ഞങ്ങളുടെ പാര്ട്ടിയെ തൊട്ടുകളിക്കല്ലേ; റവന്യു സെക്രട്ടറി പി എച്ച് കുര്യനെ തല്സ്ഥാനത്ത് നിന്ന് മാറ്റണമെന്ന് സിപിഐ ആവശ്യപ്പെടും; സുനില് കുമാര് കാനത്തെ നേരിട്ട് കണ്ട് പരാതി അറിയിച്ചു; കുര്യന്റെ ഭാവി പിണറായി മടങ്ങിയെത്തുമ്പോഴറിയാം
റവന്യു സെക്രട്ടറി പി എച്ച് കുര്യനെ റവന്യു സെക്രട്ടറി സ്ഥാനത്ത് നിന്ന് മാറ്റണമെന്ന് സിപിഐ ആവശ്യപ്പെടും. മുഖ്യമന്ത്രിയുമായി കൂടിയാലോചന നടത്തി ഇക്കാര്യത്തില് തീരുമാനമെടുക്കാമെന്ന് കോടിയേരി ബാലക്യഷ്ണന് കാനത്തോട് പറഞ്ഞതായി വിശ്വസ്ത കേന്ദ്രങ്ങളില് നിന്ന് വിവരം അറിയിച്ചു. കാനം രാജേന്ദ്രന് നേരിട്ടാണ് ഇക്കാര്യത്തില് തീരുമാനമെടുത്തത്. വി എസ് സുനില്കുമാറിനെതിരെ കുര്യന് പറഞ്ഞ കാര്യങ്ങള് കാനം നേരിട്ട് മനസിലാക്കുകയായിരുന്നു. സുനില് കുമാര് കാനത്തെ നേരിട്ട് കണ്ട് തന്റെ പരാതി അറിയിച്ചതിന് മുമ്പ് തന്നെ കാനം ആവശ്യമായ നടപടികള് സ്വീകരിച്ചിരുന്നു. ആദ്യം റവന്യുമന്ത്രി ചന്ദ്രശേഖരനുമായാണ് കാനം സംസാരിച്ചത്. മന്ത്രി ചന്ദ്രശേഖരന്റെ െ്രെപവറ്റ് സെക്രട്ടറി കുര്യനെ മന്ത്രിക്കുള്ള അനിഷ്ടം അറിയിച്ചു കഴിഞ്ഞു.
കുര്യന് കുറെ നാളായി കഷ്ടകാലമായിരുന്നു. പ്രളയ ദുരിത സമയത്ത് കുര്യനെ മുഖ്യമന്ത്രി നേരിട്ട് വഴക്കു പറഞ്ഞിരുന്നു.ഇത് വാര്ത്തയായി. അപ്പോള് മുഖ്യമന്ത്രി ഇക്കാര്യം നിഷേധിച്ചു. എന്നാല് മുഖ്യമന്ത്രിക്ക് ഇപ്പോഴും കുര്യനോട് അനിഷ്ടമുണ്ട് എന്നാണ് വിവരം.
മന്ത്രി സുനില് കുമാര് കുര്യനോട് നേരിട്ട് തന്നെ തന്റെ നിലപാട് അറിയിച്ചിട്ടുണ്ട്. സര്ക്കാരിന്റെ പ്രഖ്യാപിത നിലപാടിനോട് യോജിപ്പില്ലാത്തവര് സര്ക്കാരില് പ്രവര്ത്തിക്കേണ്ട കാര്യമില്ലെന്നാണ് നല്കിയ നിര്ദ്ദേശം.അതോടെ കുര്യന് തന്റെ പരസ്യ പ്രസ്താവനകള് അവസാനിപ്പിച്ചു. ഇനിയും അദ്ദേഹം ആവര്ത്തിച്ചാല് ജേക്കബ് തോമസിന്റെ അവസ്ഥ വരും. ഇക്കാര്യം കുര്യനുമായി ബന്ധപ്പെട്ടവര് അദ്ദേഹത്തെ അറിയിച്ചിട്ടുണ്ട്.കുര്യന് പറഞ്ഞു പോയതിനാല് വിഷമമുണ്ട്. പ്രസംഗത്തിന്റെ ആവേശത്തില് അങ്ങനെ പറഞ്ഞു പോയതായാണ് വിവരം. എന്നിരുന്നാലും പറഞ്ഞു പോയ കാര്യങ്ങളില് ഉറച്ചു നില്ക്കാനാണ് കുര്യന്റെ തീരുമാനം. സംസ്ഥാനത്തെ ഏറ്റവും സീനിയര് ഉദ്യോഗസ്ഥരില് ഒരാളായ തനിക്ക് പറഞ്ഞു പോയ കാര്യങ്ങളില് നിന്ന് പിന്മാറാനാവില്ലെന്ന് കുര്യനറിയാം.
അതേ സമയം ഇനി ഇക്കാര്യത്തില് വിവാദം ഉണ്ടാകില്ല. കുര്യന് കാനത്തെയും സുനില്കുമാറിനെയും നേരില് കണ്ടാല് വിവാദങ്ങള് അവസാനിക്കും. അതിനിടെ ഉമ്മന് ചാണ്ടിയെയുമായും കുര്യന് പിണക്കി. പാവപ്പെട്ടവര്ക്ക് ഭൂമി നല്കുന്ന യുഡിഎഫിന്റെ പദ്ധതി തട്ടിപ്പാണെന്നാണ് കുര്യന് പറഞ്ഞത്. അതിന് ഉമ്മന് ചാണ്ടി മറുപടി പറയുകയും ചെയ്തു. അതോടെ യു ഡി എഫുമായുള്ള ബന്ധവും തെറ്റി. യു ഡി എഫിന്റെ ആളായിരുന്നു കുര്യന്. കുഞ്ഞാലിക്കുട്ടിയുമായി അദ്ദേഹത്തിന് അടുത്ത ബന്ധമുണ്ട്.
https://www.facebook.com/Malayalivartha
