"അവര് കഴുത്ത് അറുത്തുകൊന്നയാളുടെ കുടല് പുറത്തെടുത്തു.... അത് പാകം ചെയ്യാന് എന്നോട് ആവശ്യപ്പെട്ടു....ഭക്ഷണം തയ്യാറാക്കാന് എനിക്ക് രണ്ട് വാട്ടര് കണ്ടെയ്നറുകള് എത്തിച്ചു തന്നു... തുടര്ന്ന് തടവുകാര്ക്കെല്ലാം അവര് മനുഷ്യമാംസം നല്കി" 'യുവതിയെ തട്ടിക്കൊണ്ടുപോയി ബലാത്സംഗം, നിര്ബന്ധിച്ച് മനുഷ്യമാംസം പാകം ചെയ്യിക്കല്'; കോംഗോയില് നടന്നതിനെക്കുറിച്ച് മനുഷ്യാവകാശ സംഘം
കോംഗോയില് കലാപകാരികള് സ്ത്രീയെ തുടര്ച്ചയായി തട്ടിക്കൊണ്ടുപോയി ബലാത്സംഗം ചെയ്യുകയും മനുഷ്യമാംസം കഴിക്കാന് നിര്ബന്ധിക്കുകയും ചെയ്തതായി മനുഷ്യാവകാശ സംഘം ഐക്യരാഷ്ട്ര സംഘടനയുടെ സുരക്ഷാ കൗണ്സിലില്.
സ്ത്രീകളുടെ അവകാശങ്ങള്ക്കായുള്ള ഫീമെയില് സോളിഡാരിറ്റി ഫോര് ഇന്റഗ്രേറ്റഡ് പീസ് ആന്ഡ് ഡെവലപ്മെന്റ് (സോഫേപാഡി)യുടെ അധ്യക്ഷ ജൂലിയന് ലുസെഞ്ചെയാണ് സംഭവത്തെക്കുറിച്ച് കൗണ്സിലില് അറിയിച്ചത്. മെയ് അവസാനം മുതല് സര്ക്കാരും വിമത ഗ്രൂപ്പുകളും തമ്മില് കനത്ത പോരാട്ടങ്ങളും അക്രമങ്ങളും അരങ്ങേറുന്ന കോംഗോയെക്കുറിച്ച് യുഎന്നിന്റെ 15 അംഗ സുരക്ഷാ കൗണ്സിലിനു മുന്നിലുള്ള പതിവ് വിശദീകരണ യോഗത്തിലാണ് ജൂലിയന് ലുസെഞ്ചെയുടെ വെളിപ്പെടുത്തല്.
തട്ടിക്കൊണ്ടുപോയ മറ്റൊരു കുടുംബാംഗത്തിനായുള്ള മോചനദ്രവ്യവുമായി ചെന്നപ്പോഴാണ് കോംഗോ കേന്ദ്രീകരിച്ചുള്ള തീവ്രവാദ സംഘടന കോഡെകോ യുവതിയെ തട്ടിക്കൊണ്ടുപോയത്. അവര് നിരന്തരമായി ബലാത്സംഗം ചെയ്തതായും ശാരീരികമായി ആക്രമിച്ചതായും യുവതി സോഫേപാഡിയോട് പറഞ്ഞതായി ജൂലിയന് ലുസെഞ്ചെ അറിയിച്ചു. തീവ്രവാദികള് അവര്ക്ക് മുന്നിലിട്ട് ഒരാളുടെ കഴുത്ത് അറുത്തതായി യുവതി പറഞ്ഞതായും ലുസെഞ്ചെ അറിയിച്ചു.
"അവര് അയാളുടെ കുടല് പുറത്തെടുത്തു. അത് പാകം ചെയ്യാന് എന്നോട് ആവശ്യപ്പെട്ടു. ഭക്ഷണം തയ്യാറാക്കാന് എനിക്ക് രണ്ട് വാട്ടര് കണ്ടെയ്നറുകള് എത്തിച്ചു തന്നു. തുടര്ന്ന് തടവുകാര്ക്കെല്ലാം അവര് മനുഷ്യമാംസം നല്കി" എന്ന് യുവതി വിവരിച്ചതായി ലുസെഞ്ചെ കൗണ്സിലിനോട് പറഞ്ഞു.
കുറച്ച് ദിവസങ്ങള്ക്ക് ശേഷം യുവതിയെ ഇവര് മോചിപ്പിച്ചുവെങ്കിലും വീട്ടിലേക്ക് മടങ്ങുന്നതിനിടെ മറ്റൊരു തീവ്രവാദ സംഘം അവരെ വീണ്ടും തട്ടിക്കൊണ്ടുപോയി.
ഈ സംഘത്തിലെ അംഗങ്ങള് അവരെ നിരന്തരമായി ബലാത്സംഗത്തിനിരയാക്കിയെന്നും ലുസെഞ്ചെ പറഞ്ഞു. അവിടെയും യുവതിയോട് മനുഷ്യമാംസം പാകം ചെയ്യാനും ഭക്ഷിക്കാനും ആവശ്യപ്പെട്ടതായി യുവതി സോഫേപാഡിയോട് പറഞ്ഞതായും അവര് അറിയിച്ചു. എന്നാല് രണ്ടാമതായി തട്ടിക്കൊണ്ടുപോയ തീവ്രവാദ ഗ്രൂപ്പിന്റെ പേര് കൗണ്സിലിലെ ബ്രീഫിംഗില് ലുസെഞ്ചെ വെളിപ്പെടുത്തിയില്ല.
കോംഗോയുടെ ധാതു സമ്ബന്നമായ കിഴക്കന് പ്രദേശം കെെയ്യടക്കാന് ദീര്ഘകാലമായി ആക്രമണം അഴിച്ചുവിടുന്ന നിരവധി തീവ്രവാദ സംഘങ്ങളില് ഒന്നാണ് കോഡെകോ.
2012-2013 ലെ കലാപത്തിന് ശേഷം വന്തോതിലുള്ള ഭൂപ്രദേശം പിടിച്ചെടുത്ത ഇത്തരം സംഘങ്ങളുമായി കോംഗോ സൈന്യം പോരാട്ടം തുടരുകയാണ്. 20 വര്ഷത്തിലേറെയായി യുഎന്നും സമാധാന സേനാംഗങ്ങളെ കോംഗോയില് വിന്യസിച്ചിട്ടുണ്ട്.
https://www.facebook.com/Malayalivartha
