ഇവിടെ കല്യാണം അവിടെ പാലുകാച്ചല്...സര്ക്കാര് പൈസക്കായി പാവപ്പെട്ടവരെ പിഴിയുമ്പോള് പിണറായിയുടെ മൂക്കിന് താഴെ ലക്ഷങ്ങളുടെ ധൂര്ത്ത്: ഇന്നോവ വണ്ടിക്ക് യാത്രാ സുഖം പോരെന്ന വാദവുമായി സാക്ഷരാ മിഷന് ഡയറക്ടര് പി എസ് ശ്രീകല
ട ല് പേര് തുടങ്ങുന്നവര് സി പി എമ്മിനെ പ്രതിസന്ധിയിലാക്കുന്നു. ശശി, ശ്രീകല അങ്ങനെ നീളുന്നു. എന്നാല് സാക്ഷരാ മിഷന് ഡയറക്ടര് പി എസ് ശ്രീകലയെ തല്സ്ഥാനത്ത് നിന്നും നീക്കിയേക്കും. ഇംഗ്ലീഷ് അക്ഷരമാലയിലെ എസ് എന്ന അക്ഷരത്തില് പേര് ആരംഭിക്കുന്നവരെയെല്ലാം സി പി എം ഭയക്കുന്ന പശ്ചാത്തലത്തിലായിരിക്കും നടപടി. സ്വന്തം കാര് ആഢംബരമാക്കാന് പത്രത്തില് പരസ്യം നല്കി എന്നാണ് ശ്രീകലക്കെതിരെയുള്ള പുതിയ വിവാദം.
സര്ക്കാര് കോളേജില് അധ്യാപികയായ ഇവര് ഡയറക്ടറായി പ്രവര്ത്തിക്കുന്നത് ഡപ്യൂട്ടേഷന് വ്യവസ്ഥയിലാണ്. ശ്രീകല മുമ്പും വിവാദനായികയാണ്. മുന് ധന സെക്രട്ടറി കെ എം എബ്രഹാമില് നിന്നും സ്ത്രീ പഠനകേന്ദ്രം എന്ന സി പി എം പോഷക സംഘടനക്ക് വേണ്ടി യു ഡി എഫ് സര്ക്കാരിന്റെ കാലത്ത് ലക്ഷകണക്കിന് രുപയുടെ ഫണ്ട് സംഘടിപ്പിച്ചതിന്റെ പേരില് എബ്രഹാമിനെതിരെ വിജിലന്സ് അന്വേഷണത്തിന് സര്ക്കാര് ഉത്തരവുണ്ടായിരുന്നു. ജേക്കബ് തോമസ് വിജിലന്സ് ഡയറക്ടര് സ്ഥാനത്ത് നിന്ന് പോയതോടെ കേസന്വേഷണം പാതിവഴിയിലായി.
ഇപ്പോള് മിഷന് ഡയറക്ടറുടെ കാര് ലക്ഷങ്ങള് ചെലവാക്കി മോടിപിടിപ്പിക്കാന് ദേശാഭിമാനിയില് പരസ്യം നല്കിയാണ് ശ്രീ കല വിവാദത്തിലായത്. സാധാരണ സര്ക്കാര് കാറുകള് ആവശ്യത്തിലധികം മോടിപിടിപ്പിക്കാറില്ല. അത് സര്ക്കാരിന്റെ വകയായതു കൊണ്ടു തന്നെയാണ് അങ്ങനെ ചെയുന്നത്. അഥവാ മോടിപിടിപ്പിച്ചാല് തന്നെ അതിന് വേണ്ടി പണം ചെലവാക്കി പരസ്യം നല്കാറില്ല. ദേശാഭിമാനിയില് 40,000 രൂപ മുടക്കിയാണ് ശ്രീകല പരസ്യം കൊടുത്തത്. ഇത് കേട്ടുകേഴ്വി ഇല്ലാത്ത സംഭവമാണ്. ഇന്നോവ കാറാണ് ഇവര് ഉപയോഗിക്കുന്നത്.
ശ്രീകലയുടെ ഔദ്യോഗിക കാറിന് ആറ് വര്ഷത്തെ പഴക്കമുണ്ട്. അതില് അലോയ് വീല്, ഫ്ലോറിംഗ് മാറ്റ്, സണ് ഫിലിം ,സെന്സര്, ക്യാമറ, നാവിഗേഷന് സംവിധാനം തുടങ്ങിയവ സ്ഥാപിക്കാനാണ് തീരുമാനം. 6 വര്ഷം പഴക്കമുള്ള കാറില് ഇത്തരം സാധനങ്ങള് ഘടിപ്പിക്കാറില്ല. കാരണം ഒന്പത് വര്ഷം കഴിഞ്ഞാല് കാര് മാറ്റാന് അധികാരമുണ്ട്. അഥവാ അങ്ങനെ ചെയ്യുന്നുണ്ടെങ്കില് തന്നെ അക്കാര്യം പരമരഹസ്യമായി നിര്വഹിക്കാമായിരുന്നു. സംഭവം മലയാള മനോരമ വാര്ത്തയാക്കിയതോടെയാണ് സഖാവ് ബുദ്ധിമുട്ടിലായത്. ദുരിതാശ്വാസത്തിന്റെ പേരില് സര്ക്കാര് ചക്രശ്വാസം വലിക്കുമ്പോഴാണ് സാക്ഷരതാ മിഷന് അധ്യക്ഷയുടെ ധൂര്ത്ത്.
മാത്രവുമല്ല സര്ക്കാര് ഉദ്യോഗസ്ഥരില് നിന്ന് നവകേരള നിര്മ്മിതിക്കായി ശമ്പളം പിടിച്ചു വാങ്ങാനും സര്ക്കാര് നീക്കമുണ്ട്. ഇനി ശ്രീകല പരസ്യത്തിലെ കാര്യങ്ങള് വേണ്ടെന്നു വച്ചാല് തന്നെ പാര്ട്ടിയും അവരും നാറി. പാര്ട്ടിയെ പ്രതിസന്ധിയിലാക്കുന്നവരെ മുന്നോട്ട് പോകാന് അനുവദിക്കേണ്ടെന്നാണ് സി പി എം നിലപാട്. അത് ശശിയായാലും ശ്രീകലയായാലും അങ്ങനെ തന്നെ. എസില് പേര് തുടങ്ങുന്നവരെ ശ്രദ്ധിക്കണണമെന്നാണ് പാര്ട്ടിയുടെ തീരുമാനം. പാര്ട്ടി പ്രതിസന്ധി നേരിടുന്ന ഘട്ടത്തില് പാര്ട്ടി സഖാക്കളുടെ വിമര്ശനങ്ങള് പോലും കേള്ക്കുന്ന തരത്തിലാണ് ഇത്തരം പ്രവര്ത്തനങ്ങളെന്ന് പാര്ട്ടി വിലയിരുത്തുന്നു.
കാറുകളില് സണ് ഫിലിം ഒട്ടിക്കുന്നത് നിയമ വിരുദ്ധമാണെന്നിരിക്കെയാണ് ശ്രീകലയുടെ തീരുമാനം. സുപ്രീം കോടതി ഉത്തരവിന്റെ അടിസ്ഥാനത്തിലാണ് സണ് ഫിലിം ഇല്ലാതാക്കിയത്. ഇക്കാര്യം കോടതിയുടെ ശ്രദ്ധയില് വന്നാല് അത് കൂടുതല് വെല്ലുവിളിയായി തീരും. ശ്രീകല പാര്ട്ടി യോഗങ്ങളിലെ സ്ഥിരം പ്രാസംഗികയാണ്. കോടിയേരിയുമായി നല്ല ബന്ധമാണുള്ളത്.
https://www.facebook.com/Malayalivartha
