85 പേരുമായി ദക്ഷിണ ഫിലിപ്പീന്‍സില്‍ പോയ സൈനിക വിമാനം തകര്‍ന്ന്​ വീണതായി സേന മേധാവി ജനറല്‍ സിറിലി​റ്റോ സോബെജാന. സി-130 വിമാനത്തില്‍ നിന്ന്​ ഇതിനോടകം 40 പേരെ രക്ഷപെടുത്തിയതായി സേന മേധാവി പറഞ്ഞു. സുലു പ്രവിഷ്യയിലെ ജോലോ ദ്വീപില്‍ ഇറങ്ങാന്‍ ശ്രമിക്കുന്നതിനിടെയാണ്​ അപകടം ഉണ്ടായത്​.

രക്ഷാപ്രവര്‍ത്തകര്‍ സ്​ഥലത്തെത്തിയതായും കൂടുതല്‍ പേരെ രക്ഷിക്കാനാകുമെന്നാണ്​ പ്രതീക്ഷയെന്നും സോബെജാന്​ എ​ പറഞ്ഞു. സൈനിക പരിശീലനം പൂര്‍ത്തിയാക്കിയ ശേഷം തീവ്രവാദത്തിനെതിരെ പോരാടുന്ന ജോയിന്‍റ്​ ടാസ്​ക്​ ഫോഴ്‌സിന്റെ ഭാഗമാകാനെത്തിയവരാണ്​ അപകടത്തില്‍ പെട്ട യാത്രക്കാരില്‍ അധികവും. തീവ്രവാദ സംഘടനകളുടെ സാന്നിധ്യമുള്ള ദ്വീപില്‍ ശക്തമായ സൈനിക വ്യൂഹത്തെയാണ്​ സര്‍ക്കാര്‍ വിന്യസിച്ചിരിക്കുന്നത്​.