പരസ്യവിഴുപ്പലക്കല്‍ മന്ത്രിസഭയ്ക്ക് നാണക്കേട്. ആദ്യം സുധാകരനും തോമസ് ഐസക്കും തുടങ്ങിവെച്ച പോര് വകുപ്പുകളിലേക്കും എത്തുന്നു. പിണറായി പോയതോടെ വകുപ്പുകളും മന്ത്രിമാരും കൊമ്പുകോര്‍ക്കലില്‍. കലോത്സവത്തില്‍ സര്‍ക്കാര്‍ ഇപ്പോഴും അവ്യക്തതയിലാണ്ഒപ്പം മന്ത്രിമാരും. മന്ത്രി വി.എസ് സുനില്‍ കുമാറും വകുപ്പും കൃഷി നടത്തുന്നത് മോക്ഷം കിട്ടനായിട്ടാണെന്ന് പി എച്ച് കുര്യന്‍ പറഞ്ഞു. കോട്ടയത്ത് നടന്ന ചടങ്ങിലാണ് കൃഷി മന്ത്രിയെയും വകുപ്പിനെയും പരസ്യമായി വിമര്‍ശിച്ച് പി എച്ച് കുര്യന്‍ രംഗത്ത് വന്നിരിക്കുന്നത്. കുട്ടനാട്ടിലെ നെല്‍കൃഷി പരിസ്ഥിതിവിരുദ്ധമാണ്. പദ്ധതിക്ക് കൊണ്ട് കുട്ടനാട്ടില്‍ പ്രത്യേകിച്ച് പ്രയോജനമുണ്ടാകില്ല. പകരം കുട്ടനാട്ടില്‍ കുടിവെള്ള യൂണിറ്റോ മത്സ്യകൃഷിയോ ടൂറിസമോ നടത്തണമെന്നും അദ്ദേഹം പറഞ്ഞു.
സംസ്ഥാനത്തെ നിയമവാഴ്ച തകര്‍ന്നെന്നുള്ള പ്രസ്താവനയാണു സസ്‌പെന്‍ഷനിലേക്കു നയിച്ചത്. ഇതു സര്‍ക്കാരിനെക്കുറിച്ചു ജനങ്ങള്‍ക്കിടയില്‍ അവമതിപ്പുണ്ടാക്കിയെന്നാണു വിലയിരുത്തല്‍. ഈ സാഹചര്യത്തില്‍ മുഖ്യമന്ത്രിയുടെ നിര്‍ദേശ പ്രകാരമായിരുന്നു നടപടി. അച്ചടക്ക നടപടി സ്വീകരിച്ച ശേഷം ജേക്കബ് തോമസിന് നല്‍കിയ മെമോയില്‍ അദ്ദേഹം നല്‍കിയ വിശദീകരണം തൃപ്തികരമല്ലെന്നാണ് ചീഫ് സെക്രട്ടറി നിലപാട് സ്വീകരിച്ചത്. വിമര്‍ശനങ്ങളില്‍ ഉറച്ചു നിന്നുകൊണ്ടുള്ള മറുപടിയാണ് ജേക്കബ് തോമസ് നല്‍കിയിരുന്നത്. ഓഖിയില്‍ എന്തെല്ലാം നടപടികള്‍ സ്വീകരിച്ചെന്ന കാര്യം സര്‍ക്കാര്‍ വ്യക്തമായി പരസ്യപ്പെടുത്തിയിരുന്നില്ലെന്നും മാധ്യമങ്ങളില്‍ വന്ന വാര്‍ത്ത അടിസ്ഥാനപ്പെടുത്തിയാണ്താന്‍ നിലപാട് വ്യക്തമാക്കിയതെന്നുമായിരുന്നു ജേക്കബ് തോമസിന്റെ വിശദീകരണം. എന്നാല്‍ സംസ്ഥാനത്തെ ക്രമസമാധാന നില തകര്‍ന്നെന്ന തരത്തില്‍ നടത്തിയ പ്രസ്താവന അദ്ദേഹം നിഷേധിച്ചിരുന്നു. നേരത്തെ ഓഖി ദുരന്ത നിവാരണ പ്രവര്‍ത്തനങ്ങളില്‍ സര്‍ക്കാരിന് വീഴ്ച്ച പറ്റിയെന്ന് ഡിജിപി ജേക്കബ് തോമസ് വിമര്‍ശിച്ചിരുന്നു. ഇതിന്റെ പേരില്‍ ജേക്കബ് തോമസ് സസ്‌പെന്‍ഷനിലാണ്.