ലെബനൻ പ്രദേശത്തിനുള്ളിൽ ഡ്രോൺ ആക്രമണത്തിൽ മുതിർന്ന ഇസ്ലാമിസ്റ്റ് നേതാവ് കൊല്ലപ്പെട്ടതായി സൂചന. നാവിക സേനയുടെ തലവൻ അനസ് മുറാദിനെ ഐഡിഎഫും ഷിൻ ബെറ്റും കൊലപ്പെടുത്തിയെന്നാണ് റിപ്പോർട്ട്. മറ്റൊരു ഭീകരനെയും വധിച്ചതായി ഐഡിഎഫ് അവകാശപ്പെട്ടു. അതിനിടെഈജിപ്ത്, ഖത്തർ, യുണൈറ്റഡ് സ്റ്റേറ്റ്സ് എന്നിവയുടെ അശ്രാന്ത പരിശ്രമത്തിലൂടെ, ബന്ദികളെ മോചിപ്പിക്കുന്നതിനുള്ള ഒരു കരാർ രൂപപ്പെടുത്തുന്നതിനുള്ള ചർച്ചകളും ഉടനടി മാനുഷിക വെടിനിർത്തലും നടക്കുന്നതിനിടെ നെതന്യാഹുവിൻ്റെ ഉടമ്പടി വ്യവസ്ഥകൾ മുന്നോട്ട് വച്ച് മൊസാദ് മേധാവി. ആയുധധാരികളായ ആരെയും വടക്കൻ ഗാസയിലേക്ക് മടങ്ങാൻ അനുവദിക്കരുതെന്ന പ്രധാനമന്ത്രി ബെഞ്ചമിൻ നെതന്യാഹുവിൻ്റെ ആവശ്യത്തിൽ ധാരണയിലെത്താൻ ഏറെ സമയമെടുക്കുമെന്ന് മൊസാദ് മേധാവി ഡേവിഡ് ബാർണിയ കാബിനറ്റ് മന്ത്രിമാരോട് പറഞ്ഞു.

ഈജിപ്തിനും ഗാസയ്‌ക്കുമിടയിൽ ഫിലാഡൽഫി ഇടനാഴി എന്നറിയപ്പെടുന്ന നിർണായക ബഫർ സോണിൻ്റെ നിയന്ത്രണം ഐഡിഎഫ് നിലനിർത്തണമെന്ന് നെതന്യാഹു നിർബന്ധിക്കുന്നു. ആ നിർദ്ദേശം അംഗീകരിക്കുന്നതിൽ ഹമാസ് ആദ്യം വിസമ്മതിച്ചു, ഏതെങ്കിലും ചർച്ചകൾ നടക്കുന്നതിന് മുമ്പ് ഇസ്രായേൽ സ്ഥിരമായ വെടിനിർത്തലിന് സമ്മതിക്കണമെന്നും ഫിലാഡൽഫി ഇടനാഴി ഉൾപ്പെടെ ഗാസ മുനമ്പിൽ നിന്ന് പൂർണ്ണമായി പിന്മാറണമെന്നും ശഠിച്ചു.

പിന്നീട് ആ ആവശ്യം ഉപേക്ഷിക്കുകയും കരാറിൽ പറഞ്ഞിരിക്കുന്ന പ്രക്രിയ അംഗീകരിക്കുകയും ചെയ്തു, അതിലൂടെ ഏകദേശം 33 മുതൽ 18 വരെ ബന്ദികളെ ഒന്നാം ഘട്ടത്തിൽ മോചിപ്പിക്കുകയും യുദ്ധത്തിന് വിരാമമിട്ട് ഇസ്രായേൽ ജയിലുകളിൽ കഴിയുന്ന ഫലസ്തീൻ സുരക്ഷാ തടവുകാരെയും തീവ്രവാദികളെയും മോചിപ്പിക്കുകയും ചെയ്യും. ആറാഴ്ച നീണ്ടുനിൽക്കുന്ന ഒന്നാം ഘട്ടത്തിൻ്റെ 16-ാം ദിവസം സ്ഥിരമായ വെടിനിർത്തൽ വിഷയത്തിൽ ചർച്ചകൾ ആരംഭിക്കും. നെതന്യാഹു പറഞ്ഞതനുസരിച്ച് ഹമാസ് 29 മാറ്റങ്ങൾ ആവശ്യപ്പെട്ടിട്ടുണ്ട്.