'ഡൽഹി ചലോ, ബദലാവ് സരൂരി ഹേ' എന്ന് വച്ചാൽ (ഡൽഹിയിലേക്ക് പോകാം, മാറ്റം അനിവാര്യമാണ്) എന്നത് കമ്മ്യൂണിസ്റ്റ് പാർട്ടി ഓഫ് ഇന്ത്യ (സി.പി.ഐ - CPI) തങ്ങളുടെ ദേശീയ പ്രക്ഷോഭത്തിനായി ഉയർത്തിയിരിക്കുന്ന പ്രധാന സമരമുദ്രാവാക്യമാണ്. അതായത് കേന്ദ്രത്തിനെതിരെ സമരത്തിന് പുറപ്പെടുകയാണ് സഖാക്കൾ . നല്ലത് പക്ഷെ ഇതിലെ തമാശ എന്താന്ന് വച്ചാൽ മോദിയെയും കേന്ദ്രത്തിന്റെയും തെറിവിളിക്കാൻ പോകാൻ ഇവിടുന്നു വണ്ടി വേണം . അതിനു വേണ്ടി വാടകയ്ക്ക് എടുത്തിരിക്കുന്നത് ഇന്ത്യൻ റെയിൽവേയുടെ ട്രെയിനും . ഡൽഹിയിൽ കേന്ദ്ര സർക്കാരിനെതിരെയുള്ള പ്രതിഷേധ മാർച്ചിനായി ട്രെയിൻ വാടകയ്ക്കെടുക്കാൻ സിപിഐ.

18 കോച്ചുള്ള ട്രെയിൻ മൊത്തമായി വാടകയ്ക്കെടുത്ത് ഡൽഹിക്ക് പോകാൻ സംസ്ഥാന നേതൃയോഗങ്ങൾ തീരുമാനിച്ചു. അഡ്വാൻസ് ഇനത്തിൽ ഇതിനായി വേണ്ട 9 ലക്ഷം രൂപ പാർട്ടി റെയിൽവേക്കു നൽകി. കേരളത്തിൽനിന്ന് ഒരു രാഷ്ട്രീയ പാർട്ടി ആദ്യമായാണ് പ്രത്യേക ട്രെയിൻ ബുക്ക് ചെയ്ത് ഇങ്ങനെ യാത്ര തിരിക്കുന്നത്.സെപ്റ്റംബർ 1 നാണ് സിപിഐയുടെ ദേശീയതല പ്രതിഷേധ പരിപാടി ഡൽഹിയിൽ നടക്കുന്നത്. കേരളത്തിൽ നിന്ന് 1500 പേർ ഇതിൽ പങ്കെടുക്കും. ഇത്രയും പേർ ഒരുമിച്ചു പോകാൻ വേണ്ടിയാണ് വാടകയ്ക്ക് ട്രെയിൻ ബുക്ക് ചെയ്തത്. ഓഗസ്റ്റ് 29ന് കൊച്ചു വേളിയിൽനിന്നു പുറപ്പെടുന്ന ഈ പ്രത്യേക ട്രെയിൻ 31ന് ഡൽഹിയിലെത്തും.

തിരിച്ച് സെപ്റ്റംബർ 2ന് പുറപ്പെട്ട് 4ന് തിരുവനന്തപുരത്ത് എത്തും.അധികവരുമാന മാർഗമെന്ന നിലയിലാണ് ഇതുപോലെ സ്പെഷൽ ട്രെയിനുകൾ റെയിൽവേ ഓടിക്കുന്നത്. റൂട്ട്, യാത്രക്കാരുടെ എണ്ണം, സ്റ്റോപ്, വേണ്ടി വരുന്ന സമയം, യാത്രയ്ക്കു വേണ്ടി വരുന്ന ആകെ ചെലവ് എന്നിവയുടെ അടിസ്ഥാനത്തിലാണ് വാടക റെയിൽവേ നിശ്ചയിക്കുന്നത്. ഇതു കണക്കുകൂട്ടി സിപിഐയെ അറിയിച്ചിട്ടില്ല. 'ഡൽഹി ചലോ, ബദലാവ് സരൂരി ഹേ' എന്നതാണ് സി.പി.ഐ.യുടെ സമരമുദ്രാവാക്യം.ഓഗസ്റ്റ് 29-ന് തിരുവനന്തപുരത്തുനിന്ന് പുറപ്പെടും. സെപ്റ്റംബർ നാലിന് തിരിച്ചെത്തും. മൂന്നാംക്ലാസ് എ.സി. കമ്പാർട്ടുമെന്റുകളാണുണ്ടാകുക.

രണ്ട് ബോഗി എ.സി. ഇല്ലാത്തതു മതിയെന്ന് സി.പി.ഐ. അറിയിച്ചിട്ടുണ്ട്. രണ്ടിടത്ത് മാത്രമാണ് നിർത്തുക. അധികമായുള്ള ഓരോ സ്റ്റോപ്പിനും 25,000 രൂപ റെയിൽവേക്കു നൽകണം.പത്തുലക്ഷംരൂപ മുൻകൂറായി നൽകിയിട്ടുണ്ട്. ഒരാൾക്ക് 9000 രൂപ ചെലവുവരും. തമിഴ്നാട്ടിൽനിന്ന് സമരക്കാരെ എത്തിക്കാൻ രണ്ടു ട്രെയിൻ ബുക്ക് ചെയ്തിട്ടുണ്ട്.
ആദ്യമായാണ് കേരളത്തിൽനിന്നൊരു രാഷ്ട്രീയപാർട്ടി തീവണ്ടി വാടകയ്ക്കെടുത്ത് സമരത്തിന് പോകുന്നത്.