മൃതദേഹം ആയിരത്തോളം കഷ്ണങ്ങളാക്കി റഫ്രിജറേറ്ററില് സൂക്ഷിച്ചു; തല കൈകള് ഹൃദയം തുടങ്ങിയവ കിടപ്പു മുറിയില് നിന്ന് കണ്ടെടുത്തു!! അസ്ഥികള് വീടിന്റെ വിവിധ അലമാരകളില്, അമ്മയെ കൊന്ന് ഭക്ഷിച്ച സ്പാനിഷ് പൗരന് 15 കൊല്ലം തടവും പിഴയും
മാതാവിനെ കൊലപ്പെടുത്തി മാംസം ഭക്ഷിച്ച കേസില് സ്പാനിഷ് പൗരന് ആല്ബര്ട്ടോ സാഞ്ചസ് ഗോമെസിന് (28) 15 കൊല്ലം തടവുശിക്ഷ വിധിച്ച് കോടതി. കിഴക്കന് മാഡ്രിഡില് 2019-ലാണ് ആല്ബര്ട്ടോ 60 വയസ്സുള്ള മരിയ സോളേഡാഡ് ഗോമസിനെയാണ് കഴുത്തു ഞെരിച്ച് കൊന്നത്. തുടര്ന്ന് ശരീര ഭാഗങ്ങള് മുറിച്ച് പാത്രങ്ങളിലാക്കി രണ്ടാഴ്ചയോളം സൂക്ഷിച്ച് ആഹാരമാക്കി.
പിന്നീട് വളര്ത്തുനായക്കും ഈ മാംസം കഴിക്കാന് നല്കി. മരിയയുടെ സുഹൃത്തിന്റെ സംശയത്തില് പോലീസ് നടത്തിയ അന്വേഷണത്തിലാണ് ആല്ബര്ട്ടോ അറസ്റ്റിലായത്. സംഭവ സമയം ആല്ബര്ട്ടോ മനോരോഗ ചികിത്സയിലായിരുന്നെന്ന വാദം കോടതി തള്ളി.
15 വര്ഷത്തെ ജയില് ശിക്ഷയ്ക്കൊപ്പം മൃതദേഹത്തോട് അനാദരവ് കാട്ടിയതിന് അഞ്ചുമാസം അധിക തടവും ഇയാള്ക്ക് ശിക്ഷ വിധിച്ചു. കൂടാതെ, സഹോദരന് നഷ്ടപരിഹാരമായി 73,000 ഡോളര് നല്കാനും കോടതി വിധിച്ചു. ആല്ബര്ട്ടോ സ്ഥിരമായി അമ്മയോട് കലഹിക്കാറുണ്ടെന്നും പോലീസ് പലതവണ താക്കീത് നല്കിയിരുന്നെന്നും സ്പാനിഷ് മാധ്യമങ്ങള് റിപ്പോര്ട്ടുചെയ്തു.
28കാരനായ ആല്ബര്ട്ടോ സന്ചസ് ഗോമസാണ് കേസില് കുറ്റവാളി തൊഴില് രഹിതനാണ് ആല്ബര്ട്ടോ. മാതാവ് 68കാരിയായ മരിയ സോലെഡാഡ് ഗോമസും ആല്ബര്ട്ടോയും ഒരു വീട്ടിലായിരുന്നു താമസം.ഇരുവരും തമ്മിലുണ്ടായ വാക്കു തര്ക്കത്തെ തുടര്ന്ന് മരിയയെ ആല്ബര്ട്ടോ കൊലപ്പെടുത്തുകയായിരുന്നു. പിന്നീട് മൃതദേഹം ആയിരത്തോളം കഷ്ണങ്ങളാക്കി റഫ്രിജറേറ്ററില് സൂക്ഷിച്ചു. തുടര്ന്ന് ദിവസങ്ങളോളം ആല്ബര്ട്ടോയും വളര്ത്തുനായയും മൃതദേഹം ഭക്ഷിക്കുകയായിരുന്നു.
ആല്ബര്ട്ടോയോട് മാതാവിനെക്കുറിച്ച് അന്വേഷിച്ചപ്പോള് യാതൊരു ഭാവവൃത്യാസവുമില്ലാതെ കൊ ലപ്പെടുത്തിയെന്ന് സമ്മതിച്ചതായി പൊലീസ് പറഞ്ഞു. മരിയയുടെ തല, കൈകള്, ഹൃദയം തുടങ്ങിയവ കിടപ്പു മുറിയില് നിന്ന് കണ്ടെടുത്തു. മാംസം കഷ്ണങ്ങളാക്കി റഫ്രിജറേറ്റില് സൂക്ഷിച്ച നിലയിലായിരുന്നു.
അസ്ഥികള് വീടിന്റെ വിവിധ അലമാരകളില്നിന്ന് കണ്ടെടുത്തു. മരപ്പണിക്കാര് ഉപയോഗിക്കുന്ന ആയുധവും 2 അടുക്കള കത്തിയും ഉപയോഗിച്ചാണ് മരിയയുടെ മൃതദേഹം വെട്ടിനുറുക്കിയതെന്ന് പൊലീസ് കണ്ടെത്തി.
തുടര്ന്ന് 2019 ഫെബ്രുവരി 21ന് ആല്ബര്ട്ടോയെ പോലീസ് അറസ്റ്റ് ചെയ്യുകയായിരുന്നു. ഈ വര്ഷം നടന്ന രണ്ടാഴ്ചത്തെ വിചാരണക്ക് ശേഷം ബുധനാഴ്ച ആല്ബര്ട്ടോ കുറ്റക്കാരനാണെന്ന് കോടതി സ്ഥിരീകരിക്കുകയും ശിക്ഷ വിധിക്കുകയുമായിരുന്നു.
https://www.facebook.com/Malayalivartha