കേരളമൊന്നാകെ പ്രതിരോധ പ്രവര്ത്തനങ്ങളില് പങ്കാളിയാകണം; എലിപ്പനി പ്രതിരോധം ശക്തമായി തുടരാന് ആരോഗ്യമന്ത്രിക്ക് മുഖ്യമന്ത്രിയുടെ നിര്ദ്ദേശം...
കേരളമൊന്നാകെ പ്രതിരോധ പ്രവര്ത്തനങ്ങളില് പങ്കാളിയാകണമെന്നും മുഖ്യമന്ത്രി. അമേരിക്കയില് നിന്ന് ടെലിഫോണിലൂടെയായിരുന്നു ആരോഗ്യമന്ത്രി കെ.കെ.ശൈലജയ്ക്ക് മുഖ്യമന്ത്രിയുടെ നിര്ദ്ദേശം. എലിപ്പനി പ്രതിരോധം ശക്തമായി തുടരാന് നിര്ദേശമാണ് നല്കിയത്. എലിപ്പനി പ്രതിരോധ പ്രവര്ത്തനങ്ങൾ മുഖ്യമന്ത്രി അവലോകനം ചെയ്തു.
കെ.കെ.ശൈലജയുമായി ഫോണിലൂടെ ചർച്ച നടത്തിയ മുഖ്യമന്ത്രി, നിലവില് നടക്കുന്ന പ്രവര്ത്തനങ്ങൾ ശക്തമായി തുടരാൻ നിര്ദേശിച്ചു. ദൈനംദിന നിരീക്ഷണവും വിലയിരുത്തലും തുടരാനും പ്രതിരോധ പ്രവര്ത്തനത്തിനൊപ്പം ജനകീയ ബോധവല്കരണ പരിപാടികള് ശക്തമാക്കാനും മുഖ്യമന്ത്രി നിര്ദേശിച്ചു.
മുഖ്യമന്ത്രി പിണറായി വിജയന് വിദഗ്ദ്ധ ചികിത്സയ്ക്കായി അമേരിക്കയിലേക്ക് പോയി. ഞായറഴ്ച്ച പുലർച്ചെ 4.40നുള്ള വിമാനത്തിലാണ് മുഖ്യമന്ത്രി അമേരിക്കയിലേക്ക് പോയത്. അമേരിക്കയിലെ മിനസോട്ടയിലുള്ള മയോക്ളിനിക്കില് അദ്ദേഹം പരിശോധനകള്ക്ക് വിധേയനാവും. ഭാര്യ കമലവിജയനും മുഖ്യമന്ത്രിക്കൊപ്പമുണ്ട്.
https://www.facebook.com/Malayalivartha
