേരിക്കന് കമ്പനികളടക്കം കൂട്ടത്തോടെ ഇന്ത്യയിലേയ്ക്ക്. ഇനി അടുത്ത നീക്കത്തിലേയ്ക്ക് നോക്കാം കൊറോണ കാലത്ത് ഇന്ത്യയിലേക്കുള്ള വിദേശ നിക്ഷേപ സാധ്യതകള് ചര്ച്ച ചെയ്യാന് പ്രത്യേക യോഗം വിളിച്ച് കഴിഞ്ഞു പ്രധാനമന്ത്രി നരേന്ദ്രമോദി. കഴിഞ്ഞ ദിവസം മുഖ്യമന്ത്രിമാരാടും സംസ്ഥാനങ്ങളോടും ഈ സാഹചര്യത്തിനായി വാതില് തുറക്കാന് ആവശ്യപ്പെടുന്നു.
ഇപ്പോഴിതാ നിര്ണായക യോഗം. സമ്പദ്ഘടനയുടെ വളര്ച്ചയ്ക്കായി ഇന്ത്യയിലേക്ക് കൂടുതല് വിദേശ നിക്ഷേപങ്ങള് ആകര്ഷിക്കുന്നതിനും അതോടൊപ്പം പ്രാദേശിക നിക്ഷേപം പ്രോത്സാഹിപ്പിക്കുന്നതിനുമായി കൂടുതല് നിക്ഷേപ സൗഹാര്ദ്ദ നടപടികള്ക്ക് പ്രധാനമന്ത്രി ധനമന്ത്രാലയത്തിന് നിര്ദേശവും നല്കി. നിലവില് ചൈനയോട് ഒരു താല്പര്യവുമില്ല കമ്പനികള്ക്ക്. അഥവാ ഇനി ലോകരാജ്യങ്ങളില് നിന്നുള്ള കമ്പനികളുടെ നിക്ഷേപങ്ങള് ചൈനയിലേക്ക് പോകാനിരിക്കുകയാണെങ്കില് പോലും അവരെ ഇന്ത്യയിലേക്ക് ആകര്ഷിക്കാനാവശ്യമായ നടപടികളാണ് പ്രധാനമന്ത്രി ലക്ഷ്യമിടുന്നത്.
പാശ്ചാത്യ ലോകത്ത് ചൈനയ്ക്കെതിരെ ഉയര്ന്ന അതൃപ്തി കോവിഡ് എന്ന വെല്ലുവിളിക്ക് കാരണക്കാരായവര് എന്ന ആക്ഷേപം നേരിടുന്ന ചൈനയ്ക്ക് നേരെയുള്ള അവസരമാക്കി മാറ്റാനാണ് ഇന്ത്യയുടെ ശ്രമം. നിരവധി കമ്പനികള് ചൈന ഉപേക്ഷിക്കുന്നു എന്ന വാര്ത്തകളുടെ പശ്ചാത്തലത്തിലാണ് ഇന്ത്യയുടെ ഇടപെടല്. രാജ്യത്തെ വ്യാവസായിക ഭൂമികളില് അടിസ്ഥാനസൗകര്യം കൂടുതല് പ്രോത്സാഹിപ്പിക്കുന്നതിന് പദ്ധതി വികസിപ്പിക്കുന്നതിനും കൂടുതല് സാമ്പത്തിക സഹായം ലഭ്യമാക്കുന്നതിനെക്കുറിച്ചും യോഗം ചര്ച്ചചെയ്തു. നിക്ഷേപകര്ക്ക് സഹായകരമായ നടപടികള് സ്വീകരിക്കണമെന്നും അവരുടെ പ്രശ്നങ്ങള് മനസിലാക്കണമെന്നും ആവശ്യമായ കേന്ദ്രസംസ്ഥാന അനുമതികള് സമയബന്ധിതമായി ലഭിക്കുന്നതിന് വേണ്ട സഹായം നല്കണമെന്നും പ്രധാനമന്ത്രി നിര്ദ്ദേശിച്ചു. ഫാസ്റ്റ് ട്രാക്കില് അനുമതികള് സാധ്യമാക്കണം. ഇന്ത്യയിലേക്ക് വിവിധ നിക്ഷേപങ്ങള് അതിവേഗരീതിയില് കൊണ്ടുവരുന്നതിന് വേണ്ട തന്ത്രങ്ങള് യോഗം ചര്ച്ച ചെയ്തു. നിക്ഷേപങ്ങള് ആകര്ഷിക്കുന്നതിന് സംസ്ഥാനങ്ങള്ക്ക് വേണ്ട മാര്ഗനിര്ദേശം നല്കാനും തീരുമാനമായി. കേന്ദ്ര ധനകാര്യമന്ത്രി നിര്മ്മലാ സീതാരാമന്, ആഭ്യന്തര മന്ത്രി അമിത്ഷാ, വാണിജ്യ വ്യവസായമന്ത്രി, ധനകാര്യ സഹമന്ത്രി എന്നിവരും കേന്ദ്രസര്ക്കാരിലെ മുതിര്ന്ന ഉദ്യോഗസ്ഥരും യോഗത്തില് പങ്കെടുത്തു.
https://www.facebook.com/Malayalivartha
