ഇന്നലെ രാവിലെയാണ് ഹനാന്‍ ഹമീദ് സഞ്ചരിച്ചിരുന്ന വാഹനം അപകടത്തില്‍പ്പെട്ടത്. നട്ടെലിന് പരിക്കേറ്റ ഹനാന് അടിയന്തിര ശസ്ത്രക്രിയ ആവശ്യമാണെന്ന് ആശുപത്രി അധികൃതര്‍ അറിയിച്ചു. തുടര്‍ന്നാണ് ആശുപത്രിയുടെ സഹകരണത്തോടെ ചികിത്സാ ചെലവ് ഏറ്റെടുക്കുമെന്ന് മന്ത്രി കെ.കെ ശൈലജ അറിയിച്ചത്.

ഒരു സ്‌റ്റേജ് ഷോ കഴിഞ്ഞ് മടങ്ങുകയായിരുന്നു. ഹനാന്‍ സഞ്ചരിച്ചിരുന്ന കാര്‍ കൊടുങ്ങലൂരില്‍ വെച്ചാണ് അപകടത്തില്‍പ്പെട്ടത്. നിയന്ത്രണം വിട്ട കാര്‍ വൈദ്യുതി പോസ്റ്റില്‍ ഇടിക്കുകയായിരുന്നു. ആദ്യം കൊടുങ്ങലൂരിലെ സ്വകാര്യ ആശുപത്രിയിലാണ് ഹനാനെ പ്രവേശിപ്പിച്ചത് തുടര്‍ന്ന് വിദഗ്ദചികിത്സയ്ക്കായി കൊച്ചിയിലെ മെഡിക്കല്‍ ട്രസ്റ്റ് ആശുപത്രിയലേക്ക് മാറ്റുകയായിരുന്നു. വാഹനം ഓടിച്ചിരുന്ന ആള്‍ക്കും പരുക്കേറ്റിട്ടുണ്ട്.