നൈജീരിയന് സൈനിക മേധാവി ലഫ്. ജനറല് ഇബ്രാഹിം അത്തഹിരു വിമാനാപകടത്തില് മരിച്ചു....
നൈജീരിയന് സൈനിക മേധാവി ലഫ്. ജനറല് ഇബ്രാഹിം അത്തഹിരു വിമാനാപകടത്തില് മരിച്ചു. വടക്കന് സംസ്ഥാനമായ കഡുനയില് ഔദ്യോഗിക സന്ദര്ശനത്തിനായി പോകുന്നതിനിടെയാണ് അപകടമുണ്ടായത്.
അദ്ദേഹം സുരക്ഷാ വെല്ലുവിളികള് നേരിട്ടിരുന്നതായി പ്രസിഡന്റ് മുഹമ്മദ് ബുഹാരി പറഞ്ഞു. കഡുന വിമാനത്താവളത്തിന് സമീപമാണ് സൈനിക മേധാവി അടക്കമുള്ളവര് സഞ്ചരിച്ച വിമാനം തകര്ന്നുവീണത്.
വെള്ളിയാഴ്ചയുണ്ടായ അപകടത്തില് സൈനിക മേധാവിക്കൊപ്പം മറ്റു ചില സൈനിക ഉദ്യോഗസ്ഥരും മരിച്ചു. അപകടകാരണത്തെക്കുറിച്ച് അന്വേഷണം പ്രഖ്യാപിച്ചതായും നൈജീരിയന് വ്യോമസേന പ്രസ്താവനയില് പറഞ്ഞു.നൈജീരിയന് വ്യോമസേനയുടെ വിമാനം തകര്ന്ന് ഏഴു പേര് മരിച്ചിട്ട് മൂന്നു മാസം പിന്നിടുമ്പോഴാണ് അടുത്ത അപകടമുണ്ടായത്.
രാജ്യം നേരിടുന്ന സുരക്ഷാ വെല്ലുവിളികള് അവസാനിപ്പിക്കാന് നമ്മുടെ സൈന്യം ഒരുങ്ങുന്നതിനിടെയേറ്റ മാരകമായ പ്രഹരം ആണിതെന്ന് ബുഹാരി അനുശോചന സന്ദേശത്തില് വിശേ ഷിപ്പിച്ചു.കഴിഞ്ഞ ജനുവരിയിലാണ് ഇബ്രാഹിം അത്തഹിരു സൈനിക മേധാവിയായി നിയമിതനാകുന്നത്.
ബോക്കോഹറാം അടക്കമുള്ള ഭീകരസംഘടനകളും കലാപ കാരികളും നടത്തുന്ന അക്രമങ്ങളെ അടിച്ചമര്ത്താന് കഴിയാത്ത നൈജീരിയന് ഭരണകൂടത്തിനിടെ നിരവധി വിമര്ശനങ്ങള് ഉയര്ന്നിരുന്നു. ഇതിനിടെയാണ് അ ത്തഹിരുവിനെ ബുഹാരി നിയമിക്കുന്നത്.
"
https://www.facebook.com/Malayalivartha
