പൊതുസമൂഹത്തിന്റെ ഇടയിലേക്ക് നീതി ആവശ്യപ്പെട്ട് കന്യാസ്ത്രീകള്‍. ഫ്രാങ്കോയുടെ അറസ്റ്റിന് തടയിടുന്നത് പിണറായിയുടെ ഓഫീസെന്നും ആരോപണം. അഞ്ചുവട്ടം കന്യസ്ത്രീയുടെ മൊഴിയെടുത്തിട്ടും വാദിയെ പ്രതിയാക്കുന്ന പോലീസിന്റെ നടപടിക്കെതിരെ പ്രതിഷേധം ശക്തം. ഹൈക്കോടതി വളപ്പിലാണ് സത്യാഗഹം ഇരിക്കുന്നത്. കുറവിലങ്ങാട് മഠത്തിലെ കന്യസ്ത്രീകളും അവരുടെ വീട്ടുകാരുമാണ് സമരത്തിന് ഇറങ്ങിയിരിക്കുന്നത്. ബിഷപ്പ് ഫ്രാങ്കോ മുളയ്ക്കലിനെതിരായ ലൈംഗിക പീഡനപരാതിയില്‍ സഭയും സര്‍ക്കാരും കൈവിട്ടെന്ന് കുറവിലങ്ങാട് മഠത്തിലെ കന്യാസ്ത്രീകള്‍ വിപാപത്തോടെ പറഞ്ഞു. നീതി നിഷേധിക്കപ്പെടുന്നതിനാല്‍ സമരത്തിനിറങ്ങുകയാണെന്നും പറഞ്ഞു.ഇരയായ കന്യാസ്ത്രീക്കൊപ്പം ഉറച്ചുനില്ക്കുന്ന അഞ്ച് കന്യാസ്ത്രീകളുടേതാണ് പ്രതികരണം.

ആരും സംരക്ഷിക്കാനില്ല. ഇരയായ കന്യാസ്ത്രീയൊടൊപ്പം ഉറച്ചുനില്ക്കും. കേസ് അട്ടിമറിക്കാന് ശ്രമങ്ങള്‍ നടക്കുന്നുണ്ട്. കൊച്ചിയില്‍ കെ സി ആര് എം നടത്തുന്ന പ്രതിഷേധ ധരണയില്‍ പങ്കെടുക്കുമെന്നും കന്യാസ്ത്രീകള് പറഞ്ഞു.കൊച്ചി ഹൈക്കോടതി ജങ്ഷനില്‍ പ്രതിഷേധ ധര്‍ണ നടത്താന്‍ കന്യാസ്ത്രീകള്‍ കുറവിലങ്ങാടുനിന്ന് എട്ടുമണിയോടെ പുറപ്പെട്ടു. പത്തുമണിയോടെയാകും പ്രതിഷേധം ആരംഭിച്ചു. സഭാ നേതൃത്വം ഇടപെട്ട് വിഷയത്തില് തീരുമാനമുണ്ടാക്കുമെന്നായിരുന്നു ആദ്യഘട്ടത്തില് കന്യാസ്ത്രീകളുടെ പ്രതീക്ഷ. എന്നാല് സഭാനേതൃത്വം പരാതി അവഗണിച്ചതോടെ ഇതു നഷ്ടപ്പെട്ടു. പിന്നീടാണ് അവര് നിയമസംവിധാനത്തെ സമീപിച്ചത്

.
നിയമസംവിധാനം നടത്തിയ അന്വേഷണത്തിന്റെ ആദ്യഘട്ടത്തില്‍ കന്യാസ്ത്രീകള്‍ക്ക് പരാതിയുണ്ടായിരുന്നില്ല. എന്നാല് ബിഷപ്പിന്റെ അറസ്റ്റിലേക്ക് കാര്യങ്ങള്‍ എത്തുന്നില്ലെന്ന് മനസ്സിലായതോടെയാണ് കന്യാസ്ത്രീകള്‍ പ്രത്യക്ഷ സമരവുമായി രംഗത്തെത്തുന്നത്.
പീഡനത്തിന് ഇരയായ കന്യാസ്ത്രീ ഉള്‍പ്പെടെ ഒമ്പതുപേരാണ് കുറവിലങ്ങാട് മഠത്തിലുണ്ടായിരുന്നത്. ഇതില് ഒരാള് തിരുവസ്ത്രം നേരത്തെ ഉപേക്ഷിച്ചു. ഇരയായ കന്യാസ്ത്രീ ഉള്‍പ്പെടെ ആറുപേര് ബിഷപ്പിന് എതിരായ നിലപാട് സ്വീകരിച്ചിരിക്കുന്നവരാണ്. ഇതോടെ വിഷയം കൂടുതല്‍ നാറുമെന്നതില്‍ തര്‍ക്കമില്ല. സഭാനേതൃത്വം പ്രതിസന്ധിയിലാണ്. കന്യാസ്രീകള്‍ക്ക് നീതി നല്‍കാന്‍ സഭ ഇടപെടണമെന്ന് ഫാ. പോള്‍ തേലക്കാട്ട് ആവശ്യപ്പെട്ടു.
ബിഷപ്പ് ഫ്രാങ്കോ മുളയ്ക്കലിന്റെ അറസ്റ്റിന് അനുമതി നല്‍കാത്ത പക്ഷം അന്വേഷണ ചുമതലയില്‍ നിന്ന് ഒഴിയുമെന്ന് അന്വേഷണ സംഘം നേരത്തെ പറഞ്ഞിരുന്നു. ഭരണമുന്നണിയില്‍ നിന്ന് ബിഷപ്പിന്റെ അറസ്റ്റ് ഒഴിവാക്കാന്‍ കടുത്ത രാഷ്ട്രീയ സമ്മര്‍ദ്ദമുണ്ടെന്നും അന്വേഷണ സംഘം ആരോപിച്ചിരുന്നു.
കേസ് അട്ടിമറിക്കാന്‍ പൊലീസ് ഉന്നത ഉദ്യോഗസ്ഥര്‍ ശ്രമിക്കുന്നുവെന്നും വൈക്കം ഡിവൈഎസ്പി സുഭാഷിനും സംഘത്തിനും പരാതിയുണ്ട്. അന്വേഷണ സംഘത്തിന്റെ രഹസ്യ റിപ്പോര്‍ട്ടുകള്‍ പോലും ചോരുന്നുണ്ട്. ഉന്നതര്‍ ഈ റിപ്പോര്‍ട്ടുകള്‍ ചോര്‍ത്തി ബിഷപ്പിന് നല്‍കുന്നു. ഇതുമൂലം അന്വേഷണ സംഘത്തിന് കടുത്ത ഭീഷണിയുണ്ടെന്നും ഒരാഴ്ച മുമ്പ് അന്വേഷണസംഘം തന്നെ വെളിപ്പെടുത്തിയിരുന്നു.