കേന്ദ്ര സര്ക്കാരിന്റെ നയങ്ങളില് പ്രതിഷേധിച്ച് ഡല്ഹിയില് കര്ഷക, തൊഴിലാളി മഹാറാലി ആരംഭിച്ചു; റാലിയില് പങ്കെടുക്കാന് കേരളത്തില്നിന്നടക്കം ആയിരങ്ങള്
ഡെല്ഹിയില് കര്ഷക പ്രളയം. കേന്ദ്ര സര്ക്കാര് നിലപാടുകള്ക്കെതിരെ ഡല്ഹിയില് മൂന്ന് ലക്ഷത്തോളം കര്ഷകര് പങ്കെടുക്കുന്ന മാര്ച്ച് ആരംഭിച്ചു. ഇടതുപക്ഷ സംഘടനകളുടെ നേതൃത്വത്തിലാണ് മാര്ച്ച് നടക്കുന്നത്. കിസാന് സംഘര്ഷ് റാലി എന്ന പേരില് നടക്കുന്ന മാര്ച്ച് രാവിലെ എട്ടരയോടെ രാംലീല മൈതാനത്ത് നിന്ന് ആരംഭിച്ചു. പാര്ലമെന്റ് സ്ട്രീറ്റിലേക്കാണ് മാര്ച്ച് നടത്തുന്നത്.
കേന്ദ്ര സര്ക്കാറിന്റെ നയങ്ങളില് പ്രതിഷേധിച്ച് ഇന്ന് (ബുധനാഴ്ച) രാജ്യതലസ്ഥാനത്ത് നടക്കുന്ന കിസാന് മസ്ദൂര് സംഘര്ഷ് മഹാറാലിയില് പങ്കെടുക്കാന് കേരളത്തില്നിന്നടക്കം ആയിരക്കണക്കിന് കര്ഷക, തൊഴിലാളികള് ഡല്ഹിയില് എത്തി. വിലക്കയറ്റം തടയുക, പൊതുവിതരണം സാര്വത്രികമാക്കുക, അവശ്യവസ്തുക്കളുടെ അവധിവ്യാപാരം നിരോധിക്കുക തുടങ്ങി 15 ഇന ആവശ്യം മുന്നിര്ത്തിയാണ് മസ്ദൂര് കിസാന് സംഘര്ഷ് റാലി.
മഹാ റാലിയില് 3 ലക്ഷത്തോളം പേര് പങ്കെടുക്കുമെന്ന് സംഘാടകര് അറിയിച്ചു. അഖിലേന്ത്യ കിസാന് സഭ, സി.ഐ.ടി.യു, എ.ഐ.എ.ഡബ്ല്യൂ എന്നീ സംഘടനകളുടെ നേതൃത്വത്തിലാണ് റാലി. രാംലീല മൈതാനത്തുനിന്ന് രാവിലെ ആരംഭിക്കുന്ന റാലി 10 മണിയോടെ പാര്ലമന്റെ് സ്ട്രീറ്റിലെത്തും. തുടര്ന്ന് റാലിയെ വിവിധ സംഘടനകളുടെ നേതാക്കള് അഭിസംബോധന ചെയ്യുമെന്നും സി.എ.ടി.യു പ്രസിഡന്റ് കെ. ഹേമലത, ജനറല് സെക്രട്ടറി തപന് സെന്, കിസാന്സഭ പ്രസിഡന്റ് അശോക് ധാവ്ലെ, ജനറല് സെക്രട്ടറി ഹനന് മൊല്ല എന്നിവര് ചൊവ്വാഴ്ച ഡല്ഹിയില് വാര്ത്തസമ്മേളനത്തില് വ്യക്തമാക്കി. ചരിത്രത്തില് ആദ്യമായാണ് തൊഴിലാളികള് കര്ഷകര് കര്ഷകത്തൊഴിലാളികള് എന്നീ സമൂഹത്തിലെ നിര്ണായക ഉത്പാദക ശക്തികള് സംയുക്തമായി ഇത്തരമൊരു റാലി സംഘടിപ്പിക്കുന്നതെന്ന് കിസാന് സഭ, സിഐടിയു നേതാക്കള് പറഞ്ഞു.
മഹാരാഷ്ട്രയെ വിറപ്പിച്ച കര്ഷകറാലിയില് പങ്കെടുത്തവരടക്കം ഡല്ഹിയില് എത്തിചേര്ന്നിട്ടുണ്ട്. കേരളത്തില് നിന്ന് അമ്പതിനായിരത്തോളം പേരാണ് റാലിയില് പങ്കെടുക്കാനെത്തിയിരിക്കുന്നത്. കര്ഷകരേയും തൊഴിലാളികളേയും ബാധിക്കുന്ന 15 ആവശ്യങ്ങള് മുന്നിര്ത്തിയാണ് റാലി നടത്തുന്നത്.കാര്ഷി ക കടങ്ങളെഴുതി തള്ളുക, വിലക്കയറ്റം തടയുക തുടങ്ങിയവയാണ് കര്ഷകരുടെ ആവശ്യങ്ങള്.
https://www.facebook.com/Malayalivartha
