പ്രാര്ത്ഥനയോടെ കുടുംബവും നാട്ടുകാരും.... യൂറോപ്പിലെ ലാത്വിയയില് തടാകത്തില് കാണാതായ യുവാവിനായി തെരച്ചില് തുടരുന്നു
പ്രാര്ത്ഥനയോടെ കുടുംബവും നാട്ടുകാരും.... യൂറോപ്പിലെ ലാത്വിയയില് തടാകത്തില് കാണാതായ യുവാവിനായി തെരച്ചില് തുടരുന്നു.ഇടുക്കി ആനച്ചാല് അറയ്ക്കല് ഷിന്റോയുടെ മകന് ആല്ബി(19)നായി പ്രാര്ഥനയോടെയിരിക്കുകയാണ് ഏവരും. അപകടവിവരമറിഞ്ഞതുമുതല് ആനച്ചാലിലെ അറയ്ക്കല് വീട്ടിലേക്ക് ബന്ധുക്കളും നാട്ടുകാരും സുഹൃത്തുക്കളും എത്തുന്നു.
അവര് കുടുംബാംഗങ്ങളെ ആശ്വസിപ്പിക്കുന്നു. ആല്ബിന്റെ പിതാവും ആനച്ചാലിലെ ട്രെക്കിങ് ജീപ്പ് െ്രെഡവറുമായ ഷിന്റോയും എല്ലക്കല് എല്.പി.സ്കൂളിലെ അധ്യാപികയായ മാതാവ് റീനയും സഹോദരി ആഡ്രിയയും ആല്ബിന് തിരിച്ചുവരുമെന്ന പ്രതീക്ഷയിലാണുള്ളത്
ഡീന് കുര്യാക്കോസ് എം.പി.യുടെ അഭ്യര്ഥനയെത്തുടര്ന്ന് വിദേശകാര്യമന്ത്രി ഡോ. എസ്.ജയശങ്കര് നടത്തിയ ഇടപെടലുകള് തിരച്ചിലിന് വേഗം കൂട്ടും എന്നാണ് പ്രതീക്ഷ. പ്ലസ്ടുവിനുശേഷം അഞ്ചുമാസംമുന്പ് അയല്ക്കാരോടും സുഹൃത്തുക്കളോടും യാത്രപറഞ്ഞ് ഉപരിപഠനത്തിനായി പോയ ആല്ബിന് നാട്ടുകാര്ക്കെല്ലാം പ്രിയപ്പെട്ടവനായിരുന്നു. ആല്ബിന്റെ കോളേജിന് ഒരുമാസമായി അവധിയായിരുന്നു. അവധിദിവസം നാല് കൂട്ടുകാരുമൊത്ത് കോളേജിന് സമീപത്തെ തടാകത്തില് കുളിക്കാന് പോയപ്പോഴാണ് അപകടം സംഭവിച്ചത്.
തടാകത്തില് പെട്ടെന്നുണ്ടായ ചുഴിയില് ആല്ബിന് പെടുകയായിരുന്നുവെന്നാണ് കൂടെയുണ്ടായിരുന്ന തിരുവനന്തപുരം സ്വദേശിയായ സുഹൃത്ത് പറഞ്ഞത്. വ്യാഴാഴ്ച അര്ധരാത്രിയോടെയാണ് ആല്ബിന്റെ ലാത്വിയയിലുള്ള സുഹൃത്തുക്കള് ആനച്ചാലിലെ വീട്ടിലേക്ക് അപകടവിവരമറിയിച്ചത്.
https://www.facebook.com/Malayalivartha
