ഒമിക്രോണ്‍ അതിവ്യാപനത്തില്‍ ലോകരാജ്യങ്ങള്‍ വിറങ്ങലിച്ചുനില്‍ക്കുമ്പോള്‍ ഇതാ അതിവേഗം വരുന്നു കോവിഡിന്റെ പുതിയ അതിമാരക വകഭേദം. ദിവസങ്ങള്‍ക്കുള്ളില്‍ ലക്ഷക്കണക്കിന് ജനങ്ങളെ കൊന്നൊടുക്കാന്‍ പ്രഹരശേഷിയുള്ള നിയോകോവ് എന്ന പുതിയ തരം കൊറോണ വൈറസിനെ ദക്ഷിണാഫ്രിക്കയില്‍ കണ്ടെത്തിയിരിക്കുന്നു.

അതിമാരകമായ ഈ വൈറസ് മാസങ്ങള്‍ക്കുള്ളില്‍ ഒരേ സമയം വിവിധയിടങ്ങളില്‍ സംഹാരതാണ്ഡവം തുടങ്ങുമെന്നാണ് ചൈനയിലെ വുഹാനിലള്ള ഗവേഷകര്‍ വ്യക്തമാക്കുന്നത്. അതിവ്യാപന ശേഷിയുള്ള ഈ വൈറസിന്റെ വ്യാപനത്തില്‍ 20 കോടിയിലേറെ ജനങ്ങള്‍ക്ക് ജീവന്‍ നഷ്ടപ്പെട്ടേക്കാമെന്നാണ് സൂചന.

ലോകമെമ്പാടും ജനങ്ങള്‍ സ്വീകരിച്ചുവരുന്ന കോവിഡ് പ്രതിരോധ വാക്സീനുകള്‍ നിര്‍വീര്യമാക്കാന്‍ നിയാകോവ് വൈറസിന് ശേഷിയുണ്ടെന്നാണ് വിലയിരുത്തല്‍. ഇന്ത്യ ഉള്‍പ്പെടെ ജനസംഖ്യകൂടുതലുള്ള രാജ്യങ്ങളെയായിരിക്കും നിയാകോവ് വൈറസ് കൂടുതലായി ആക്രമിച്ചുകീഴക്കുക. കോവിഷീല്‍ഡിനെയും കോവാക്സിനെയും നിര്‍വീര്യമാക്കി അതിവേഗം മനുഷ്യരെ കൊന്നൊടുക്കാനോളം ശക്തമായ പുതിയ വൈറസിനെ കീഴടക്കാനുള്ള സാധ്യത വിരളമാണെന്ന് ഗവേഷകര്‍ പറയുന്നു.

ഒമിക്രോണ്‍ വകഭേദത്തെ ചെറുക്കാന്‍ നിലവിലെ വാക്സിന് സാധിക്കുന്നില്ലെന്ന ആശങ്ക നിലനില്‍ക്കെയാണ് ഏറ്റവും പ്രഹരശേഷിയുള്ള വൈറസ് വ്യാപനം തുടങ്ങഉന്നത്.

ചില പ്രദേശങ്ങളെത്തന്നെ ഈ വൈറസ് ഇല്ലായ്മ ചെയ്തേക്കാമെന്നും ഗവേഷകര്‍ മുന്നറിയിപ്പു നല്‍കുന്നു. വുഹാനിലെ ഗവേഷകരെ ഉദ്ധരിച്ച് റഷ്യന്‍ വാര്‍ത്താ ഏജന്‍സിയായ സ്പുട്‌നിക്കാണ് വാര്‍ത്ത പുറത്തുവിട്ടത്.

ഇതു വരെയുള്ള പഠനമനുസരിച്ച് നിയോകോവ് പുതിയ വൈറസല്ലെന്നും മെര്‍സ് കോവ് വൈറസുമായി ബന്ധമുള്ള ഇത് 2012ലും 2015ലും മധ്യപൂര്‍വേഷന്‍ രാജ്യങ്ങളില്‍ റിപ്പോര്‍ട്ട് ചെയ്തിരുന്നുവെന്നാണ് റിപ്പോര്‍ട്ടുകള്‍ . അതേ സമയം ഘടനയില്‍ വ്യത്യാസം വന്നിരിക്കുന്ന ഈ വൈറസിന് സംഹാരശേഷി ഇതുവരെയുണ്ടായ ഇനങ്ങളെക്കാള്‍ തീവ്രമായിരിക്കുമെന്ന് വ്യക്തമായിട്ടുണ്ട്.

നിലവില്‍ ദക്ഷിണാഫ്രിക്കയിലെ ഒരു കൂട്ടം വവ്വാലുകളിലാണ് ഇതു കണ്ടെത്തിയിരിക്കുന്നത്. ഇത്തരം വൈറസ് വവ്വാലുകളില്‍ മാത്രമാണു പടര്‍ന്നിരിക്കുന്നതെങ്കിലും ഘടനാമാറ്റം സംഭവിച്ച് മനുഷ്യരിലേക്കും അതിവേഗം കടന്നുവന്നേക്കാം.

നിലവില്‍ വൈറസുകളില്‍ കണ്ടെത്തിയിരിക്കുന്ന നിയാകോവിന് മനുഷ്യകോശങ്ങളിലേക്കു കടന്നുകയറാന്‍ വെറും ഒറ്റ രൂപാന്തരം കൂടി മാത്രം മതിയെന്നാണ് വുഹാന്‍ സര്‍വകലാശാലയിലെയും ചൈനീസ് അക്കാദമി ഓഫ് സയന്‍സസിലെയും ഗവേഷകര്‍ പറയുന്നത്.

ഇപ്പോള്‍ വ്യാപനത്തിലുള്ള കൊറോണ വൈറസിനേക്കാള്‍ വിഭിന്നമായാവും ഇതു മനുഷ്യകോശങ്ങളെ ബാധിക്കുക. അതുകൊണ്ടു തന്നെ നിയോകോവിനെ ചെറുക്കാന്‍ മനുഷ്യശരീരത്തിലെ ആന്റിബോഡികള്‍ക്കോ നിലവിലെ വാക്‌സീന്‍ സംരക്ഷണത്തിനോ കഴിയില്ലെന്നും ലോകം ആശങ്കപ്പെടുന്നു. ഇതു ബാധിക്കുന്ന മൂന്നിലൊരാളും മരിക്കാനുള്ള സാധ്യതയാണ് വുഹാനിലെ ഗവേഷകര്‍ വ്യക്തമാക്കുന്നത്. ഒമിക്രോണ്‍ വ്യാപനത്തിന് ഒരു മാസമാണ് കാലതാമസമുണ്ടായതെങ്കില്‍ വകഭേദം വന്ന പുതിയ വൈറസ് ഒരാഴ്ചയ്ക്കുള്ളില്‍ എല്ലാ രാജ്യങ്ങളിലേക്കും കടന്നുവന്ന് ജനങ്ങളെ വീഴ്ത്തുമെന്നാണ് നിഗമനം.

നിലവിലുള്ള കൊവിഡ് വൈറസില്‍ നിന്നും വ്യത്യസ്ഥമായാണ് നിയാകോവ് വൈറസ് മനുഷ്യശരീരത്തെ ബാധിക്കുക. നിയോകോവിനെ ചെറുക്കാന്‍ മനുഷ്യശരീരത്തിലെ ആന്റിബോഡികള്‍ക്കോ നിലവിലെ വാക്‌സിനുകള്‍ക്കോ കഴിയില്ലെന്നാണ് ഗവേഷകര്‍ പറയുന്നത്. ഈ വൈറസ് ബാധിക്കുന്ന മൂന്നിലൊരാള്‍ മരിക്കാനുള്ള സാദ്ധ്യതയുണ്ടെന്നും ഗവേഷകര്‍ ചൂണ്ടിക്കാട്ടുന്നുണ്ട്.

അതേസമയം നിയോകോവ് വൈറസിനെക്കുറിച്ചുള്ള വാര്‍ത്തകളില്‍ ആശങ്കപ്പെടേണ്ടതില്ലെന്ന് ആരോഗ്യവിദഗ്ധര്‍. ആല്‍ഫ, ഡെല്‍റ്റ, ഒമിക്രോണ്‍ തുടങ്ങിയവപോലെ കോവിഡിന് കാരണമാകുന്ന 'സാര്‍സ് കോവ്-2' വൈറസിന്റെ വകഭേദമല്ല നിയോകോവ്. നേരത്തേത്തന്നെ വവ്വാലുകളില്‍ കണ്ടെത്തിയിട്ടുള്ള നിയോകോവ് മനുഷ്യരെ ബാധിക്കാനുള്ള സാധ്യതയില്ലെന്നും ആരോഗ്യവിദഗ്ധര്‍ വിലയിരുത്തുന്നു.