ഓരോ വര്‍ഷവും എല്‍ഐസിക്ക് ലാഭമായി ലഭിക്കുന്നത് കോടികൾ. ഒരു വര്‍ഷത്തെ കണക്കനുസരിച്ച് കൃത്യമായി പോളിസി അടയ്ക്കാതെ ലാപ്സായ പോളിസിയുടെ 25 ശതമാനമായ ഏകദേശം 5,000 കോടിയാണ് എല്‍ഐസിക്ക് ലാഭമായി ലഭിക്കുന്നത്.

പോളിസി എടുക്കുന്നവരില്‍ പലരും അത് കൃത്യമായി അടച്ചു തീര്‍ക്കാതത്ത കാരണം എല്‍ഐസിക്ക് ലാഭമുണ്ടാക്കുകയാണ് ചെയ്യുന്നത്. 2016 -17 വര്‍ഷത്തില്‍ എല്‍ഐസിക്ക് 22,178.15 കോടി രൂപയുടെ പ്രീമിയം പോളിസിയാണുണ്ടായിരുന്നത്. രാജ്യത്തെ മുഴുവന്‍ ലൈഫ് ഇന്‍ഷുറന്‍സ് പോളിസിയുടെ 44 ശതമാനമാണിത്.

അവകാശികളില്ലാതെ കാലവധി പൂര്‍ത്തിയായിട്ടും ഇന്‍ഷുറന്‍സ് കമ്പനികളില്‍ കൈവശമിരിക്കുന്ന പണം ഏകദേശം 15,000 കോടിക്ക് മുകളില്‍ വരുമെന്നാണ് റിപ്പോര്‍ട്ട്. ഇത്തരത്തില്‍ ഓരോ വര്‍ഷവും എല്‍ഐസിയുടെ ലാഭത്തിലേക്ക് പോകുന്നത് കോടികളാണ്.