മഹാരാഷ്ട്രയിൽ യുവ വ്യവസായി കേതൻ അഗർവാളിനെ കൊലപ്പെടുത്തിയ കേസുമായി ബന്ധപ്പെട്ടു നിർണായക വിവരങ്ങൾ പുറത്ത്. പ്രതിശ്രുത വധുവിനെതിരെ കൂടുതൽ തെളിവുകളുമായി അന്വേഷണ സംഘം രംഗത്ത് . കേതനിൽ നിന്ന് സിയ ഒരു കോടി രൂപ ഷോപ്പിംഗിന് എന്നു പറഞ്ഞ് വാങ്ങി.

ഇത് കാമുകനായ ചേതൻ ചൗധരിയ്ക്ക് നൽകിയെന്നും ചോദ്യം ചെയ്യലിൽ സിയ ഇക്കാര്യം സമ്മതിച്ചെന്നും ഉദ്യോഗസ്ഥർ വ്യക്തമാക്കി . ആ തുക ബിസിനസ് ആവശ്യങ്ങൾക്കായിട്ടാണ് ചേതൻ ഉപയോഗിച്ചത്.

കേതനുമായുള്ള വിവാഹ നിശ്ചയത്തിന് ആഴ്ചകൾക്ക് മുൻപ് സിയയും ചേതനും ഉദയ്പൂരിലേക്ക് യാത്ര ചെയ്തു. ഇരുവരും ഇവിടെ ഒന്നിച്ചു കഴിഞ്ഞു. കേതനെ കൊലപ്പെടുത്തുന്നതിന് 34 മിനിറ്റ് മുൻപ് സിയ ചേതനെ ഫോൺ ചെയ്തു. ചേതന്റെ നിർദ്ദേശത്താലാണ് കോട്ടയിലെ മറ്റു സഞ്ചാരികളൊന്നും ഇല്ലാത്തിടത്തെ വ്യൂ പോയിന്റിലേക്ക് കേതനെ കൊണ്ടുപോയതെന്നും റിപ്പോർട്ടിൽ വ്യക്തമാക്കുന്നു.