ചൈനീസ് പ്രസിഡന്റ് ഷി ജിൻപിങ്ങുമായി കൂടിക്കാഴ്ചയ്ക്കായി അമേരിക്കൻ പ്രസിഡന്റ് ഡോണൾഡ് ട്രംപ്‌ ഇന്ന് ബീജിങ്ങിൽ . ഇറാനെതിരായ യുഎസ്-–ഇസ്രയേൽ- യുദ്ധത്തെ തുടർന്ന്‌ ഹോർമുസ് കടലിടുക്കിലെ ഉപരോധം മൂലം ആഗോള ഊർജ പ്രതിസന്ധി രൂക്ഷമായ പശ്‌ചാത്തലത്തിലാണ് സന്ദർശനം നടത്തുന്നത്.

ഇറാൻ വിഷയത്തിൽ ചൈനയുടെ ഭാഗത്തുനിന്ന് വിട്ടുവീഴ്ച ഉണ്ടാകില്ലെന്ന ബോധ്യത്തിൽ, മറ്റ് ഉഭയകക്ഷി വിഷയങ്ങളിൽ ശ്രദ്ധ കേന്ദ്രീകരിക്കാനാണ് വൈറ്റ്ഹൗസിന്റെ തീരുമാനമെന്നാണ്‌ റിപ്പോർട്ടുകളുള്ളത്. വ്യാപാരം, മയക്കുമരുന്നുകടത്ത് തടയൽ തുടങ്ങിയവ മുഖ്യ ചർച്ചാവിഷയമാകുകയും ചെയ്യും. വ്യാപാരക്കരാറിനെക്കുറിച്ചും ചർച്ചചെയ്യും.

ഇറാനിലേക്ക് ചൈന ആയുധങ്ങൾ നൽകുന്നുവെന്നാരോപിച്ച്‌ ചൈനീസ് ഉൽപ്പന്നങ്ങൾക്ക് 50 ശതമാനം നികുതി ചുമത്തുമെന്ന് ട്രംപ് ഭീഷണിപ്പെടുത്തിയിരുന്നു. പിന്നീട്‌ അത്‌ പിൻവലിച്ചു.