എല്ലാം ഒരു സീരില്‍ കഥപോലെ... നാട്ടിലെ വന്‍ പണച്ചാക്കായിരുന്ന സീരിയല്‍ നടിയുടെ കുടുംബത്തിന്റെ അവസ്ഥ കണ്ട് കണ്ണുതള്ളി നാട്ടുകാര്‍; കള്ളനോട്ട് കേസില്‍ പിടിയിലായ സീരിയല്‍ നടിയടക്കമുള്ള പ്രതികള്‍ വിയ്യൂര്‍ ജയിലില്‍
പണച്ചാക്കുകളെന്ന് ധരിച്ചിരുന്ന സീരിയല്‍ നടിയുടെ കുടുംബത്തിന്റെ തകര്‍ച്ചയില്‍ ഞെട്ടിയിരിക്കുകയാണ് നാട്ടുകാര്‍. കള്ളനോട്ട് കേസില്‍ കൊല്ലത്ത് നിന്ന് പിടിയിലായ സീരിയല്‍ നടിയെയും ബന്ധുക്കളെയും വിയ്യൂര്‍ സെന്‍ട്രല്‍ ജയിലിലേക്ക് മാറ്റി. മുഖ്യപ്രതി ഉള്‍പ്പെടെ ആറ് പേര്‍ ഉടന്‍ പിടിയിലാകുമെന്നാണ് സൂചന.
പ്രതികളുടെ ബാങ്ക് നിക്ഷേപം ഉള്‍പ്പെടെയുള്ള സാമ്ബത്തിക സ്രോതസുകള്‍ ഇടുക്കിയില്‍ നിന്നുള്ള അന്വേഷണ സംഘം പരിശോധിക്കുന്നുണ്ട്.
കള്ളനോട്ട് കേസില്‍ അറസ്റ്റിലായ സീരിയല്‍ താരം സൂര്യാ ശശികുമാര്‍, അമ്മ രമാദേവി, സഹോദരി ശ്രുതി എന്നിവരെ കേന്ദ്രീകരിച്ചുള്ള അന്വേഷണത്തില്‍ സ്വാമി ബിജു എന്നറിയപ്പെടുന്ന ബിജുവാണ് കേസിലെ മുഖ്യപ്രതി.
ബിജുവിന്റെ നിര്‍ദേശപ്രകാരമാണ് കഴിഞ്ഞ എട്ട് മാസമായി വീട്ടില്‍ കള്ളനോട്ട് അച്ചടിച്ചിരുന്നതെന്നാണ് പ്രതികള്‍ നല്‍കിയ മൊഴി. സൂര്യയുടെ കൊല്ലത്തെ ആഡംബര വീട്ടില്‍ നടന്ന പരിശോധനയില്‍ 57 ലക്ഷം രൂപയുടെ കള്ളനോട്ടുകളും അച്ചടി യന്ത്രങ്ങളും പിടിച്ചെടുത്തിരുന്നു.
ആഡംബര ജീവിതം നയിച്ചിരുന്നത് കള്ളനോട്ട് കൈമാറ്റം വഴി മാത്രമാണോയെന്നുമ ഇവരുടെ മറ്റ് വരുമാന മാര്‍ഗങ്ങള്‍ എന്തൊക്കെ എന്നിവ പരിശോധിക്കുന്നുണ്ട്.
ഇതിന്റെ വിശദാംശങ്ങള്‍ അന്വേഷണ സംഘം വെളിപ്പെടുത്തിയിട്ടില്ല. നടിക്കും കുടുംബാഗംങ്ങള്‍ക്കുമെതിരെ യുഎപിഎ ചുമത്തും.
https://www.facebook.com/Malayalivartha
