നാസയുടെ ഛിന്നഗ്രഹ ദൗത്യം ഡാര്‍ട്ട് വിക്ഷേപിച്ചു. കാലിഫോര്‍ണിയയിലെ വാന്‍ഡന്‍ബെര്‍ഗ് സ്‌പേസ് ഫോഴ്‌സ് ബേസില്‍ നിന്ന് പ്രാദേശിക സമയം വൈകുന്നേരം 6.20നാണ് ദൗത്യം വഹിച്ചുകൊണ്ടുള്ള ഫാല്‍ക്കണ്‍-9 റോക്കറ്റ് കുതിച്ചുയര്‍ന്നത്.

ഡിഡിമോസ് എന്ന ഛിന്നഗ്രഹത്തെ ചുറ്റുന്ന ഡിമോര്‍ഫോസെന്ന ഛിന്നഗ്രഹത്തിന്റെ സഞ്ചാര ഗതി മാറ്റുകയാണ് ഡാര്‍ട്ടിന്റെ പ്രധാന ലക്ഷ്യം. ഛിന്നഗ്രഹത്തെ ഇടിച്ചുതെറിപ്പിക്കുന്ന ഡാര്‍ട്ട് പദ്ധതി വിജയിച്ചാല്‍ ഭൂമിയെ സംരക്ഷിക്കാനുള്ള വലിയ മുന്നേറ്റമായിരിക്കും ഉണ്ടാകുന്നത്.

അടുത്ത വര്‍ഷം സെപ്റ്റംബര്‍ അവസാനമോ ഒക്ടോബര്‍ ആദ്യമോ ഡാര്‍ട്ട് ഛിന്നഗ്രവുമായി കൂട്ടിയിടിച്ച് അതിന്റെ ഭ്രമണപഥത്തില്‍ മാറ്റം വരുത്തുമെന്നാണ് നാസയിലെ വിദഗ്ധര്‍ കരുതുന്നത്. ഭൂമിയില്‍നിന്ന് 1.1 കോടി കിലോമീറ്റര്‍ അകലെയായിരിക്കും കൂട്ടിയിടി നടക്കുക.160 മീറ്റര്‍ വലുപ്പമാണ് ഡിമോര്‍ഫോസിനുള്ളത്.

കൂട്ടിയിടിയുടെ ദൃശ്യങ്ങളും ഭൂമിയിലേക്ക് അയയ്ക്കും. ഭൂമിയില്‍നിന്ന് ടെലസ്‌കോപ്പ് ഉപയോഗിച്ചും ഇതിനെ നിരീക്ഷിക്കും. ഈ ഛിന്നഗ്രഹം നിലവില്‍ ഭൂമിക്ക് ഭീഷണിയല്ലെന്നും പരീക്ഷണത്തിന്റെ ഭാഗമായാണ് ഡാര്‍ട്ട് ദൗത്യം വിക്ഷേപിച്ചതെന്നും നാസ .