കെ.എസ്.ആര്.ടി.സി ഓര്ഡിനറി ഷെഡ്യൂള് ഇന്ന് മുതല് സിംഗിള് ഡ്യൂട്ടിയിലേക്ക്
കെ.എസ്.ആര്.ടി.സി ഓര്ഡിനറി ഷെഡ്യൂള് ഇന്ന് മുതല് സിംഗിള് ഡ്യൂട്ടിയിലേക്ക്. ഇത് സംബന്ധിച്ച് മാനേജ്മന്റെ് ഉത്തരവിറക്കി. ജീവനക്കാര്ക്ക് ഇരട്ട ഡ്യൂട്ടി നല്കാന് തിരക്ക് കുറഞ്ഞ ഉച്ചക്കും സര്വിസ് നടത്തിയിരുന്നത് പുതിയ സംവിധാനത്തില് ഒഴിവാക്കും. രാവിലെ കയറുന്ന ജീവനക്കാര് തുടര്ച്ചായി എട്ടുമണിക്കൂര് ജോലിചെയ്ത് ഉച്ചക്ക് ഡ്യൂട്ടി അവസാനിപ്പിക്കുന്നതിന് പകരം യാത്രക്കാരില്ലാത്ത ഉച്ചനേരത്ത് ബസ് നിര്ത്തിയിടും. ഈ സമയം ഡ്യൂട്ടിയായി പരിഗണിക്കില്ല.
ഉച്ചക്കുശേഷം സര്വിസ് പുനരാരംഭഭിക്കുകയും രാത്രി അവസാനിക്കുകയും ചെയ്യും. ഫലത്തില് ജീവനക്കാര് ദിവസവും ഡ്യൂട്ടിക്കെത്തേണ്ടിവരും. നിലവില് ഡബിള് ഡ്യൂട്ടി ചെയ്ത് ഒന്നിടവിട്ട ദിവസങ്ങളിലാണ് ജോലിക്കെത്തുന്നത്. വരുമാനം കൂടിയ ബസുകളില് ഉച്ചക്ക് ജീവനക്കാര് മാറുന്നവിധം ഡ്യൂട്ടി ക്രമീകരിക്കും.
രാവിലെ ഡ്യൂട്ടിക്ക് കയറുന്നവര് ഉച്ചക്ക് ഇറങ്ങും. ഉച്ചക്ക് കയറുന്നവര് രാത്രി വൈകി ഇറങ്ങും. പുതിയ ക്രമീകരണത്തോടെ തിരക്ക് ഏറെയുള്ള രാവിലെയും വൈകീട്ടും കൂടുതല് ബസ് നിരത്തിലുണ്ടാകും. എട്ട് മണിക്കൂറില് ഏഴ് മണിക്കൂറാണ് ബസ് ഓടിക്കേണ്ട സമയം. അതില് അരമണിക്കൂര്വീതം വിശ്രമത്തിനും അനുബന്ധ ജോലികള്ക്കും കിട്ടും.
കൂടാതെ യാത്രക്കാര് കുറഞ്ഞ സമയത്തെ ട്രിപ്പുകള് ഒഴിവാക്കിയാലും പ്രതിഫലം നല്കേണ്ടിവരില്ല. രാത്രി വൈകി ട്രിപ്പ് ഓടിക്കാന് മുന് സംവിധാനത്തില് ഡബിള് ഡ്യൂട്ടി നല്കേണ്ടി വന്നിരുന്നു. ഇത് ഭാരിച്ച നഷ്ടമാണ് ഉണ്ടാക്കിയത്. ചെയിന് സര്വിസുകള് രണ്ട് സിംഗിള് ഡ്യൂട്ടികളാക്കണം. എല്ലാ ഡ്യൂട്ടികളും സിംഗിളാക്കണമെന്ന സര്ക്കാറിന്റെ നിര്ദേശത്തെ തുടര്ന്നാണ് നടപടി. ഓര്ഡിനറി ബസുകള് 160 കിലോമീറ്ററും ലിമിറ്റഡ് സ്റ്റോപ് ബസുകള് 200 കിലോമീറ്ററും സര്വിസ് നടത്തിയെന്ന് ഉറപ്പാക്കണമെന്നും ഉത്തരവില് നിര്ദേശമുണ്ട്.
https://www.facebook.com/Malayalivartha
